JOSUÉ 12:1 - Dios Rimashca Shimicunami

¹ Jordán yacumanta inti llujshin ladoman causajcunata jatun mandajcunataca caicunatami israelcunaca mishashpa paicunapaj allpacuna cachun japirca. Chaicunaca caicunami: Arnón yacumanta callarishpaca, Hermón urcucama, inti llujshin lado Arabá pambacunandijmi tucuita japircacuna.

JOSUÉ 12:1 Iomraidhean Croise

1 REYES 4:19

Uripaj churi Gebertaca, Galaad llajtapi caj llajtata, amorreocunata jatun mandaj mandacushca Sehón llajtapi caj llajtata, jatun mandaj Og mandacushca Basan llajtatapish paillataj mandachunmi churarca. Chai llajtapica, chai Geberllami mandaj carca.

SALMOS 133:3

Hermón urcuta garhua shamushpa, Sión urcuman chayamuj shinamari. Chaimantami Mandaj Diosca ima allicunatapish, huiñai causaitapish cun.

SALMOS 136:21

Chaicunapaj allpacunata israelcunaman cujta alabaichigari. Pai llaquij canaca huiñaipajmari.

SALMOS 89:12

Janaj ladotapish ura ladotapish quiquinmari rurarcangui. Tabor urcupish, Hermón urcupish quiquinpaj shutipimari cantangacuna.

ISAÍAS 16:2

Pájaro mancharishpaca paipaj tazinta shitashpami miticugrin. Moabcunapish chai shinallatajmi, Arnón yacuta maitami ch'imbanallacunata miticushpa ringacuna.

NÚMEROS 21:13

Zeredmanta rishpaca Arnón jatun yacu ch'imba ladopimi carpa huasicunata shayachishpa tiyarirca. Arnonca amorreocunapaj llajtamanta llujshina shitashca pambapimi. Moab llajtahuan, amorreocunapaj llajtahuan lindeca Arnón jatun yacumi.

NÚMEROS 21:21

Israelcunaca amorreocunata jatun mandaj Sehonhuan rimachunmi paipaj randi huillajcunataca cashna nishpa cacharca:

NÚMEROS 21:24

Chaipimi israelcunapish amorreocunata espadahuan huañuchishpa paicunapaj llajtataca Arnón jatun yacumanta callarishpa Jaboc jatun yacucama, Amón llajtapaj lindecunacama quichurcacuna. Amón llajtapaj lindeca sinchi pircata rurashcami carca.

NÚMEROS 32:19

Ñucanchij quiquinpaj cachun japina cashca allpataca Jordán yacumanta inti llujshin ladoman caj cai llajtacunata ña japishpaca, Jordán yacuta ch'imbashpa tiyaj llajtacunataca yacu uripi cajcunatapish, ashtahuan chai ladoman tiyaj llajtacunatapish ñucanchij huauqui israelcunahuan ña mana japishun nishunchu– nircacunami.

NÚMEROS 32:32

Ñucanchijca macanacunallacunami Mandaj Diospaj ñaupajta Canaán llajtaman ch'imbashun. Ashtahuanpish ñucanchij japina cashca allpaca, Jordán yacumanta inti llujshin ladomantajmi canga– nircacuna.

NÚMEROS 32:33

Chashnami Moisesca Gadpaj, Rubenpaj aillucunamanpish, Josepaj churi Manasespaj chaupi aillumanpish amorreocunata jatun mandaj Sehón mandacushca llajtata, Basán llajtata jatun mandaj Og mandacushca llajtata curca. Chai pueblocunataca tucui chai llajta allpacunandijmi curca.

DEUTERONOMIO 2:24

Chaipimi Mandaj Diosca: Jatari, Arnón yacu huaicuta ch'imbashpa ri. Ñucami Hesbonta jatun mandaj Sehón amorreotaca paipaj llajtandij cambaj maquipi ña churarcani. Paipaj llajtaman yaicushpa paihuan macanacushpa quichui callarichijlla.

DEUTERONOMIO 2:32

Sehonca tucui paipaj cajcunandijmi, ñucanchijhuan macanacungapaj Jahaza puebloman shamurca.

DEUTERONOMIO 3:1

Chaimanta tigramushpaca ñucanchijca Basanman rina ñantami huichiyamurcanchij. Chaipimi Basan llajtata jatun mandaj Ogca tucui paipaj cajcunahuan Edrei pueblopi ñucanchijhuan macanacungapaj tupanaman llujshimurca.

DEUTERONOMIO 4:44

Cai mandashcatami Moisesca israelcunaman yachachirca.

DEUTERONOMIO 4:46

Moisesca Jordán yacumantaca, inti llujshin ladopi caj Bet-peor pueblo ch'imbanij pugru pambapi cashpami caitaca yachachirca. Chai puebloca Hesbonpi causaj amorreocunata jatun mandaj Sehonpaj llajtapimi carca. Paitami Moisesca israelcunahuan Egiptomanta llujshichimucushpa macanacushpa misharca.

DEUTERONOMIO 4:48

Chai llajtacunaca Arnón yacu huaicu c'uchupi caj Aroer llajtamantaca Hermón nishca Sión urcucamami carca.

JOSUÉ 1:15

Samarichun cancunaman cushca shinallataj paicunamanpish allpacunata Mandaj Dios cungacama ayudanguichij. Mandaj Dios cusha nishca allpata japingacama ayudashpaca, Jordán yacumanta inti llujshin ladoman Taita Diospajta ruraj Moisés cancunaman cushca cancunapaj allpallamantaj tigranguichijllami”– nircami.

JOSUÉ 11:17

Seir llajtaman huichi rina Halac urcumanta callarishpaca, Líbano pambapi caj Baal-gad llajtacama, Hermón urcu c'uchucamami chai tucui llajtacunata japirca. Chai llajtacunata jatun mandajcunatapish japishpami tucuicunata chugrichishpa huañuchirca.

JOSUÉ 11:3

inti llujshin ladoman, inti huashicun ladoman causaj cananeocunata jatun mandajcunaman, urcucunapi causaj amorreocunata, heteocunata, ferezeocunata, jebuseocunata jatun mandajcunaman, Mizpa llajtapi caj Hermón urcu chaquipi causaj heveocunata jatun mandajmanpishmi tucuicuna tandanacushunchij nishpa huillaj cacharca.

JOSUÉ 13:8

Rubenpaj, Gadpaj aillucunahuan, Manasespaj chaupi ailluhuanca ñami Jordán yacumanta inti llujshin ladoman caj llajtacunata Mandaj Diospajta ruraj Moisesllataj cujpi chasquircacuna.

JOSUÉ 22:4

Mandaj Diosca pai cusha nishcataca pajtachishpami, cai llajtataca cancunapaj huauquicunaman cujpi ña alli causacuncuna. Cancunamanpish Mandaj Diospajta ruraj Moisesca Jordán yacumanta inti llujshin ladomanmi ña curca. Cunanca chai llajtapi caj cancunapaj carpa huasicunaman tigraichijlla.

JUECES 11:18

Chashna mana pasachisha nijpimi, shitashca pambata rishpa Edom llajta, Moab llajta huashanijta muyushpa rirca. Chaimantaca inti llujshin ladoman caj Moab llajta ch'imbanijta shamushpami Arnón jatun yacu ch'imbanijllapi carpa huasicunata shayachishpa chaipi saquirircacuna. Arnón yacuca moabitacunapaj llajtapi cashcamantami chaimanca mana yaicurca.