JOSUÉ 12:6 - Dios Rimashca Shimicunami

⁶ Tucui chai llajtacunata mandajcunatami, Mandaj Diospajta ruraj Moiseshuan, israelcunahuanca misharcacuna. Chai tucui llajtacunataca, Mandaj Diospajta ruraj Moisesca Rubenpaj ailluman, Gadpaj ailluman Manasespaj chaupi aillumanpishmi ña curca.

JOSUÉ 12:6 Iomraidhean Croise

NÚMEROS 32:33

Chashnami Moisesca Gadpaj, Rubenpaj aillucunamanpish, Josepaj churi Manasespaj chaupi aillumanpish amorreocunata jatun mandaj Sehón mandacushca llajtata, Basán llajtata jatun mandaj Og mandacushca llajtata curca. Chai pueblocunataca tucui chai llajta allpacunandijmi curca.

NÚMEROS 32:29

cashna nirca: –Gadpaj, Rubenpaj aillucunapurapi caj tucui c'aricuna paicunapaj macanacunacunahuan allichirishca Mandaj Diospaj ñaupajta Jordán yacuta ch'imbashpa Mandaj Dios ña paipaj ñaupajmanta tucuita anchuchingacama paicuna cancunahuan cajpica, cancunapish paicuna nishca shinataj Galaad llajtataca paicunaman cunguichij.

NÚMEROS 32:32

Ñucanchijca macanacunallacunami Mandaj Diospaj ñaupajta Canaán llajtaman ch'imbashun. Ashtahuanpish ñucanchij japina cashca allpaca, Jordán yacumanta inti llujshin ladomantajmi canga– nircacuna.

JOSUÉ 14:3

Rubenpaj, Gadpaj aillucunamanpish, Manasespaj chaupi aillumanpish Jordán yacumanta inti llujshin ladoman tiyaj allpacunatami paicuna japina cashcataca Moisesca, ñaupaman cushca carca. Levipaj huahuacunamanca paicunapurapica, allpataca mana curcachu.

JOSUÉ 18:7

Levipaj huahua huahuacunaca, cancunapurapica allpacunataca ashallatapish mana japingacunachu. Paicunaca Mandaj Diospajlla cura canatami japingacuna. Rubenpaj, Gadpaj aillucunapish, Manasespaj chaupi aillupish Jordán yacumanta inti llujshin ladoman caj llajtacunatami ña japircacuna. Paicunamanca Taita Diospajta ruraj Moisesmi curca” nircami.

JOSUÉ 22:4

Mandaj Diosca pai cusha nishcataca pajtachishpami, cai llajtataca cancunapaj huauquicunaman cujpi ña alli causacuncuna. Cancunamanpish Mandaj Diospajta ruraj Moisesca Jordán yacumanta inti llujshin ladomanmi ña curca. Cunanca chai llajtapi caj cancunapaj carpa huasicunaman tigraichijlla.

1 REYES 4:19

Uripaj churi Gebertaca, Galaad llajtapi caj llajtata, amorreocunata jatun mandaj mandacushca Sehón llajtapi caj llajtata, jatun mandaj Og mandacushca Basan llajtatapish paillataj mandachunmi churarca. Chai llajtapica, chai Geberllami mandaj carca.