JOSUÉ 14:3 - Dios Rimashca Shimicunami

³ Rubenpaj, Gadpaj aillucunamanpish, Manasespaj chaupi aillumanpish Jordán yacumanta inti llujshin ladoman tiyaj allpacunatami paicuna japina cashcataca Moisesca, ñaupaman cushca carca. Levipaj huahuacunamanca paicunapurapica, allpataca mana curcachu.

JOSUÉ 14:3 Iomraidhean Croise

EZEQUIEL 45:1

Cancuna japina allpata suerteta rurashpa chaupicushpaca, mirga allpataca ñucapaj cachun ch'icanyachinguichij. Chai allpaca largomanca, 78 kilómetro, 750 metro cachun. Anchomanca, 31 kilómetro, 500 metros cachun. Chai allpataca ñucapajlla ch'icanchinguichij, chaica ñucapajllami canga.

JOSUÉ 12:6

Tucui chai llajtacunata mandajcunatami, Mandaj Diospajta ruraj Moiseshuan, israelcunahuanca misharcacuna. Chai tucui llajtacunataca, Mandaj Diospajta ruraj Moisesca Rubenpaj ailluman, Gadpaj ailluman Manasespaj chaupi aillumanpishmi ña curca.

JOSUÉ 13:14

Ashtahuanpish Levipaj huahua huahuacunamanca allpacunataca mana curcachu. Mandaj Dios mandashca shinallataj paicunaca israelcuna Mandaj Diosman cushpa rupachingapaj apamushcacunatami paicuna japina cashcataca japina carca.

JOSUÉ 13:16

Rubenpaj huahua huahuacunapaj allpacunaca caicunami: Arnón yacu uripi caj Aroermantaca pugru pamba chaupipi caj pueblocunandij, tucui Medeba pambacamami curca.

JOSUÉ 13:17

Hesbón pueblotapish, chai muyundij pambacunapi caj cai tucui pueblocunandijmi curca: Dibón, Bamot-baal, Bet-baal-meón,

JOSUÉ 13:8

Rubenpaj, Gadpaj aillucunahuan, Manasespaj chaupi ailluhuanca ñami Jordán yacumanta inti llujshin ladoman caj llajtacunata Mandaj Diospajta ruraj Moisesllataj cujpi chasquircacuna.