JOSUÉ 12:7 - Dios Rimashca Shimicunami

⁷ Jordán yacumanta inti huashicun ladoman causajcunata jatun mandajcunataca Josuehuan israelcunahuanca, caicunatami misharcacuna: Líbano pambapi caj Baal-gad llajtamanta callarishpaca, Seir urcuman huichi rina Halac shuti urcucamami japircacuna. Chai allpacunataca Israel aillucunapaj cachunmi Josueca mashnapura cajpipish, pajtanata chaupishpa curca.

JOSUÉ 12:7 Iomraidhean Croise

GÉNESIS 14:6

Seir urcupi causaj horeocunatapish, shitashca pamba c'uchupi caj Parán shuti pambacamami misharca.

GÉNESIS 32:3

Chaipi cashpami Jacobca, Edompi caj Seir pambapi causacuj paipaj huauqui Esaumanca pai tigracushcata huillachun huillajcunata cacharca.

GÉNESIS 36:20

Chai llajtallapitaj causaj horeo Seirpaj churicunaca: Lotán, Sobal, Zibeón, Aná,

GÉNESIS 36:30

Disón, Ezer, Disán shuticunami carca. Chaicunaca Seir llajtapi paicunapaj quiquin aillucunata mandajcunami carca.

GÉNESIS 36:8

Chaimi Edom nishca Esauca, Seir urcupi causarca.

SALMOS 135:11

Amorreocunata jatun mandaj Sehontapish, Basanta jatun mandaj Ogtapish huañuchircami. Canaanpi caj tucui jatun mandajcunatapish huañuchircami.

DEUTERONOMIO 2:1

Chai q'uipaca Mandaj Dios ñucata mandashca shinallatajmi, Puca Cuchaman rina ñanta shitashca pambaman tigrashpa rircanchij. Chaipica Seir urcutami achca huatacunata muyurcanchij.

DEUTERONOMIO 2:4

Israelcunataca cashna mandai: Seirpi causaj cancunapurallataj Esaupaj huahua huahuacunapaj llajtatami cancunaca pasana canguichij. Paicunaca cancunataca manchangacunami. Chashna cajpipish yuyaipimi cana canguichij.

JOSUÉ 11:17

Seir llajtaman huichi rina Halac urcumanta callarishpaca, Líbano pambapi caj Baal-gad llajtacama, Hermón urcu c'uchucamami chai tucui llajtacunata japirca. Chai llajtacunata jatun mandajcunatapish japishpami tucuicunata chugrichishpa huañuchirca.

JOSUÉ 11:23

Mandaj Dios Moisesta mandashca shinallatajmi, Josueca tucui chai llajtacunataca israelcunapaj cachun japirca. Chai llajtacunataca, tucui israelcunamanmi cada ailluman mashnacunapura cajpipish, pajtanata ricushpa chaupishpa curca. Macanacuipish chai llajtapica ña mana tiyarcachu.

JOSUÉ 3:17

Tucui israelcuna ch'imbangacamami curacunaca, Dioshuan ari ninacushca quillcata huaquichina arcahuan, Jordán yacu chaquirishca chaupipi imata mana manchashpa shayacurcallacuna. Israelcunaca tucuicunami chaquishca allpata ch'imbarcacuna.

JOSUÉ 9:1

Jordanmanta cai ladoman caj llajtacunapica, urcucunapi caj llajtacunapipish, pambacunapi caj llajtacunapipish, mama cucha c'uchupi caj llajtacunapipish Libanocamami Heteocunapish, amorreocunapish, cananeocunapish, ferezeocunapish, heveocunapish, jebuseocunapish causancuna. Chai llajtacunata jatun mandajcunami israelcuna Jericó pueblota, Hai pueblota imallata rurashcata yachaj chayashpaca tucuicuna tandanacushpa,