JOSUÉ 10:8 - Dios Rimashca Shimicunami

⁸ Mandaj Diosca Josuetaca: “Paicunataca ama manchaichu, ñucami tucui paicunataca cambaj maquipi churarcani. Cantaca pi mana mishai tucungacunachu” nircami.

JOSUÉ 10:8 Iomraidhean Croise

1 REYES 20:13

Chashna allichiricujpimi israelcunata jatun mandaj Acabpajman shuj profeta shamushpaca: –Mandaj Diosca cashnami nin: Canta p'iñajcunaca achca cashcatami ricungui. Chashna cajpipish paicunamanca Mandaj Diosca Diostaj cashcata ricuchingapajmi, cunanca paicunataca cambaj maquipi churagrini ninmi– nishpami huillarca.

Romanos 8:31

Shina cajpica ¿imatataj caimantaca nishun? Dios ñucanchijhuan cajpica ¿pitaj ñucanchijtaca imata ni tucungari?

DEUTERONOMIO 3:2

Ashtahuanpish Mandaj Diosca ñucataca: Paitaca ama manchaichu, ñucami jatun mandajtaca paipaj tucui gentecunandij, paipaj llajtandij cambaj maquipi ña churarcani. Paicunataca Hesbonpi causaj amorreocunata jatun mandaj Sehonta ima shina rurashca shinallataj ruraichij nircami.

DEUTERONOMIO 7:24

Paicunapaj jatun mandajcunatapish, paimi cancunapaj maquipi churanga. Cai pachapi paicunapaj shuticunataca cancunami p'ichanguichij. Tucui paicunata chingachingacama cancunahuanca pi mana ch'imbapurai tucungachu.

JOSUÉ 10:25

Chaipimi israelcunataca Josueca: “Cancunata p'iñajcunataca ama manchaichijchu, ama chujchuichijchu. Ashtahuanpish c'ari c'ari caichij. Cancunata p'iñajcunataca Mandaj Diosca, tucuicunatami chashnallataj ruranga” nirca.

JOSUÉ 10:9

Josueca, Gilgalmanta tucui tuta rishpa chaiman chayashpami, macanacushun nicujcunataca ñapish llaquichirca.

JOSUÉ 11:6

Chashna tandanacujpimi Mandaj Diosca Josuetaca: “Ama manchaichu. Caya cai horasllataj paicunataca, ñuca cancunapaj maquipi churajpi tucuicunatami huañuchicunguichij. Caballocunatapish chaquicunata p'itishpa, macanacuna carrocunatapish tucuitami rupachicunguichij” nirca.

JOSUÉ 8:1

Mandaj Diosca Josuetaca: “Josué, ama manchaichu. Chai llajtapi causajcunataca ña mana mishashunchu nishpa ama yuyaichu. Hai pueblota jatun mandajtaca chai pueblondij, pai mandacun gentecunandij, tucui paipaj llajtandijmi cambaj maquipi churani. Chaimanta tucui macanacuj runacunata pushashpa Hai puebloman huichiyashpa macanacugri.

JUECES 6:16

Mandaj Diosca Gedeontaca: –Ama manchaichu, ñucamari canhuan casha. Madianitacunataca, shujllata shinamari canca jahualla mishangui– nircami.

JUECES 7:9

Chai tutallatajmi Mandaj Diosca, Gedeontaca: “Jatari, madianitacunapaj carpa huasicunaman uriyai. Paicunataca ñami cambaj maquipi churarcani.

1 SAMUEL 17:47

Caipi tucui tandanacushcapish Mandaj Diosca mana espadahuan, mana lanzahuan quishpichij cashcatami yachangacuna. Cai macanacuica Mandaj Diospajmi. Paimi cancunataca ñucanchij maquipi churanga– nirca.