JONÁS 3:9 - Dios Rimashca Shimicunami

⁹ Taita Dios p'iñarishpa llaquichina cashpapish, manapishchari llaquichinga” nishpami mandarca.

JONÁS 3:9 Iomraidhean Croise

2 SAMUEL 12:22

Shina nijpimi Davidca: –Huahua manaraj huañujpica Taita Diosca ñucata llaquishpa, huahuata alliyachingapishchari nishpami ayunashpa huacacurcanilla.

SALMOS 106:45

Paicunahuan ari ninacushcatapish paica yuyarircami. Pai yallitaj llaquij cashca shinallatajmi paicunataca llaquirca.

SALMOS 85:3

Quiquin p'iñarishcataca tucuimari anchurircangui. Nina sindirij shina yallitaj p'iñarishca cashpapish anchuchircanguimari.

SALMOS 90:13

Mandaj Dioslla, ¿maicamataj ñucanchijtaca shitangui? Utca tigramuyari. Quiquinpajta rurajcunataca llaquihuayari.

JEREMÍAS 26:13

Chashna cashcamantaca, cancunata Mandaj Dios rimashcata cazuichij. Millai causaita, millaita ruracushcata saquishpa, ña allichirichij. Chashna rurajpica, pai Mandaj Diosca cancunata ima shinalla llaquichisha nicushcata jarcarishpa, mana llaquichingachu.

DANIEL 4:27

Chaimanta jatun mandajlla ñuca cunashcata uyai: Cashcata rurashpa juchata ruracushcamantaca llujshi. Llaquichishca causacujcunata llaquishpa millaita ruracushcamantaca llujshi. Chashna rurashpaca cushi causaita, alli causaita charinguipishchari” nirca.

AMÓS 5:15

Imapish millaitaca p'iñaichij, imapish allitaca ashtahuan ruraichijlla. Juezcunapish, cashcata rurana yuyailla caichij. Cancuna chashna tucuita allita rurajpica, tucuita Mandaj Diosca Josepaj huahua huahuacuna maijan saquirishcacunallatapish llaquingapishchari.

JONÁS 1:15

Chai q'uipami Jonastaca, japishcahuan yacuman shitarcacuna. Paita shitajpimi, yacuca caiman chaiman manchanayajta cuyuricushpapish casijlla tucurca.

JONÁS 1:6

Chaita ricushpami, chai barcota purichijcunata mandajca paipajman rishpaca: –¿Ima nishpataj caipi dormicunguillari? Jatarishpa cambaj Diosta caparishpa mañai. Ima shinamanta ñucanchijta llaquishpa quishpichingapishchari– nirca.

JONÁS 4:2

Chashna p'iñarishpami, Mandaj Diostaca cashna mañarca: –Mandaj Dioslla, canca jatunta c'uyaj, llaquij, mana utca p'iñarij, alli shungu Diosmi cangui. Llaquichisha nishpa huillachishpapish, jarcarishpa saquinguillami. Ñuca llajtapi cashparajmi, canca chashna ña yacharcani. Chaimantami can mandajpica, miticushpa Tarsis puebloman ricurcani.

SOFONÍAS 2:3

Cai llajtapi causaj alli shungu runacuna, cancunaca Mandaj Dios imallata rurashcata yuyarishpa paita mashcaichigari. Cashcata ruranata mashcaichigari. Chashna cancuna allita ruranata mashcajpica, Mandaj Dios jatunta p'iñarishpa llaquichicui punllaca huaquichingapishchari.

1 SAMUEL 6:5

Cancunata llaquichicuj chupucunaman rijchajta, cancunapaj llajtacunapi llaquichicuj ucuchacunaman rijchajta rurashpa israelcunapaj Taita Diosta alli nichij. Cancunatapish, cancunapaj dioscunatapish, cancunapaj allpacunatapish llaquichinata ashallatapish saquingapishchari.