JOSUÉ 13:6 - Dios Rimashca Shimicunami

⁶ Libanopi causajcunamanta callarishpaca, Misrefot-maimpi causajcunacamami sidoniocunatapish, urcucunapi causajcunatapish tucuicunata israelcunapaj ñaupajmanta anchuchisha. Canca ñuca ima shina mandashca shinallataj cada aillupaj sorteajpica, maipimi urman chaipi paicuna japina cashcataca cunguilla.

JOSUÉ 13:6 Iomraidhean Croise

SALMOS 80:8

Egiptomantami uva yurata apamurcangui. Cai llajta runacunata llujshichishpa cachashpami chaitaca tarpurcangui.

NÚMEROS 33:54

Chai llajtataca sorteashpa, cada familia ima shina cashca shinallataj japinguichij. Achca cajmanca achcata cunguichij. Ashalla cajmanca ashallata cunguichij. Sorteajpi maipimi urman, chaitataj cunguichij. Cancunapaj yayacunamanta mirarishca aillucuna ima shina cashca shinallataj japinguichij.

JOSUÉ 1:6

Cancunapaj ñaupa yayacunaman ñuca cusha nishca allpata japinataca, c'ari c'ari tucushpa, ama manchaichu. Chai allpataca, tucui israelcunaman canmi chaupishpa cungui.

JOSUÉ 11:12

Hazor pueblota jatun mandajhuan tandanacushca jatun mandajcunapaj llajtacunatapish pai japishpami mandajcunatapish tucuicunata espadacunahuan huañuchirca. Taita Diospajta ruraj Moisés paicunata mandashca shinallatajmi tucuicunata chingachirca.

JOSUÉ 11:8

Mandaj Dios israelcunapaj maquipi churajpimi, israelcunaca paicunata huañuchishpa, maijancunataca Sidón jatun pueblocama, Misrefot-maim pueblocama, inti llujshin ladoman caj Mizpa pugru pambacama catishpa shujllatapish mana saquishpa tucuicunata huañuchircacuna.

JOSUÉ 13:7

Tucui cai allpacunataca iscun aillu israelcunaman, Manasespaj chaupi aillumanpish chaupishpa cungui” nircami.

JOSUÉ 23:13

cai llajtamanta chai saquirishca gentecunataca, Mandaj Dios cancunapaj ñaupajmanta mana anchuchina cashcata yachaichij. Ashtahuanpish paicunaca laziyana angu shina cancuna churarishpa urmanapajmi canga. Cancunallatataj huashapi macana angu shina, ñahuipi casha tiyacuj shinapishmi canga. Cancunata Mandaj Dios, cancunaman cushca cai sumaj llajtamanta cancunata tucui chingachingacamami chashna llaquichishca canguichij.

JOSUÉ 23:4

Cancuna japina cashca cai llajtacunataca, ñucami cancunapaj aillucunamanca sorteashpa curcani. Ña quichushca llajtacunatapish, manaraj quichushca llajtacunatapish, inti llujshin ladoman caj Jordán yacumantaca, inti huashicun ladoman caj mama cuchacamami chashna curcani.

JOSUÉ 23:5

Chai manaraj quichushca llajtacunapi causajcunataca, Mandaj Diosmi cancunapaj ñaupajmanta llujshichishpa cachanga. Mandaj Dios cusha nishca shinallatajmi, chai llajtacunataca cancuna japinguichij.