JOSUÉ 1:6 - Dios Rimashca Shimicunami

⁶ Cancunapaj ñaupa yayacunaman ñuca cusha nishca allpata japinataca, c'ari c'ari tucushpa, ama manchaichu. Chai allpataca, tucui israelcunaman canmi chaupishpa cungui.

JOSUÉ 1:6 Iomraidhean Croise

GÉNESIS 12:7

Chaipimi Mandaj Diosca, Abramman ricurishpaca: “Cambaj huahua huahuacunamanca cai llajtatami cusha” nirca. Chaipimi Abramca, paiman ricurij Mandaj Diospaj shuj altarta rurarca.

GÉNESIS 26:3

Chai llajtapica ashacamalla causangui. Ñucami canhuanca casha. Tucui ima allicunatapish cushami. Ashtahuanpish canman, cambaj huahua huahuacunamanmi tucui chai llajtacunataca cusha. Chashna rurashpami, cambaj yaya Abrahamman cushatajmi nishcataca pajtachisha.

2 SAMUEL 10:12

Taita Diospaj agllashcacunamanta, ñucanchij pueblomantaca c'ari c'ari cailla, c'ari c'ari cashunlla. Mandaj Dios paipaj ima shina alli canapaj rurachunlla” nirca.

1 REYES 2:2

“Ñucaca cai allpamanta tucuicunallataj rina ñantami ña rigrini. Canca c'ari c'ari sinchi cangui.

1 CRÓNICAS 22:13

Ña can mandacushpaca, Mandaj Dios israelcunata mandachun Moisesman cushca chaitataj pajtachichun mandashcata, pajtachinguitaj nishca shina ruranata chai yuyailla pajtachijpica, tucuipimi alli canga. Ama manchashpa sinchi sinchi cangui. Ama mana rurai tucushcata yuyashpa shaicurij shina saquiringuichu.

1 CRÓNICAS 28:10

Riqui, Mandaj Diosmi cantaca paipajlla ch'icanchishca ucupi cachun huasita rurachun agllarca. Chaimanta cunanca tucui fuerzahuan rurailla” nircami.

1 CRÓNICAS 28:20

Davidca paipaj churi Salomontaca cashnapishmi nirca: “Ama mana rurai tucushachu yuyangui. Tucui fuerzahuan rurai callarilla. Ama manchangui. Ama shaicungui. Mandaj Diosca canhuanmi canga. Mandaj Dios ñuca Diosca paipaj huasita tucui can rurangacama cantaca mana saquingachu. Canmantaca mana anchuringachu.

2 CRÓNICAS 15:7

Shina cajpipish cancunaca ama manchaichijchu, c'ari c'ari caichij. Diospajta rurashcamantaca chasquinguichijmari” nircami.

2 CRÓNICAS 20:11

Chashna allita rurashcamantaca, cunanca mana allitamari cutichincuna. Ñucanchijpaj cachun can cushca cai llajtamanta llujshichishpa cachangapajmari shamushcacuna.

2 CRÓNICAS 20:7

Ñucanchij Dioslla, canmari cai llajtapi causajcunataca, can agllashca israelcunapaj ñaupajpi shamushpa cai llajtamanta llujshichishpa cachashcangui. Chashna rurashpaca cai llajtataca, cutinca ama shujtajcunapaj cachunmi canhuan alli apanacuj Abrahampaj huahua huahua israelcunaman cushcangui.

SALMOS 27:14

Mandaj Diospi shunguta churai. Fuerzarishpa paita shuyailla. Mandaj Diospi shunguta churailla.

DANIEL 10:19

cashnami nirca: “Canca yallitaj c'uyashcami cangui, ama manchaichu. Sumaj causaica canhuan cachun. Fuerzata japishpa sinchita shayari” nircami. Pai chashna rimacujpiraj fuerzata japishpami paitaca: “Cunanca ñami fuerzata curcangui, rimahuailla ñuca amito” nircani.

HAGEO 2:4

Chaimanta cunanca, can mandaj Zorobabelpish, Josadacpaj churi, curacunata mandaj Josuepish, tucui cai llajtapi causajcunapish, cai huasita rurashpa catichijlla, ama saquirichijchu. Ñucaca, cancunahuannmi cani ninimi tucuita Mandaj Diosca.

ZACARÍAS 8:9

Tucuita Mandaj Diosca cashnapishmi nin: “Cancunaca Mandaj Dios ñuca huasita ruranata callari punllamantami, Dios ima nishcata huillajcuna huillashcataca cunan punllacunacama uyashcanguichij. Shina cajpica ama shaicurishpa, tucuita Mandaj Diospaj huasita ruranata tucuchichijlla.

NÚMEROS 26:53

“Shuticunata quillcashpa yupashca israelcunamanca, ima shina shuticunata quillcashca shinallataj allpata chaupishpa cungui.

NÚMEROS 33:53

Chai llajtapi causajcunata anchuchishpa chaipica cancuna causanguichij. Chai llajta cancuna quiquinpaj cachun ñucami cancunaman curcani.

1 Corintios 16:13

Chaparaichij, crishcapi sinchi caichij. C'ari c'ari sinchicuna caichij.

Efesios 6:10

Ñuca huauquicunalla caillahuanmi nisha nini, paipaj poderyuj fuerzahuan Mandaj Jesuspi sinchiyaichij.

DEUTERONOMIO 1:21

Riquichij, chai llajtataca Mandaj Dios cancunapaj Taita Diosmi cancunaman curca. Cancunapaj ñaupa yayacunapaj Mandaj Taita Dios ima shina nishca shinallataj chaiman huichiyashpa cancunapaj cachun japigrichijlla. Ama manchanguichijchu, ama shaicuringuichijchu nircanimi.

DEUTERONOMIO 1:8

Riquichij, chai llajtataca ñucaca ñami cancunaman cuni. Chaitaca cancunapaj ñaupa yaya Abraham, Isaac, Jacobman paicunapaj q'uipa huahua huahuacunamanmi ñuca shimihuantaj cushatajmi nircani. Cancunaca chai llajtaman yaicushpa cancunapajtaj cachun japigrichijlla ninmi” nircami.

DEUTERONOMIO 11:8

Cunan cancunapaj cachun japigricun llajtaman yaicungapaj c'ari c'ari ch'imbashpa chai llajtata japingapajca, cunan ñuca quillcashpa cancunaman mandashpa cushca mandashcacunata tucuita pajtachinguichij.

DEUTERONOMIO 31:23

Chai q'uipami Mandaj Diosca Nunpaj churi Josuetaca: “Fuerzarilla, c'ari c'ari cailla. Ñuca cushatajmi nishca llajtamanca canmi israelcunataca yaicuchingui, ñucaca canhuanmi casha” nirca.

2 Timoteo 2:1

Ñuca huahua Timoteo, Cristo Jesushuan shujlla cashcamanta mana c'uyaipajta c'uyaj canahuan sinchiyai.

JOSUÉ 1:18

Can imalla mandashcacunata maijanpish mana cazushpa mana rurajtaca, huañuchishca cachun. Chaimanta canca imapipish ama manchashpa, c'ari c'ari cailla– nircacunami.

JOSUÉ 1:7

Ashtahuanca ñucaca caitami mandani: Ñucapajta ruraj Moisesman ñuca cushca mandashcata pai canman cushcataca chaitataj pajtachingapaj c'ari c'ari cangui. Alli ladomanpish, lluqui ladomanpish ama anchuringuichu. Chai mandashcacunapi nishca shinataj rurashpaca, tucui imapipish allimi cangui.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.

JOSUÉ 10:25

Chaipimi israelcunataca Josueca: “Cancunata p'iñajcunataca ama manchaichijchu, ama chujchuichijchu. Ashtahuanpish c'ari c'ari caichij. Cancunata p'iñajcunataca Mandaj Diosca, tucuicunatami chashnallataj ruranga” nirca.

JOSUÉ 13:6

Libanopi causajcunamanta callarishpaca, Misrefot-maimpi causajcunacamami sidoniocunatapish, urcucunapi causajcunatapish tucuicunata israelcunapaj ñaupajmanta anchuchisha. Canca ñuca ima shina mandashca shinallataj cada aillupaj sorteajpica, maipimi urman chaipi paicuna japina cashcataca cunguilla.

JOSUÉ 18:3

Chaipimi Josueca israelcunataca: “Cancunapaj ñaupa yayacunaman Dios cusha nishca allpacunataca ¿maicamataj manaraj japishpa shuyacunguichijlla?

JOSUÉ 21:43

Mandaj Diosca israelcunamanca paicunapaj ñaupa yayacunamanmi cai Canaán llajtataca cancunamanmi cusha nishca carca. Chashna nishca shinallataj chai llajtata paicunaman cujpimi, chaipi causarcacuna.

JOSUÉ 5:6

Egiptomanta llujshimuj macanacunata alli yachaj c'aricuna tucui huañungacamami israelcunaca shitashca pambapi chuscu chunga huatacunata purircacuna. Paicunallataj Mandaj Dios mandashcata mana cazujpimi, Mandaj Diosca: “Cancunapaj ñaupa yayacunaman lechepish, sacha chuspipaj mishquipish yacu shina tiyaj llajtata cusha nishcamanca cancunaca mana yaicunguichijchu. Chaica chashnatajmi canga” nishca carca.

1 SAMUEL 4:9

Filisteocuna fuerzarichij, c'ari c'ari caichij. Hebreocuna ñucanchijpajta rurashpa causashca shina ñucanchijpish, paicunapajta ama rurangapaj c'ari c'ari macanacuichij” ninacurcacunami.