JOSUÉ 11:2 - Dios Rimashca Shimicunami

² shinallataj janaj ladoman caj jahua urcu llajtacunapi causajcunata jatun mandajcunaman, Cineret cucha ura lado Arabá llajtacunapi causajcunata jatun mandajcunaman, Dor pueblohuan inti huashicun ladohuan chaupi pambacunapi causajcunata jatun mandajcunaman,

JOSUÉ 11:2 Iomraidhean Croise

1 REYES 15:20

Ben-adadca, jatun mandaj Asa imalla nishcata allimi nishpami, israelcuna causan pueblocunata llaquichigrichun paipaj soldadocunata mandajcunata cacharca. Paicunami israelcunataca Ijonta, Danta, Abel-bet-maacata, tucui Cineret llajtata, Neftalipaj tucui llajtacunatapish quichurcacuna.

1 REYES 4:11

Abinadabpaj churitaca, Dor llajtapi tiyaj tucui llajtacunata mandachunmi churarca. Paipaj huarmica Salomonpaj ushushi Tafatmi carca.

NÚMEROS 34:11

Chai lindeca Sefammanta uri rishpaca, Ainmanta inti llujshin ladoman caj Riblacamami canga. Chaimantaca Cineret cucha uritaca inti llujshin ladotami canga.

Lucas 1:39

Chai punllacunapimi, Judá urcucunapi caj shuj puebloman Mariaca utcashpa rirca.

Lucas 5:1

Shuj punllami Jesusca Genesaret cucha c'uchupi carca. Chaipica achcacunami Diospaj Shimita Jesús huillajpi uyangapaj shamushpaca, t'angarinacushpa paita llapimucurca.

JOSUÉ 10:40

Chashnami Josueca, Neguev llajtapi caj llajtacunataca: Urcu llajtapi causajcunatapish, quinri llajtapi causajcunatapish, pamba llajtapi causajcunatapish paicunapaj jatun mandajcunandij shujllatapish mana saquishpa causaiyujcunataca tucuicunata espadacunahuan huañuchircacuna. Israelcunata Mandaj Dios mandashca shinallatajmi rurarcacuna. Chashnami chai llajtacunataca tucuita japircacuna.

JOSUÉ 10:6

Gabaonpi causajcunaca, chai mandajcuna paicunahuan macanacunaman shamujpimi, Gilgalpi Josueman cashna huillanaman cacharcacuna: “Urcupi causaj mandajcunami tucuicuna tandanacushpa, ñucanchijhuan macanacungapaj shamushcacuna. Ñucanchij cancunapajta rurajcunata llaquichichunca ama saquihuaichijchu. Ñucanchijta mitsashpa ayudanaman utca shamupaichigari” nishpami cacharcacuna.

JOSUÉ 11:16

Josueca tucui cai llajtacunatami japirca: Urcupi caj llajtacunata, Neguevpi caj llajtacunata, Gosenpi caj llajtacunata, Arabapi caj llano pamba llajtacunata, israelcuna causacun urcucunatapish pugru pambacunatapishmi tucuita japirca.

JOSUÉ 11:21

Josueca Hebrón urcucunapi causaj anaceocunata, Debir urcucunapi causajcunata, Anab urcucunapi causajcunata, Judacuna cunan causacun urcucunapi tucui causajcunata, israelcuna cunan causacun urcucunapi tucui causajcunatapish chai punllacunallatajmi paicunapaj pueblocunandij tucuita chingachirca.

JOSUÉ 12:23

Dor llajtapi caj Dorta jatun mandajta, Gilgalpi caj Goimta jatun mandajta,

JOSUÉ 12:3

Inti llujshin ladoman caj Arabá pambatapish, Cineret mama cuchacama, chaimantaca ura ladotaca Cachisapa cuchacama, Bet-jesimot ñan ura chaqui quinritaca ashtahuan urata Pisga shuti urcu chaqui quinricamami paillataj mandacurca.

JOSUÉ 13:27

Pugru pambapi caj Bet-aram, Bet-nimra, Sucot, Zafón pueblocunapishmi carca. Chai pueblocunaca Hesbonpi causaj jatun mandaj Sehón mandacushca pueblocunami carca. Jordán yacumanta inti llujshin ladoman caj llajtacunaca Cineret cuchacamami carca.

JOSUÉ 17:11

Manasespaj huahua huahuacunaca Isacar, Aser shuti llajtacunapica cai pueblocunatapishmi charirca: Bet-seán, Ibleam pueblocunatami, muyundij llajtacunandij charirca. Dor pueblopi causajcunapish, muyundij llajtacunandij, Endor pueblopi causajcunapish, muyundij llajtacunandij, Taanac pueblopi causajcunapish, muyundij llajtacunandij, Meguido pueblopi causajcunapish, muyundij llajtacunandijmi paicunapaj carca. Chaicunaca quimsa jatun llajtacunami.

JUECES 1:27

Manasespaj aillupish Bet-seán, Taanac, Dor, Ibleam, Meguido pueblocunapi causajcunata, chai muyundij llajtacunapi causajcunatapish mana llujshichishpa cacharcacunachu. Chaimantami chaipi causaj cananeocunaca chaillapitaj causashpa catircacuna.