JONÁS 4:11 - Dios Rimashca Shimicunami

¹¹ Nínive pueblotacarin maitataj mana llaquishari. Chai jatun pueblopica, 120.000 runacunami causancuna. Paicunaca maijan alli maqui cashcata, maijan lluqui maqui cashcatapish mana yachashca shinami causancuna. Shinallataj achca animalcunapishmi tiyan– nircami.

JONÁS 4:11 Iomraidhean Croise

GÉNESIS 9:10

“Cancunahuan caj causaiyujcunahuanca: Huambuj huasimanta llujshishpa cancunahuan caj huairata purij alasyuj animalcunahuanpish, sacha animalcunahuanpish, charina animalcunahuanpish shuj ruranatami ruragrini.

SALMOS 104:14

Paimi animalcunapaj q'uihuatapish huiñachin. Gentecunapaj granota p'ucuj q'uihuacunatapish paimi huiñachin. Chaicunamanta micunacunata rurachun,

SALMOS 36:6

Mandaj Dios quiquin cashcata ruraj cashcaca Diospaj urcucuna shinami. Quiquin llaquichinacunaca ucujta jutcu shinami. Mandaj Dioslla, runacunatapish quiquinmi huaquichingui. Animalcunatapish quiquinmi cuidangui.

ISAÍAS 1:18

Tucui caicunata ch'imbapura parlanacungapaj shamuichij ninmi Mandaj Diosca. Cancunapaj juchacuna amsa puca cajpipish, rasu shina yurajllata yurajyachishcami canga. Cancunapaj juchacuna pucanicuj cashpapish, yurajlla millmata shina rurashcami canga.

ISAÍAS 37:37

Chaimi Asiriata jatun mandaj Senaqueribca, Nínive puebloman tigrashpa chaipi saquirirca.

ISAÍAS 7:16

Chai huahua ima alli cajta, ima mana alli cajta manaraj yachaj cajpimi cunan can manchacuj ishqui jatun mandajcunapaj llajtacunaca shitashca saquiringa.

JONÁS 1:2

“Jatari, Nínive puebloman ri. Chai jatun pueblopi causajcuna yallitaj millaita rurashpa causashcaca ñami ñuca ñaupajman chayamushca. Chaimanta ñuca llaquichina cashcata paicunaman huillagri” nircami.

JONÁS 3:10

Taita Diosca, Nínive pueblopi causajcunaca millai ruranacunata saquishpa cutirishcatami ricurca. Chaimantami pai p'iñarishpa llaquichisha nishca cashpapish, jarcarishpa mana llaquichirca.

JONÁS 4:10

Chashna nijpimi Mandaj Diosca: –Manapish can tarpushca, manapish can huiñachishca jahuamari, chai calabazo yuramantaca yallitaj llaquiringui. Chai yuraca shuj tutalla huiñashpa, cayandij tutapajca, ñapish huañurcallami.

Mateo 18:33

Ñuca canta llaquishca shinallatajmi, ñucapajta ruraj caishuj runataca canpish llaquina carcangui” nircami.

DEUTERONOMIO 1:39

Cancunaca ñucanchij huahuacunataca macanacuipi mishashcamantami apangacuna nircanguichijmi. Cancunapaj huahuacunaca allitapish, mana allitapish cunancama manaraj yachancunachu. Paicunami chai llajtamanca yaicungacuna. Paicunaman cujpimi chai llajtataca paicunapaj cachun japingacuna.