JOSUÉ 13:11 - Dios Rimashca Shimicunami

¹¹ Galaad llajtatapish, gesureocuna, maacateocuna causan llajtacunatapish, tucui Hermón urcutapish, tucui Basán llajtatapish Salca pueblocamami paicunaman curca.

JOSUÉ 13:11 Iomraidhean Croise

GÉNESIS 37:25

Chai q'uipaca micungapajmi tiyarircacuna. Paicuna huichilla ricushpaca, tauca ismaelitacuna shamucujtami ricurcacuna. Chaicunaca Galaadmantami mishquijllata ashnaj balsamota, mirrata camellocunaman apachishpa Egiptoman ricurcacuna.

1 CRÓNICAS 2:23

Shina cajpipish Gesurcuna, Aramcunami Jairpaj pueblocunatapish, Kenat pueblotapish, chai muyundij llajtacunatapish sujta chunga pueblocunata quichurcacuna. Tucui chaicunaca Galaadcunapaj yaya Maquirpaj huahua huahuacunami carca.

1 CRÓNICAS 5:11

Gadpaj huahua huahuacunaca, Rubenpaj huahua huahuacuna causacun llajta ch'imbapurapi caj Basán llajtapimi, Salca pueblocama causarcacuna.

NÚMEROS 32:29

cashna nirca: –Gadpaj, Rubenpaj aillucunapurapi caj tucui c'aricuna paicunapaj macanacunacunahuan allichirishca Mandaj Diospaj ñaupajta Jordán yacuta ch'imbashpa Mandaj Dios ña paipaj ñaupajmanta tucuita anchuchingacama paicuna cancunahuan cajpica, cancunapish paicuna nishca shinataj Galaad llajtataca paicunaman cunguichij.

DEUTERONOMIO 3:10

Pambacunapi tiyaj tucui pueblocunata, tucui Galaad llajtata, tucui Basán llajtatami japircanchij. Shinallataj jatun mandaj Og chai Basán llajtapi mandacushca Salca, Edrei pueblocunacamami japircanchij.

JOSUÉ 11:3

inti llujshin ladoman, inti huashicun ladoman causaj cananeocunata jatun mandajcunaman, urcucunapi causaj amorreocunata, heteocunata, ferezeocunata, jebuseocunata jatun mandajcunaman, Mizpa llajtapi caj Hermón urcu chaquipi causaj heveocunata jatun mandajmanpishmi tucuicuna tandanacushunchij nishpa huillaj cacharca.

JOSUÉ 13:10

Amorreocunata jatun mandaj Sehón mandacushca tucui pueblocunatapish amonitacunapaj llajtahuan tupanacuncamami chasquircacuna. Sehón shuti jatun mandajca, Hesbón pueblopimi mandashpa causarca.

JOSUÉ 13:2

Cai llajtacunatami israelcunaca, paicunapaj cachun japinaraj can: Filisteocuna, gesureocuna causan tucui llajtacunata,

JOSUÉ 13:25

Paicunapaj allpacunaca Jazer pueblondij, Galaad llajtapi caj tucui pueblocunandij, amonitacunapaj chaupi llajtatapish Rabá pueblo ch'imbapurapi caj Aroercamami carca.

JOSUÉ 17:5

Chaimantami Manasespaj huahua huahuacunaca Jordán yacu caishuj ladoman caj Galaad, Basán llajtacunata japishca jahua chunga mirga allpacunahuan japircacuna.

1 SAMUEL 13:7

Maijan hebreocunaca, Jordán yacuta ch'imbashpami Gad, Galaad llajtacunaman rircacuna. Saulca Gilgallapitajmi saquirirca. Soldadocunaca manchaihuan cashpapish Saulhuanmi saquirircacuna.