JONÁS 4:3 - Dios Rimashca Shimicunami

³ Cunanca Mandaj Dioslla, ñucataca huañuchihuailla. Ñucapajca causanapaj randica, huañunami alli– nijpimi,

JONÁS 4:3 Iomraidhean Croise

1 REYES 19:4

Paica ña shuj punllata shitashca pambata rishpami, enebro yura ucupi tiyarishpa ña huañunata munashpa: “Mandaj Dioslla, caicamallami causasha nini. Ñucaca ñuca ñaupa yayacunata yallica mana canichu. Ñuca causaita quichuhuailla” nirca.

ECLESIASTÉS 7:1

Tucuicuna rijsishca alli runa canaca, sumaj mishquijllata ashnaj jambihuan llihuirishcata yalli allimi. Huañui punllaca huachari punllata yalli allimi.

ECLESIASTÉS 7:9

Imamantapish ama jahualla p'iñaringuichu. Ch'ahuancunallami chashna p'iñarincuna.

JEREMÍAS 8:3

Chai millai runacunapuramanta saquirijcunatapish caita, chaitami prezu cachasha. Chaicunapish maipi cashpapish causanata munanapaj randica, huañunatami munangacuna” ninmi. Tucuita Mandaj Diostajmi chashna nin.

JONÁS 4:4

Mandaj Diosca: –¿Chashna mana jahuallata p'iñarishpaca, allitami rurani yuyanguichu imatagari?– nirca.

JONÁS 4:8

Shinallataj inti llujshijpica, Taita Diosllatajmi achca rupaj huairata cacharca. Intipish Jonaspaj umataca rupachircami. Chaimantami yuyai illaj shina tucushpaca, huañunata munarca. Paica: “Ñucapajca causanapaj randica, huañunami alli canman” nircami.

NÚMEROS 11:15

Quiquin ñucata chashna ruracunalla cashpaca, ñucamanca huañuita cuhuailla. Quiquinpaj ñahuipi ñuca alli ricurishca cajpi, cai laya llaquita ñuca ama ricuchunmi chashna rurana cangui– nircami.

NÚMEROS 20:3

Israelcunaca Moisestaca cashna nishpami rimarcacuna: –Mandaj Diospaj ñaupajpi ñucanchij huauquicuna huañui punlla huañushca cashpachari alli canchijman carca.

1 Corintios 9:15

Ashtahuanpish ñucaca, chai japina cashcataca mana japishcanichu. Cancuna ñucaman cuchun nishpapish mana quillcanichu. Ñucata jatunyachinata pi manaraj quichujpi huañunami alli canman.