JOSUÉ 10:41 - Dios Rimashca Shimicunami

⁴¹ Josueca Cades-barnea pueblomanta callarishpaca Gaza pueblocama, shinallataj Gosén llajtamantaca Gabaón pueblocamami tucuicunata huañuchirca.

JOSUÉ 10:41 Iomraidhean Croise

GÉNESIS 10:19

Cananeocunapaj llajtaca Sidón pueblomanta callarishpaca Gerarman rina ladota catishpa Gaza pueblocama, shinallataj Sodomaman, Gomorraman, Admaman, Zeboimman rina ladota catishpaca Lasa pueblocamami carca.

1 REYES 3:5

Gabaonpi Salomón cajpimi Mandaj Diosca shuj tuta muscuipi paiman ricurishpaca: “Can imata nishcata mañailla, ñucaca cushallami” nirca.

ZACARÍAS 9:5

Chaita ricushpami, Ascalón pueblopi causajcunaca mancharingacuna. Gaza pueblopi causajcunapish shungupi nanarishpami llaquiringacuna. Ecrón pueblopi causajcuna shuyacushcapish chingaringami. Shinallataj Gaza pueblota jatun mandajpish huañungami. Ascalón pueblopica, pi mana causangachu.

NÚMEROS 13:26

Paicunaca Parán shuti shitashca pambapi caj Cades pueblomanmi tigrarcacuna. Chaipimi Moisespaj, Aaronpaj, tandanacushca israelcunapaj ñaupajpi chai llajta ima shina cashcata huillashpa, chai llajtapi p'ucushca granocunatapish ricuchirca.

NÚMEROS 32:8

Cades-barneapi cashpa chai llajtata ricunaman cachajpi tigrashpaca cancunapaj yayacunapish chashnallatajmi rurarca.

NÚMEROS 34:4

chai lindeca ura ladota muyushpa rishpaca, Acrabim huichicama. Chaimantaca Zin nishca shitashca pambata pasashpa, ura ladollatataj Cades-barneaman chayajta. Chaimantaca Hasar-adar pueblota pasashpa, Asmoncama.

Hechos 8:26

Jatun Diospaj shuj angelmi Felipetaca: “Jatari, Jerusalenmanta Gaza puebloman rina ura shitashca pamba ñanman ri” nirca.

DEUTERONOMIO 1:19

Horeb urcumanta llujshishpaca cancuna ricushca shinallataj manchanana shitashca jatun pambatami shamurcanchij. Mandaj Dios, ñucanchij Taita Dios mandashca shinallataj amorreocunapaj urcu chaqui ñanta shamushpami Cades-barneaman chayarcanchij.

DEUTERONOMIO 2:23

Uchilla llajtacunapi causaj aveocunatapish Gaza pueblocamami chashna chingachirca. Chaitaca Caftormanta shamuj caftoreo nishcacuna shamushpa chingachishpami chai llajtacunapica paicuna causarcacuna).

DEUTERONOMIO 9:23

Mandaj Diosca cancunataca Cades-barnea pueblopi cajpimi: Ñuca cancunaman cusha nishca llajtata japigrichij nishpa cacharca. Ashtahuanpish Mandaj Dios cancunapaj Taita Dios mandashcataca c'ariyashpami paitaca mana crishpa pai rimashcataca mana cazurcanguichij.

JOSUÉ 10:12

Mandaj Dios amorreocunata israelcunapaj maquipi churajpica, Josueca Mandaj Diostaca tucui israelcunapaj ñaupajpimi cashna nirca: “Mandaj Dios, intitaca Gabaón pueblo jahuallapi shuyachi, lunataca Ajalón pugru pamba jahuallapi shuyachi” nircami.

JOSUÉ 10:2

Gabaón puebloca shujtaj jatun pueblocuna shinallataj jatun mandajyuj, alli macanacuj soldadocunayuj cashca cashpapish, israelcunata manchashcata uyashpami Jerusalenta jatun mandaj Adonisedecca achcata mancharca.

JOSUÉ 11:16

Josueca tucui cai llajtacunatami japirca: Urcupi caj llajtacunata, Neguevpi caj llajtacunata, Gosenpi caj llajtacunata, Arabapi caj llano pamba llajtacunata, israelcuna causacun urcucunatapish pugru pambacunatapishmi tucuita japirca.

JOSUÉ 11:22

Anaceocunaca, israelcuna japin llajtapica shujllapish mana saquirircachu. Chaicunaca israelcuna japishca llajtapica Gaza, Gat, Asdod pueblocunallapimi saquirircacuna.

JOSUÉ 15:51

Gosén, Holón, Gilo shuti pueblocunatami japircacuna. Chai chunga shuj pueblocunatapish, tucui muyundij llajtacunandijmi japircacuna.

JUECES 16:1

Sansonca, Gazaman rishpaca, huainayashcahuan causaj shuj huarmita ricushpami, chai huarmipi chayarirca.

JUECES 16:21

Filisteocunaca paita japishpaca ñahuita surcushpa Gazaman apashpami, cadenahuan huatashpa carcelpi tiyaj molino rumita muyuchichun churarcacuna.

1 SAMUEL 6:17

Filisteocunaca Mandaj Diosta p'iñachishcamanta cuna cashcataca paicunata ama ashtahuan llaquichichun nishpami curimanta rurashca chupucunataca: Asdodmanta shuj, Gazamanta shuj, Ascalonmanta shuj, Gatmanta shuj, Ecronmanta shujta cacharcacuna.