JOSUÉ 1:9 - Dios Rimashca Shimicunami

⁹ Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.

JOSUÉ 1:9 Iomraidhean Croise

GÉNESIS 28:15

Ñucaca canhuanmi cani. Can maiman rijpipish ñucami pushasha. Cantaca cai llajtallamantajmi tigrachimusha. Canman imata cusha nishcataca cushatajmi. Cantaca manataj saquishachu” nijtami muscurca.

GÉNESIS 39:2

Mandaj Diosca Josehuanmi carca. Chaimi paica tucui imapipish alli llujshirca. Paica paipaj amo Potifarpaj huasipimi causarca.

GÉNESIS 39:3

Josepaj amoca Mandaj Diosca Josehuan cashcamanta, tucui pai imalla charishcacunapish yallitaj achcayashcatami ricurca.

2 SAMUEL 13:28

Absalonca paipajta rurajcunataca: “Amnón ña vinohuan macharishpa paipaj shungupi cushicuihuan cajtaca alli chaparanguichij. Ña paita ñuca huañuchichij nijpica huañuchinguichijlla. Ñuca mandashca cashcamanta ama manchanguichijchu. Tucui fuerzahuan c'ari c'ari canguichij” nishpami rogashpa mandashca carca.

1 CRÓNICAS 28:20

Davidca paipaj churi Salomontaca cashnapishmi nirca: “Ama mana rurai tucushachu yuyangui. Tucui fuerzahuan rurai callarilla. Ama manchangui. Ama shaicungui. Mandaj Diosca canhuanmi canga. Mandaj Dios ñuca Diosca paipaj huasita tucui can rurangacama cantaca mana saquingachu. Canmantaca mana anchuringachu.

2 CRÓNICAS 15:7

Shina cajpipish cancunaca ama manchaichijchu, c'ari c'ari caichij. Diospajta rurashcamantaca chasquinguichijmari” nircami.

SALMOS 46:7

Tucuita Mandaj Diosca ñucanchijhuanmi, ñucanchij paca tucunaca Jacobpaj Taita Diosmi. Selah

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

ISAÍAS 43:1

Jacob, canta callarichij Diosca Israel, canta ruraj Mandaj Diosca cunanca cashnami nin: “Ama manchaichu, ñucami cantaca quishpichircani. Ñucami cantaca shutipi cayarcani, canca ñucapajmi cangui.

ISAÍAS 43:5

Ama manchaichu, ñucamari canhuan cani. Cambaj huahua huahuacunataca inti llujshin ladomantami apamusha. Inti huashicun ladomantami cambaj huahua huahuacunataca tandachisha.

ISAÍAS 8:12

“Caipi causajcuna huashalla alli yuyarinacushcahuantajca ña imatapish ruranatajmi nincunami. Paicuna yuyashca shinaca ama yuyaichijchu. Paicuna manchacushcacunatapish ama manchaichijchu. Manchanami canchij nishpallapish ama yuyaichijchu.

DANIEL 10:19

cashnami nirca: “Canca yallitaj c'uyashcami cangui, ama manchaichu. Sumaj causaica canhuan cachun. Fuerzata japishpa sinchita shayari” nircami. Pai chashna rimacujpiraj fuerzata japishpami paitaca: “Cunanca ñami fuerzata curcangui, rimahuailla ñuca amito” nircani.

HAGEO 2:4

Chaimanta cunanca, can mandaj Zorobabelpish, Josadacpaj churi, curacunata mandaj Josuepish, tucui cai llajtapi causajcunapish, cai huasita rurashpa catichijlla, ama saquirichijchu. Ñucaca, cancunahuannmi cani ninimi tucuita Mandaj Diosca.

HAGEO 2:5

Shinallataj cancuna Egiptomanta llujshimucujpi, ima shinami shuj ruranata rurasha nircani, chashnallatajmi ñuca Espirituca cancunahuan canga. Chashna cajpica ama imata manchanguichijchu” ninmi.

Hechos 4:19

Chaipica Pedroca, Juandijmi paicunamanca cashna cutichircacuna: –Taita Diosta cazunapaj randica ¿cancunata cazunachu alli? Chaitaca cancunallataj Taita Diospaj ñaupajpi alli yuyarichij.

DEUTERONOMIO 1:21

Riquichij, chai llajtataca Mandaj Dios cancunapaj Taita Diosmi cancunaman curca. Cancunapaj ñaupa yayacunapaj Mandaj Taita Dios ima shina nishca shinallataj chaiman huichiyashpa cancunapaj cachun japigrichijlla. Ama manchanguichijchu, ama shaicuringuichijchu nircanimi.

DEUTERONOMIO 20:1

Cancunata p'iñajcunahuan jatun macanacuipi macanacungapaj llujshishpaca, paicunapaj caballocunata, carrocunata, paicunaca cancunata yalli achcacuna cajta ricushpapish ama manchanguichijchu. Cancunata Egiptomanta llujshichimuj Mandaj Dios cancunapaj Taita Diosca cancunahuanmi.

DEUTERONOMIO 31:23

Chai q'uipami Mandaj Diosca Nunpaj churi Josuetaca: “Fuerzarilla, c'ari c'ari cailla. Ñuca cushatajmi nishca llajtamanca canmi israelcunataca yaicuchingui, ñucaca canhuanmi casha” nirca.

DEUTERONOMIO 31:28

Cunanca cancunapaj tucui aillucunamanta tucui cunaj yuyajcunata, cancunata mandajcunata ñucapajman tandachimuichij. Chaipica jahua pacha cai pacha ricucunpimi israelcunaman rimashpa cai shimicunata uyachisha.

JOSUÉ 1:10

Chaimi Josueca paita ayudashpa israelcunata pushajcunataca cashna nishpa mandarca:

JOSUÉ 1:17

Moisesta ima shinami tucuipi cazuj carcanchij, chashnallatajmi cantapish cazushun. Mandaj Diosca Moiseshuan cashca shinallataj, canhuanpish cachunmi munanchij.

JOSUÉ 1:18

Can imalla mandashcacunata maijanpish mana cazushpa mana rurajtaca, huañuchishca cachun. Chaimanta canca imapipish ama manchashpa, c'ari c'ari cailla– nircacunami.

JOSUÉ 10:25

Chaipimi israelcunataca Josueca: “Cancunata p'iñajcunataca ama manchaichijchu, ama chujchuichijchu. Ashtahuanpish c'ari c'ari caichij. Cancunata p'iñajcunataca Mandaj Diosca, tucuicunatami chashnallataj ruranga” nirca.

JOSUÉ 10:8

Mandaj Diosca Josuetaca: “Paicunataca ama manchaichu, ñucami tucui paicunataca cambaj maquipi churarcani. Cantaca pi mana mishai tucungacunachu” nircami.

JOSUÉ 3:7

Chaipimi Mandaj Diosca Josuetaca: “Cunan punllamantami cantaca, tucui israelcunapaj ñaupajpi jatun cashcata ricuchigrini. Moiseshuan shinallataj ñucaca canhuanpish cashcata paicuna yachachunmi chashna rurasha.

JOSUÉ 6:27

Mandaj Diosca Josuehuanmi carca. Chaimantami Josué tucui rurashcacunaca tucui llajtapi huashan huashan yacharirca.

JOSUÉ 8:1

Mandaj Diosca Josuetaca: “Josué, ama manchaichu. Chai llajtapi causajcunataca ña mana mishashunchu nishpa ama yuyaichu. Hai pueblota jatun mandajtaca chai pueblondij, pai mandacun gentecunandij, tucui paipaj llajtandijmi cambaj maquipi churani. Chaimanta tucui macanacuj runacunata pushashpa Hai puebloman huichiyashpa macanacugri.

JUECES 6:14

Chaimi Mandaj Diosca Gedeonpaj ñahuita ricurashpaca: –Fuerzasapa runamari cangui. Madianitacunapaj maquimanta israelcunata llujshichigri. Chaipajmi cantaca cachagrini– nirca.

1 SAMUEL 10:7

Ñuca imalla nishcacuna pajtajpica, Diosca canhuan cashcamanta imami cambaj alli, chaitaca ruranguilla.