JOSUÉ 10:11 - Dios Rimashca Shimicunami

¹¹ Israelcuna ama japichun miticushpa callpacuj amorreocunaca, Bet-horón pueblo ñan urita ricujpimi, Mandaj Diosca jahua pachamanta jatun runducunata paicunapaj jahuapi shitarca. Azeca pueblocamami shitarca. Chai runducunaca israelcuna espadahuan huañuchishcatapish yallitami huañuchirca.

JOSUÉ 10:11 Iomraidhean Croise

GÉNESIS 19:24

Chai q'uipami Mandaj Diosca Sodoma, Gomorra pueblocunapica azufrehuan rupacuj ninata jahua pachamanta tamyachirca.

2 SAMUEL 18:8

Chai macanacuica, tucui llajtapimi mirarirca. Chai macanacuipica, sachami espadahuan huañuchishcacunatapish yalli huañuchirca.

JOB 38:22

¿Canca rasu maipi tiyajta ricunaman yaicushcanguichu? ¿Mana cashpaca, rundu ima shina tiyajta ricushcanguichu?

JOB 38:23

Ñucaca llaqui punllacunapajmi chaicunataca huaquichishpa charini. Ñucaca jatun macanacui, huañunacui punllapajmi huaquichishpa charini.

SALMOS 11:6

Mandaj Diosca millaicunapaj jahuapica, rupachij llaquitami tamyachinga. Paicuna japina cashca copataca azufrehuan rupacuj ninata, ima tiyashcata rupachij huairatami cunga.

SALMOS 147:17

Paimi razutaca mirga mirgata urmachin. Chai chiripica, ¿pitaj ahuantai tucungari?

ISAÍAS 28:2

Riquichij, Mandaj Diosca imatapish rurai tucuj c'ari c'aritami ña charicun. Paica: Yallitaj llaquichij rundu shinami, ñutuchij jatun acapana shinami, yallitaj yacu jundashpa tapaj shinami. Paimi chai pueblotaca c'ari c'ari canahuan pambaman shitanga.

ISAÍAS 28:21

Mandaj Diosca, Perazim urcupi jatarishca shinami jataringa. Gabaón pugru pambapi p'iñarishca shinami p'iñaringa. Pai rurana cashcata rurangapaj, pi mana entendipajta pai rurana cashcata rurangapaj, pai trabajana cashcata trabajangapaj, pi mana entendipaj paipaj trabajota rurangapajmi jataringa.

ISAÍAS 30:30

Mandaj Diosca tucuita rurai tucuj caparishcahuanmi uyaringa. Paipaj maquita uri chutashcatapishmi ricuchinga. Yallitaj p'iñarishca ñahuihuan tucuchij lunyacuj nina shinami ricuringa. Jatun acapana, huairandij tamya, rumi vali runduhuanmi ricuringa.

EZEQUIEL 13:11

Chai patata lodohuan tapachijcunamanca: Chai pataca urmangami nishpa huillangui. Shinallataj manchanayaj tamyami shamunga. Chai patata urmachichunca, rumitajlla runducunatami cachasha. Jatun acapanapishmi chai patataca urmachinga.

DEUTERONOMIO 20:4

Ashtahuanpish Mandaj Dios cancunapaj Taita Diosmari cancunahuan ringa. Cancunata quishpichingapaj cancunata p'iñajcunahuan cancunamanta macanacungapajmari ringa ningami nircami.

Apocalipsis 11:19

Chai q'uipaca, cielopica Diospaj huasimi pascarirca. Diospaj huasipica, ari ninacushca quillcata huaquichina cajonmi ricurirca. Shinallataj relampacuna, rimashcacuna, c'ulun nichijcuna, allpata chujchuchijcuna, jatun rundupishmi ricurirca.

Apocalipsis 16:21

Chashnallatajmi cielomantaca jatun rundupish, gentecunapaj jahuapi urmarca. Chai runduca, quimsa arroba shina llashajmi carca. Runduhuan achcata llaquichijpica, gentecunaca Diosta p'iñashpami c'amircacuna. Chaipica yallitaj jatun llaquimi carca.

JUECES 5:20

Jahua pachamanta luzerocunapish macanacurcami. Luzerocunapish paicuna tiyanamantami Sisarahuan macanacurca.