JONÁS 4:6 - Dios Rimashca Shimicunami

⁶ Mandaj Taita Diosca rupai achcata t'itajpi Jonás llaquirishpa tiyacujpimi, llandurichunca pai tiyacun c'uchupi calabazo yurata huiñachirca. Chai calabazo yurata ricushpami, Jonasca achcata cushicurca.

JONÁS 4:6 Iomraidhean Croise

ESTER 5:9

Amanca, punta punlla jatun micuimantaca, cushijlla shunguhuanmi llujshirca. Shina cashpapish, mandashpa tiyana huasi pungupi Mardoqueo tiyacujta ricushpaca, yallitajmi p'iñarirca. Amán chaita pasacujpica, Mardoqueoca mana jatarircachu, pai tiyacushcamantaca mana cuyurircallapishchu.

JOB 7:2

Servij runaca, llandurisha nishpami shungu llujshin. Trabajaj runapish, samaringapaj chishiyachunmi shuyan.

PROVERBIOS 23:5

¿Maitataj yangalla caj charinacunapica, cambaj yuyaita churanguiyari? Chaicunaca alas jundajpi águila jatarishpa, jahuata rij shina ñapish chingaringallamari.

ISAÍAS 39:2

Ezequiasca paicunahuan cushicushpami paipaj huasipi imalla huaquichishcacunataca, cullquita, curita, mishquijllata ashnacujcunata, ashtahuan alli aceiteta, macanacunacunata huaquichinacunata, paipaj huaquichinacunapi imalla tiyajcunatapish tucuita paicunaman ricuchirca. Ezequiasca paipaj huasipipish, pai mandacunpipish imata mana saquishpa tucuitami ricuchirca.

AMÓS 6:13

Cancunaca imamantapish cushicunguichijmi. Cancunaca: “Mandanatapish ñucanchij quiquin fuerzamantami charinchij” ninguichijmi.

JONÁS 1:17

Mandaj Diosllatajmi chai mama cuchapica, Jonasta millpuchun shuj jatun chalhuata charicurca. Chai chalhua millpujpimi, Jonasca, quimsa punllata quimsa tutata chalhuapaj huijsa ucupi carca.

JONÁS 4:5

Chaimantami Jonasca, Nínive pueblomantaca inti llujshin ladoman rishpa, ramacunahuan chugllata rurarca. Chai chuglla ucupimi llandurishpa tiyarirca. Chai pueblopi ima tucujta ricungapajmi, chaipi tiyacurca.

JONÁS 4:7

Cayandij tutamanta pacarinapajca, Taita Diosllatajmi chai yurata micuchun shuj c'uruta churarca. Chai c'uru micujpimi, chai yuraca chaquirirca.

Lucas 10:20

Cancunaca supaicunata cazuchishpallaca ama cushicuichijchu. Ashtahuanpish cancunapaj shuticuna jahua pacha libropi quillcashca cashcamanta cushicuichij– nircami.

1 Corintios 7:30

Shinallataj huacajcunaca mana huacashca shina cachun. Cushicujcunaca mana cushicushca shina cachun. Imata randijcunaca mana charishca shina cachun.