JOSUÉ 11:6 - Dios Rimashca Shimicunami

⁶ Chashna tandanacujpimi Mandaj Diosca Josuetaca: “Ama manchaichu. Caya cai horasllataj paicunataca, ñuca cancunapaj maquipi churajpi tucuicunatami huañuchicunguichij. Caballocunatapish chaquicunata p'itishpa, macanacuna carrocunatapish tucuitami rupachicunguichij” nirca.

JOSUÉ 11:6 Iomraidhean Croise

2 SAMUEL 8:4

Davidca paicunataca caballocunapi tiyarishpa purijcunataca 1.700 runacunatami prezu japirca. Chaquillahuan purijcunataca, 20.000 runacunatami prezu japirca. Caballocunataca patsaj carrocunata aisanapaj pajtallata saquishpami, caishuj caballocunataca tucuicunata garroncunapi p'itirca.

2 REYES 6:16

Shina nijpimi Eliseoca: –Ama manchaichu, ñucanchijhuan cajcunamari paicunahuan cajcunata yalli– nirca.

2 CRÓNICAS 20:16

Paicunahuan shayarinaman caya uriyanguichij. Paicunaca Sis nishca huichitami huichiyangacuna. Jeruel shuti shitashca pamba uranij huaicupimi tupanguichij.

SALMOS 46:10

“Ña casijlla tucuichij, ñucataca Taita Dios cashcata rijsichij. Tucui llajtacuna alabashcami casha. Cai pachapi causajcuna jatunyachishcami casha”

SALMOS 46:11

Tucuita Mandaj Diosca ñucanchijhuanmi. Paica ñucanchij paca tucuna Jacobpaj Taita Diosmi. Selah

SALMOS 46:9

Paica tucui cai pacha macanacuicunata tucuchijmi. Paica arcocunatapish p'aquijmi. Lanzacunatapish ñutujmi. Macanacuna carrocunatapish rupachijmi.

PROVERBIOS 20:7

Cashcata rurashpa, ima pandata mana rurajca, huahuacunatapish cushi causaipimi saquin.

ISAÍAS 30:16

cashnami nircanguichij: Caballocunapi tiyarishcahuan miticugrishunllami nircanguichijmi. Cunanca miticugrichijlla. Utca callpaj caballocunapi tiyarishpa callpashunllami nircanguichijmi. Chashna tiyarishpa callpanguichijlla, cancunata llaquichingapaj catijcunapish ashtahuan alli callpaj caballocunapi tiyarishpami catingacuna.

ISAÍAS 31:1

Egiptocuna ayudachun nishpa Egiptoman uriyajcunalla. Caballocunata, carrocunata charin nishpalla shunguta churajcunalla. Achcacuna cashcallamanta, caballocunapi tiyarijcuna cashcallamanta, c'ari c'aricuna cashcallamanta shunguta churajcunalla. ¡Aij, imachari tucungacuna! Ashtahuanpish Israelcunapaj jucha illaj Diospica shunguta mana churancunachu. Mandaj Diostaca mana mashcancunachu.

EZEQUIEL 39:9

Israel llajtapi tiyaj pueblocunapi causajcuna llujshishpami tucui laya macanacunacunatapish, uchilla escudocunatapish, jatun escudocunatapish, arcocunatapish, puntajlla caspicunatapish, maquipi aisana jabalinacunatapish, lanzacunatapish ninata japichishpa canchis huatata rupachingacuna.

OSEAS 14:3

Asiriocuna quishpichinatapish mana yuyanchijchu. Caballocunapi tiyarishpa mishashpa quishpirinatapish mana yuyanchijchu. Ñucanchij maquihuan rurashca dioscunatapish ña nunca: Caimi ñucanchij dios mana nishunchu. Yaya mama illaj tucushca ñucanchijca quiquinpimi llaquij cashcataca chasquinchij” nishpa mañanguichij.

NAHUM 2:13

Tucuita Mandaj Diosca cashnami nin: “Riqui Nínive, cantaca llaquichigrinimi. Cambaj carretacunataca rupachishpami, ushpallata rurasha. Malta leoncunataca espadami tucuchinga. Cai llajtaman shuhuashpa apamushcacunatapish chingachishami. Cambaj huillajcuna huillashcapish, ña mana ashtahuan uyaringachu” ninmi.

DEUTERONOMIO 7:16

Mandaj Dios cancunapaj Taita Dios cancunapaj maquipi churashca pueblocunataca tucuitami chingachina canguichij. Paicunataca ama llaquinguichijchu, paicunapaj dioscunapajtapish ama ruranguichijchu. Mana chashna rurajpica chaicunaca cancunapaj ñitcanami canga.

JOSUÉ 10:8

Mandaj Diosca Josuetaca: “Paicunataca ama manchaichu, ñucami tucui paicunataca cambaj maquipi churarcani. Cantaca pi mana mishai tucungacunachu” nircami.

JOSUÉ 11:5

Tucui chai llajtacunata jatun mandajcuna tandanacushpa shamushpaca, israelcunahuan macanacungapajmi, Merom yacu c'uchupi carpa huasicunata shayachishpa tiyarircacuna.

JOSUÉ 11:7

Chaimi Josueca, macanacunata yachaj runacunahuan Merom yacu c'uchuman chayashpa, chaipi cajcunataca cungaimanta japishpa llaquichi callarirca.

JOSUÉ 11:9

Josueca Mandaj Dios mandashca shinallatajmi, paicunata p'iñajcunapaj caballocunataca chaquicunata p'itishpa, carrocunatapish tucuita rupachirca.

JOSUÉ 3:5

Josuepish israelcunataca: “Tucuicuna allichirishpa ima mapa illajlla tucuichij. Cayami Mandaj Diosca, pi mana ruraipajta rurashpa cancunaman ricuchinga” nircami.

JUECES 20:28

Chai punllacunaca Eleazarpaj churi Finees Aaronpaj nietomi Mandaj Dioshuan ari ninacushca quillcata huaquichina arca ñaupajpica Taita Diospajta ruracurca. Chaipimi israelcunaca Mandaj Diostaca: “Benjaminpaj aillu ñucanchij huauquicunahuanca ¿cutinllataj macanacugrinachu canchij, mana cashpaca saquinallachu canchij?” nijpi, Mandaj Diosca: “Macanacunaman huichiyaichijlla, cayaca ñucami paicunataca cancunapaj maquipi churasha” nirca.

JUECES 7:9

Chai tutallatajmi Mandaj Diosca, Gedeontaca: “Jatari, madianitacunapaj carpa huasicunaman uriyai. Paicunataca ñami cambaj maquipi churarcani.

1 SAMUEL 11:9

Chaipimi Jabes pueblomanta huillanaman shamujcunamanca: –Galaadpi caj Jabes pueblopi causajcunamanca cashna nichij: Caya inti llujshishpa cunujyachicuillapimi, cancunataca ña quishpichishun ninmi nigrichij– nirca. Jabes puebloman tigrashpa chaita huillajpica, achcatami cushicurcacuna.