JOSUÉ 1:14 - Dios Rimashca Shimicunami

¹⁴ Cancunapaj huarmicuna, cancunapaj uchilla huahuacuna, cancunapaj animalcunaca Jordán yacumanta inti llujshin ladoman Moisés cushca allpapi saquirichun. Ashtahuanpish macanacuipaj caj tucui c'ari c'aricunaca macanacunacunata apashpa, cancunapaj huauquicunata ayudanaman ch'imbanguichij.

JOSUÉ 1:14 Iomraidhean Croise

ÉXODO 13:18

Taita Diosca israelcunataca shitashca pambata Puca Cuchaman rina ñanta muyuchishpami pusharca. Israelcunaca Egiptomantaca tucuicunami soldadocuna shina mirga mirgapi ch'icanchishca huichiyarcacuna.

NÚMEROS 32:26

Cai Galaad llajtapica ñucanchij huahuacuna, ñucanchij huarmicuna, ñucanchij huagracuna, tucui ñucanchij animalcunandijllami saquiringacuna.

DEUTERONOMIO 20:8

Mandajcunaca cutinllataj chaipi cajcunata cashna nishpaca: Cancunapurapi ¿maijantaj manchacujcuna, mana c'ari c'ari cajcuna canguichij? Chaicunaca cancunapaj huasiman tigrashpa richijlla. Cancuna manchacujta ricushpa caishujcunapish manchacujcuna tucunman ningacunami.

DEUTERONOMIO 3:19

Cancuna achca animalcunata charishcataca ñucallataj yachanimi. Chaimanta cancunapaj huarmicuna, cancunapaj huahuacuna, cancunapaj animalcunalla ñuca cancunaman cushca pueblocunapica saquirichun.

DEUTERONOMIO 33:21

Gadca ashtahuan alli allpacunatami agllarca. Mandajpaj huaquichishca sumaj allpatami japirca. Paimi tucuicunapaj ñaupajpi shamurca. Paica israelcunaman Mandaj Dios cushca mandashcacunata, cashcata rurashpa pajtachinguitaj nishcacunatami pajtachirca” nircami.

JOSUÉ 1:13

–Mandaj Diospajta ruraj Moisés nishcata yuyarichij. Paica cashnami nirca: “Cancunata Mandaj Diosca cancuna samarichunca cai allpatami curca.

JOSUÉ 1:15

Samarichun cancunaman cushca shinallataj paicunamanpish allpacunata Mandaj Dios cungacama ayudanguichij. Mandaj Dios cusha nishca allpata japingacama ayudashpaca, Jordán yacumanta inti llujshin ladoman Taita Diospajta ruraj Moisés cancunaman cushca cancunapaj allpallamantaj tigranguichijllami”– nircami.

JOSUÉ 4:12

Jordán yacutaca Rubenpaj, Gadpaj aillupish, Manasespaj chaupi aillupishmi Moisés mandashca shinallataj macanacunacunata aparishca, tucui israelcunata ñaupashpa ch'imbarcacuna.

Apocalipsis 17:4

Chai huarmica moradota, pucanicuj churanata churashcami carca. Shinallataj sumaj rumicunahuan, perlacunahuan curihuanpish sumajta allichirishcami carca. Maquipica, millananahuan, huainayashca mapahuan junda curi caliztami charicurca.