JOSUÉ 1:5 - Dios Rimashca Shimicunami

⁵ Moiseshuan cashca shinallatajmi canhuanpish casha. Cantaca manataj saquishachu, canmantaca manataj anchurishachu. Chaimanta tucui cambaj causaipi canhuanca pi mana ch'imbapura shayari tucungachu.

JOSUÉ 1:5 Iomraidhean Croise

GÉNESIS 39:2

Mandaj Diosca Josehuanmi carca. Chaimi paica tucui imapipish alli llujshirca. Paica paipaj amo Potifarpaj huasipimi causarca.

1 REYES 1:37

Mandaj Diosca jatun mandaj ñuca amohuan cashca shinallataj, Salomonhuanpish cashca alli cachun. Pai mandanataca jatun mandaj David ñuca amo mandacushcatapish ashtahuan yalli jatunyachishca cachun– nircami.

1 REYES 11:38

Canca ñuca imallata mandashcacunata uyashpa, ñuca ñanpi purijpi, ñucapajta ruraj David rurashca shina chaitataj pajtachichun nishcata, ñuca mandashcacunata huaquichishpa, mana maiman ch'icanyashpa chaitataj rurajpica, ñucaca canhuanmi casha. Davidpaj huahua huahuacunapaj mandanata pi mana cuyuchipajta churashca shinallatajmi, cambaj huahua huahuacunapaj mandanatapish pi mana cuyuchipajta churashpa israelcunataca cambaj maquipi churasha.

1 REYES 6:13

Chai huasipi causashpami ñucaca israelcunapaj chaupipi causasha. Ñuca agllashca israelcunataca manataj saquishachu” nircami.

1 REYES 8:57

Ñucanchijta Mandaj Taita Diosca, ñucanchijmanta ama ladoyashpa ama anchurishpa ñucanchij ñaupa yayacunahuan cashca shinallataj ñucanchijhuanpish cachun.

1 CRÓNICAS 28:20

Davidca paipaj churi Salomontaca cashnapishmi nirca: “Ama mana rurai tucushachu yuyangui. Tucui fuerzahuan rurai callarilla. Ama manchangui. Ama shaicungui. Mandaj Diosca canhuanmi canga. Mandaj Dios ñuca Diosca paipaj huasita tucui can rurangacama cantaca mana saquingachu. Canmantaca mana anchuringachu.

SALMOS 46:11

Tucuita Mandaj Diosca ñucanchijhuanmi. Paica ñucanchij paca tucuna Jacobpaj Taita Diosmi. Selah

ÉXODO 3:12

Taita Diosca: –Ñucamari canhuan casha. Ñuca quiquintaj canhuan cashcata ricuchijca caimi canga: Egiptomanta israelcunata ña llujshichimushpaca, cai urcu jahuapimi Taita Diosta adoracunguichij– nircami.

ISAÍAS 42:16

Ñahui mana ricujcunataca, paicuna mana rijsishca ñantami pushasha. Paicuna mana rijsishca ñancunatami purichisha. Paicunapaj ñaupajpimi amsataca, luzman tigrachisha. Mana puripaj cashcatapish llambu pambacunatami ruragrini. Caicunataca rurashatajmi, chashnataca manataj saquishachu.

JEREMÍAS 1:8

Canca ama pita manchaichu, ñucami canhuan casha. Ñucami cantaca imamantapish quishpichisha” nircami Mandaj Diosca.

DANIEL 11:16

Janaj lado llajtamanta uriyajca, pai munashcatami ruranga. Paihuan ch'imbapurajca pi mana tiyangachu. Paica tucuita chingachishpami sumaj llajtapi saquiringa.

Mateo 28:20

Cancunata ñuca tucui imalla mandashcacunata paicunapish rurachun yachachinguichij. Cai pacha tucuringacamami, tucui punllacuna ñucaca cancunahuan casha” nircami. Chashna cachun.

Romanos 8:31

Shina cajpica ¿imatataj caimantaca nishun? Dios ñucanchijhuan cajpica ¿pitaj ñucanchijtaca imata ni tucungari?

Romanos 8:37

Chashna cajpica cai tucui llaquicunataca, ñucanchijta c'uyaj Cristohuanca mishajcunatapish yalli jahualla mishajcunami canchij.

DEUTERONOMIO 20:1

Cancunata p'iñajcunahuan jatun macanacuipi macanacungapaj llujshishpaca, paicunapaj caballocunata, carrocunata, paicunaca cancunata yalli achcacuna cajta ricushpapish ama manchanguichijchu. Cancunata Egiptomanta llujshichimuj Mandaj Dios cancunapaj Taita Diosca cancunahuanmi.

DEUTERONOMIO 20:4

Ashtahuanpish Mandaj Dios cancunapaj Taita Diosmari cancunahuan ringa. Cancunata quishpichingapaj cancunata p'iñajcunahuan cancunamanta macanacungapajmari ringa ningami nircami.

DEUTERONOMIO 31:23

Chai q'uipami Mandaj Diosca Nunpaj churi Josuetaca: “Fuerzarilla, c'ari c'ari cailla. Ñuca cushatajmi nishca llajtamanca canmi israelcunataca yaicuchingui, ñucaca canhuanmi casha” nirca.

DEUTERONOMIO 4:31

Mandaj Dios cancunapaj Taita Diosca llaquij Taita Diosmi. Paica mana saquingachu, mana chingachingachu. Cancunapaj ñaupa yayacunahuan ari ninacushcatapish manataj cungaringachu.

DEUTERONOMIO 7:24

Paicunapaj jatun mandajcunatapish, paimi cancunapaj maquipi churanga. Cai pachapi paicunapaj shuticunataca cancunami p'ichanguichij. Tucui paicunata chingachingacama cancunahuanca pi mana ch'imbapurai tucungachu.

2 Timoteo 4:17

Paicuna chashnajpipish, Mandaj Jesusca ñucahuanmi carca. Pai ñucaman fuerzata cujpimi, tucui mana judiocuna uyachun huillana cashca alli huillaitaca huillarcani. Paimi ñucataca leonpaj shimimanta quishpichirca.

Hebreos 13:5

Cancunaca quiquinpajlla ashtahuan charij canataca ama munaichijchu. Cunan imata charishcacunallahuan cushi caichij. Chashnacunatami Diosca: “Cantaca manataj shitashachu, manataj cungarishachu” nin.

JOSUÉ 1:17

Moisesta ima shinami tucuipi cazuj carcanchij, chashnallatajmi cantapish cazushun. Mandaj Diosca Moiseshuan cashca shinallataj, canhuanpish cachunmi munanchij.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.

JOSUÉ 10:8

Mandaj Diosca Josuetaca: “Paicunataca ama manchaichu, ñucami tucui paicunataca cambaj maquipi churarcani. Cantaca pi mana mishai tucungacunachu” nircami.

JOSUÉ 21:44

Mandaj Diosca paicunapaj ñaupa yayacunaman cushami nishcata pajtachishpami, chai llajtata paicunaman cushpaca pi mana ima nishca alli causaita curca. Mandaj Dios paicunahuan cashcamantami, p'iñajcunaca pi mana ch'imbapurai tucurca. Mandaj Diosmi chai p'iñajcunataca, israelcunapaj maquipi churarca.

JOSUÉ 3:7

Chaipimi Mandaj Diosca Josuetaca: “Cunan punllamantami cantaca, tucui israelcunapaj ñaupajpi jatun cashcata ricuchigrini. Moiseshuan shinallataj ñucaca canhuanpish cashcata paicuna yachachunmi chashna rurasha.

JOSUÉ 6:27

Mandaj Diosca Josuehuanmi carca. Chaimantami Josué tucui rurashcacunaca tucui llajtapi huashan huashan yacharirca.

JUECES 2:18

Mandaj Diosca juezcunata churashpaca maijan jueztami pai churan chaihuanmi carca. Chaimantami chai juez pushacui punllacunapica, israelcunata p'iñajcunapaj maquimantaca quishpichij carca. Paicunata llaquichijcuna llaquichicujpi llaquihuan cashpa aij nishcacunata uyashpami, paicunata llaquina yuyai tucushpa juezta churashpa Mandaj Diosca quishpichirca.

JUECES 6:16

Mandaj Diosca Gedeontaca: –Ama manchaichu, ñucamari canhuan casha. Madianitacunataca, shujllata shinamari canca jahualla mishangui– nircami.

1 SAMUEL 10:7

Ñuca imalla nishcacuna pajtajpica, Diosca canhuan cashcamanta imami cambaj alli, chaitaca ruranguilla.