JOSUÉ 10:2 - Dios Rimashca Shimicunami

² Gabaón puebloca shujtaj jatun pueblocuna shinallataj jatun mandajyuj, alli macanacuj soldadocunayuj cashca cashpapish, israelcunata manchashcata uyashpami Jerusalenta jatun mandaj Adonisedecca achcata mancharca.

JOSUÉ 10:2 Iomraidhean Croise

2 SAMUEL 12:26

Joabca Amón llajtapi caj Rabapi causajcunahuan macanacushpami jatun mandaj mandashpa tiyana pueblota japirca.

PROVERBIOS 10:24

Diosta mana manchaj runaca imata manchashpapish, chaitajmi tucunga. Ashtahuanpish cashcata rurajcunamanca, paicuna munashcatatajmi cunga.

DEUTERONOMIO 11:25

Cancunahuanca pi mana shayari tucungacunachu. Ashtahuanpish Mandaj Dios cancunapaj Taita Diosmi pai nishca shinallataj cancuna saruna llajtapi causajcunapica cancunata manchana yuyaita churanga.

DEUTERONOMIO 2:25

Cunanmi tucui cai pachapi causajcunapica, canta manchana, chujchuna yuyaita callarichigrini. Can ima shina ruracujta uyashpaca, cantaca manchashpa chujchucungacunami nircami.

DEUTERONOMIO 28:10

Chashna cajpimi shujtaj llajtacunapi causajcunaca Mandaj Diospaj shuti cancunapaj jahuapi cashcata ricushpa cancunataca manchangacuna.

Hebreos 10:27

Ashtahuanpish chaicunataca paita p'iñaj cashcamantaca Diosmi ima shina cashcata ricuchishpa rupacuj ninapi shitajpi chai ninaca millpunga. Chaica jatunta mancharishpa ricunami canga.

Hebreos 10:31

¡Causaj Diospaj maquipi urmanaca, mancharina jatun llaquimari!

JOSUÉ 2:24

Josuemanca: “Mandaj Diosca tucui chai llajtatami ñucanchijman cushpa ñucanchij maquipi churashca. Tucui chai llajtapi causajcunami ñucanchijta manchashpa manchaihuan huañucuncuna” nircacuna.

JOSUÉ 9:24

Chaimi paicunaca Josuemanca: –Cancunata Mandaj Diosca paipajta ruraj Moisestaca cancunamanmi cai llajtacunata cuni. Cancunaca cai llajtapi causajcunataca tucuita chingachichij nishcata cancunapajta ruraj ñucanchij yachaj chayashpami, ñucanchijta huañuchinata manchashcamanta chashna nircanchij.

JOSUÉ 9:3

Gabaón llajtapi causaj heveocunapish Jericopi causajcunata, Hai pueblopi causajcunata Josué ima shinalla chingachishcatami yachaj chayarcacuna. Chaimantami Josuehuanca mana macanacushun nishpa,

1 SAMUEL 27:5

Davidca Aquistaca: –Jatun mandaj can causacun cai pueblopi canhuan cambajta ruraj ñuca causanaca mana allichu. Cambaj ñahuipi ñuca alli ricurishca cajpica, cai muyundij maijan llajtapi causangapaj chaita cuhuai– nircami.