JOSUÉ 10:4 - Dios Rimashca Shimicunami

⁴ “Gabaonpi causajcunaca Josuehuan, israelcunahuan mana macanacushpa sumajta causashun nishpami, ari ninacushcacuna. Cunanca Gabaonpi causajcunahuan macanacugringapaj ñucata ayudanaman shamupaichij” nichunmi cacharca.

JOSUÉ 10:4 Iomraidhean Croise

Mateo 16:24

Chaipimi Jesusca, paipaj yachacujcunataca cashna nirca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Juan 15:19

Cai pachapaj cajpica, cai pachapaj cajcunaca paicunapaj cashcamanta c'uyanmanmi. Cai pachapaj cajcunahuan cajpipish ñuca agllajpimi, mana cai pachapaj canguichij. Chaimantami cancunataca cai pachapaj cajcunaca p'iñancuna.

Hechos 21:28

cashna nircacuna: –¡Israelcuna, tandanacumuichij! Cai runatajmari tucui llajtacunata purishpa, ñucanchij llajtatapish, Mandashcacunatapish, Taita Diospaj cai huasitapish yangata rurashpa tucuicunaman yachachin. Cunancarin chai griegocunatapishmari Taita Diospaj huasiman yaicuchishpa, cai ñucanchij Diospajlla huasita mapayachicun– nishpami caparircacuna.

2 Timoteo 3:12

Cristo Jesushuan shujlla tucushpa pai yuyailla causasha nijcunaca tucuicunallatajmi catirashpa llaquichishca canga.

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.

JOSUÉ 10:1

Jerusalenta jatun mandaj Adonisedecca, Jericota shinallataj Hai pueblopi causajcunatapish jatun mandajndij chingachishpa Josué japishcatami uyarca. Gabaón pueblopi causajcunapish israelcunahuan mana macanacungapaj ari ninacushpa israelcunapurapi causacushcatapishmi uyarca.

JOSUÉ 10:5

Paicunaca Jerusalenta jatun mandaj, Hebronta jatun mandaj, Jarmutta jatun mandaj, Laquista jatun mandaj, Eglonta jatun mandajpish pichca jatun mandajcunami tandanacurcacuna. Paicunaca amorreocunata jatun mandajcunami, chaicunami paicunapaj soldadocunandij tandanacushpa Gabaón pueblo c'uchullapi carpa huasicunata shayachishpa paicunahuan macanacurcacuna.

JOSUÉ 9:15

Chashnami Josueca, heveocunahuanca sumajta causanata ari ninacurca. Israelcunata pushajcunapish, Josué nishca shinallatajmi ari nircacuna.

1 Pedro 4:4

Cancuna paicunahuan ima millaitapish ruranaman cacharishca shina ña mana rijpimi, imamanta ña mana chashna rurashcata mana yachashpa cancunataca maipish cachun c'amincuna.

Apocalipsis 16:14

Chaicunaca pi mana ruraipajta rurashpa ricuchij supaicunapaj millai espiritucunami. Paicunaca Tucuita Rurai Tucuj Diospaj jatun punllapaj tucui allpa pachapi mandajcuna macanacunaman richun tandachingapajmi chashnaca llujshircacuna.