JOSUÉ 11:4 - Dios Rimashca Shimicunami

⁴ Tucui chai mandajcunaca paicunapaj soldadocunandij, achca caballocunandij, macanacuna carrocunandijmi achcacuna tucushpa rircacuna. Chai tucui llajtacunamanta tandanacushcacunaca, mama cucha uripi tiyaj t'iyu allpa shina pi mana yupaipaj achcacunami carca.

JOSUÉ 11:4 Iomraidhean Croise

GÉNESIS 22:17

Cantaca alli cashca cachun nishatajmi. Cambaj huahua huahuacunataca jahua pachapi caj luzerocunata shina, mama cucha uripi tiyaj t'iyu allpata shinami yallitaj mirachisha. Cambaj huahua huahuacunami paicunata p'iñajcunataca mishanga.

GÉNESIS 32:12

Quiquinca ñucataca: Ñucami cambajca allicunata rurasha. Cambaj huahua huahuacunaca mama cucha uripi tiyaj t'iyu allpa shinami canga. Chashna cashcamanta pi mana yupai tucuipajmi canga nircanguimari” nishpami mañarca.

2 SAMUEL 17:11

Ñucaca cai yuyaitami cuni: Danmanta callarishpa, Beersebacama tucui israelcunata cambajman tandachi. Mama cucha uripi tiyaj t'iyu allpa shina chai achcacunahuan tucushpami cantaj macanacunaman rina cangui.

1 REYES 4:20

Judacuna, israelcunaca mama cucha c'uchupi tiyaj t'iyu allpa shina yallitaj achcacuna micushpa, ubyashpa cushicujcunami carca.

SALMOS 20:8

Paicunaca huajllirinllacunami. Urmanllacunami. Ashtahuanpish ñucanchijca jatarinchijmi. Pi mana cuyuchipajtami shayanchij.

JOSUÉ 11:5

Tucui chai llajtacunata jatun mandajcuna tandanacushpa shamushpaca, israelcunahuan macanacungapajmi, Merom yacu c'uchupi carpa huasicunata shayachishpa tiyarircacuna.

JUECES 7:12

Chaipica madianitacunapish, amalecitacunapish, inti llujshin llajta runacunapish langosta c'urucuna shina chai pugru pambataca tucui tapashcami carca. Paicunapaj camellocunapish mama cucha uripi tiyaj t'iyu allpa shina yallitaj achca pi mana yupaipajmi carca.

1 SAMUEL 13:5

Filisteocunapish israelcunahuan macanacungapajmi, 30.000 carrocunahuan, caballocunapi tiyarishca 6.000 runacunahuan, chaquillahuan purij soldadocunahuancarin t'iyu allpa shina mana yupaipaj achcacuna tandanacurcacuna. Bet-avén pueblomanta inti llujshin ladoman caj Micmas puebloman huichiyashpami, chaipi carpa huasicunata shayachishpa tiyarircacuna.