JOSUÉ 1:8 - Dios Rimashca Shimicunami

⁸ Cai libropi quillcashca tiyacuj ñuca mandashcataca tutapish punllapish rezanataca amataj saquingui. Chashna cashpa yuyaipi charishpami, imalla mandashcataca chaitataj pajtachingui. Chashna rurajpica, tucui can rurashcacunami alli llujshinga.

JOSUÉ 1:8 Iomraidhean Croise

GÉNESIS 24:63

Isaacca ña chishiyacui shinatami, pueblomanta canllaman ashata puringapaj llujshishca carca. Chaipimi paica huichilla ricushpaca, camellocuna shamucujta ricurca.

2 CRÓNICAS 26:5

Zacariasca causashcacamaca, Taita Dios yuyaillami causarca. Zacariasca, muscuipi shina Taita Dios ricuchishcata alli yachajmi carca. Shinallataj Mandaj Diospish, Uzías paillata mañajpica, tucuipimi alli pusharca.

SALMOS 119:11

Ama juchallishpa quiquinta p'iñachingapajca quiquin imalla nishcacunataca ñuca shungupimi huaquichircani.

SALMOS 119:15

Quiquin mandashcacunata, cutin cutin alli yachashpaca, quiquinpaj ñan cashcatami entendisha.

SALMOS 119:97

¡Quiquin mandashcataca ñucaca mashnatamari c'uyani! Chai mandashcaca punllanta ñuca cutin cutin yuyaricunallami.

SALMOS 119:99

Ima shina causanata quiquin yachachishcacunatamari cutin cutin yuyaricujlla cani. Chaimi ñucata yachachijcunatapish yalli entendini.

SALMOS 19:14

Ñuca rimashca shimicunaca quiquin munanalla cachun. Ñuca shungupi yuyarishcacunapish quiquinpaj ñaupajpi munanalla cachun. Mandaj Dioslla ñucata pacaj rumimi cangui. Ñucata quishpichijmi cangui.

SALMOS 40:10

Quiquin cashcata ruraj cashcataca, ñuca shungu ucullapi mana pacarcanichu. Quiquinca pajtachij cashcata, quiquinca quishpichij cashcataca tucuicunamanmi huillarcani. Quiquinca llaquij cashcata, mana llullaj cashcataca mana pacarcanichu. Jatun tandanacuipimi huillarcani.

PROVERBIOS 3:1

Ñuca huahualla, ñuca yachachishcataca, ama cungaringuichu. Ñuca mandashcacunatapish cambaj shungupi huaquichingui.

ISAÍAS 59:21

“Paicunaman ñuca ari nishcata ricuchinaca caimi canga ninmi Mandaj Diosca. Ñuca Espirituta paicunapi churajpi, ñuca shimita paicunapaj shimipi churajpica, canmantaca chaicunaca manataj anchungachu. Cambaj huahua huahuacunamantapish manataj anchungachu. Cambaj huahuacunapaj huahua huahuacunamantapish manataj anchungachu. Chaicunaca cunanmanta huiñaicama manataj anchungachu” ninmi Mandaj Diosca.

Mateo 12:35

Alli runaca, imapish allicunallata paipaj shungupi huaquichishca cashpami, alli sumajcunallata llujshichin. Mana alli runaca imapish mana allicunallata paipaj shungupi huaquichishca cashpami mana alli millaicunallata llujshichin.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Mateo 7:21

Ñucata: “¡Mandaj Jesús, Mandaj Jesús!” nijcunaca, Taita Dios mandacunpica mana tucuicuna yaicungacunachu. Ashtahuanpish jahua pacha ñuca Yayapaj munaita rurajcunami, chaimanca yaicungacuna.

Mateo 7:24

“Maijanpish cai ñuca yachachishcacunata uyashpa chaitataj rurajtaca, yacu rumi jahuapi huasichij alli yuyaiyuj runahuanmi ch'imbapuragrini.

Lucas 11:28

Shina nijpi Jesusca: –¡Diospaj Shimita uyashpa cazujcunami, ashtahuan cushichishcacuna!– nirca.

Juan 13:17

Cai nishcacunata alli entendishpa chaitataj rurashpaca cushichishcami canguichij.

Juan 14:21

Maijanpish ñuca mandashcacunata yachashpa chaitataj rurajmi ñucata c'uyajca. Ñucata c'uyajtaca, ñuca Yayapish c'uyangami. Ñucapish c'uyashami. Ñuca ima shina cashcapish ñuca c'uyashcapimi ricurisha– nijpimi,

Efesios 4:29

Cancunapaj shimimantaca, ima mapa shimicuna ama llujshichun. Ashtahuanpish uyajcuna sinchiyachun allicunallata rimaichij.

DEUTERONOMIO 29:8

Chai llajtacunata japishpaca Rubenpaj, Gadpaj aillucunaman, Manasespaj chaupi aillumanmi paicunapaj cachun curcanchij.

DEUTERONOMIO 29:9

Cunan cancuna ari nishcataca chai yuyailla tucushpa pajtachinguichij. Tucui imata rurashcapipish ñaupajman ringapajmi chashna rurana canguichij.

DEUTERONOMIO 30:14

Cai shimicunata cancuna pajtachi tucuchunca cancunapaj c'uchupi, cancunapaj shimipi, cancunapaj shungupimari.

DEUTERONOMIO 31:11

tucui israelcuna Mandaj Dios cancunapaj Taita Dios agllashca puebloman paipaj ñaupajman rijpi tucui israelcunapaj ñaupajpi tucui paicuna uyajta cai mandashcata rezangui.

DEUTERONOMIO 31:24

Moisesca cai mandashca shimicunata shuj libropi quillcashca q'uipaca,

DEUTERONOMIO 5:1

Moisesca tucui israelcunata cayashpaca: “Uyaichij Israelcuna, cunan ñuca chaitataj pajtachichun nishcacunata, pajtachinguitaj nishcacunata cancuna uyajta yachachishcataca alli alli yachashpa pajtachina yuyailla tucushpa pajtachichij.

DEUTERONOMIO 5:29

Paicunaca cunan ima shinami ñucata manchacun chashnalla ñucata manchaj shungulla cangapishchari. Chashna cashpa ñuca mandashcacunata punllanta huaquichishpami paicunapish, paicunapaj huahuacunapaj huahuacunapish tucuipi alli ringacuna.

DEUTERONOMIO 5:32

Chaimanta cunanca israelcuna Mandaj Dios cancunapaj Taita Dios mandashca shina ruraichij. Alli ladomanpish, lluqui ladomanpish manataj anchurinachu canguichij.

Colosenses 3:16

Cancunapaj shungupica, Cristo rimashca shimicuna junda tiyachun. Tucui yachashcahuan, caishuj chaishuj yachachinacuichij animachinacuichij. Cancunaca shungumanta salmocunata, himnocunata, Diospaj cantocunata Mandaj Jesusta pagui nishpa cantaichij.

JOSUÉ 1:7

Ashtahuanca ñucaca caitami mandani: Ñucapajta ruraj Moisesman ñuca cushca mandashcata pai canman cushcataca chaitataj pajtachingapaj c'ari c'ari cangui. Alli ladomanpish, lluqui ladomanpish ama anchuringuichu. Chai mandashcacunapi nishca shinataj rurashpaca, tucui imapipish allimi cangui.

JOSUÉ 8:34

Chaipi shayacujpimi Josueca, Dios quillcachishcataca allicunata cuna cashcamantapish, llaquichina cashcamantapish mandashcapi ima shina quillcashcatataj rezashpa uyachirca.

Apocalipsis 22:14

Causaita cuj yuramanta japinata charingapaj, puebloman pungucunata yaicungapajpish churanacunata tajshajcunaca alli nishcacunami.