JONÁS 4:2 - Dios Rimashca Shimicunami

² Chashna p'iñarishpami, Mandaj Diostaca cashna mañarca: –Mandaj Dioslla, canca jatunta c'uyaj, llaquij, mana utca p'iñarij, alli shungu Diosmi cangui. Llaquichisha nishpa huillachishpapish, jarcarishpa saquinguillami. Ñuca llajtapi cashparajmi, canca chashna ña yacharcani. Chaimantami can mandajpica, miticushpa Tarsis puebloman ricurcani.

JONÁS 4:2 Iomraidhean Croise

1 REYES 19:4

Paica ña shuj punllata shitashca pambata rishpami, enebro yura ucupi tiyarishpa ña huañunata munashpa: “Mandaj Dioslla, caicamallami causasha nini. Ñucaca ñuca ñaupa yayacunata yallica mana canichu. Ñuca causaita quichuhuailla” nirca.

SALMOS 103:8

Mandaj Diosca, llaquij, mana maipish cachun llaquichijmi. Mana utca p'iñarij, jatunta c'uyajmi.

SALMOS 145:8

Alli shungu, jatunta llaquijca Mandaj Diosmari. Paica mana utca p'iñarijmari, yallitaj llaquijmari.

SALMOS 78:38

Ashtahuanpish paica llaquijmi carca. Paicuna millaita rurashcatapish perdonashpami mana chingachirca. Tauca cutin llaquichinalla p'iñarishpapish mana llaquichircachu. P'iñarishpa llaquichinatapish paica jarcarircami.

SALMOS 86:15

Ashtahuanpish quiquin Jatun Diosca llaquij, cashcata ruraj, mana utca p'iñarij, yallitaj llaquij, mana llullaj Taita Diosmari cangui.

SALMOS 86:5

Jatun Dios quiquinca allimari cangui, perdonajmari cangui. Quiquinta mañajcunataca tucuicunata jatunta llaquijmari cangui.

SALMOS 90:13

Mandaj Dioslla, ¿maicamataj ñucanchijtaca shitangui? Utca tigramuyari. Quiquinpajta rurajcunataca llaquihuayari.

ÉXODO 32:14

Chaimi Mandaj Diosca, pai agllashca israelcunata llaquichisha nishca cashpapish mana llaquichina tucurca.

JEREMÍAS 18:8

Shina cashpapish, ñuca tucuchisha nicushca llajta runacuna millaita ruranata saquishpa cutirijpica, mana llaquichinichu. Paicunapaj cachasha nicushca llaquitaca, jarcarishpa mana cachanichu.

JEREMÍAS 20:7

Mandaj Dioslla, ñucataca inquitashcanguimari. Ñucaca can inquitashcamari causani. Ñucata yalli sinchi cashpamari mishahuashcangui. Punllantamari ñucataca tucuicuna chanzata rurashpa asincuna.

JEREMÍAS 26:13

Chashna cashcamantaca, cancunata Mandaj Dios rimashcata cazuichij. Millai causaita, millaita ruracushcata saquishpa, ña allichirichij. Chashna rurajpica, pai Mandaj Diosca cancunata ima shinalla llaquichisha nicushcata jarcarishpa, mana llaquichingachu.

JEREMÍAS 42:10

Cancuna cai llajtallapitaj casijlla saquirijpica, llajta cachun cutin shayachishami. Cutinca ña mana urmachishachu. Alli tarpushpa, cutinca ña mana aisashpa shitashachu. Cunan cancunata cashna llaquichishcataca, ñucallataj nanarishpa llaquirinimi ninmi.

AMÓS 7:3

Chashna mañajpica, Mandaj Diosca achcata llaquirishpami: –Shinashpaca mana llaquichigrinichu– nirca.

AMÓS 7:6

Chashna mañajpica, Mandaj Jatun Diosca achcata llaquirishpami: –Shinashpaca mana llaquichigrinichu– nirca.

JONÁS 1:3

Shina nijpica Jonasca, Mandaj Diosmanta miticushpa Tarsis puebloman ringapajmi, barcota japingapaj Jope puebloman uriyarca. Chaiman chayashpaca, Tarsis puebloman ricuj barcopimi, paipaj pasajeta pagashpa yaicurca. Paica Mandaj Diospaj ñaupajmanta miticusha yuyashpami, Tarsis puebloman paicunahuan ricurca.

JONÁS 3:10

Taita Diosca, Nínive pueblopi causajcunaca millai ruranacunata saquishpa cutirishcatami ricurca. Chaimantami pai p'iñarishpa llaquichisha nishca cashpapish, jarcarishpa mana llaquichirca.

JONÁS 3:9

Taita Dios p'iñarishpa llaquichina cashpapish, manapishchari llaquichinga” nishpami mandarca.

MIQUEAS 7:18

Taita Dioslla, can shina Diosca manamari pi shujtajca tiyanchu. Canca can agllashcacunapuramanta saquirijcuna millaita rurashcatapish cungarijmi cangui. Paicunapaj juchatapish perdonajmi cangui. Paica mana huiñaita p'iñarinchu. Ashtahuanpish llaquij cashcata ricuchishpami cushicun.

Lucas 10:29

Pai ashtahuan alli ricurisha nishpami chai runaca: –¿Pi shujtajtataj c'uyana cani?– nirca.

DEUTERONOMIO 4:31

Mandaj Dios cancunapaj Taita Diosca llaquij Taita Diosmi. Paica mana saquingachu, mana chingachingachu. Cancunapaj ñaupa yayacunahuan ari ninacushcatapish manataj cungaringachu.