JONÁS 3:4 - Dios Rimashca Shimicunami

⁴ Jonasca shuj punlla shinata purishpami: “Cunanmanta chuscu chunga punllapica, cai Nínive puebloca chingaringami” nishpa, caparishpa huillashpa purirca.

JONÁS 3:4 Iomraidhean Croise

2 REYES 20:1

Chai punllacunapimi, Ezequiasca huañuna ungüihuan carca. Amozpaj churi, profeta Isaías paita ricunaman rishpaca: –Mandaj Diosca cashnami nin: Canca ña mana causanguichu, huañugringuimi, cambaj huasi ucu familia ima shina canata allichi ninmi– nircami.

2 REYES 20:6

Cambaj causaitaca chunga pichca huatahuanmi mirachini. Cantapish, cai pueblotapish Asiria llajtapaj jatun mandajpaj maquimanta quishpichishami. Ñuca quiquinllatataj c'uyashcamanta, ñucapajta ruraj Davidta c'uyashcamantami chashna huaquichigrini ninmi nigri” nircami.

ISAÍAS 30:18

Shina cajpipish Mandaj Diosca cancunata llaquingapaj shuyacunmi. Paica cancunata chashna llaquishpaca c'uyaj cashcatami ricuchinga. Mandaj Diosca cashcata ruraj Diosmi. Paipi shunguta churajcunaca tucuicunami cushichishca canga.

JEREMÍAS 42:10

Cancuna cai llajtallapitaj casijlla saquirijpica, llajta cachun cutin shayachishami. Cutinca ña mana urmachishachu. Alli tarpushpa, cutinca ña mana aisashpa shitashachu. Cunan cancunata cashna llaquichishcataca, ñucallataj nanarishpa llaquirinimi ninmi.

JONÁS 3:10

Taita Diosca, Nínive pueblopi causajcunaca millai ruranacunata saquishpa cutirishcatami ricurca. Chaimantami pai p'iñarishpa llaquichisha nishca cashpapish, jarcarishpa mana llaquichirca.

Mateo 12:41

Imalla rurashcata Taita Dios ricuchi punllapica, cunan cai punllapi causajcunataca Ninivepi causajcunami, mana allitamari rurashcanguichij ningapaj shamungacuna. Ninivepi causajcunaca Jonás huillajpimi, paicuna juchayuj cashcamanta Taita Diosman cutirircacuna. Caipica Jonastapish yallimari huillacun.

Lucas 11:30

Jonasca, Ninivepi causajcunapajca pi mana chashna tucushcata ricunami tucurca. Chai shinallatajmi Runa Aichayujpish cai punllapi causajcunapajca, pi mana chashna tucushcata ricuna tucunga.

Lucas 11:32

Imalla rurashcata Taita Dios ricuchi punllapica, cunan cai punllapi causajcunataca Ninivepi causajcunami mana allitamari rurashcanguichij ningapaj shamungacuna. Ninivepi causajcunaca Jonás huillajpimi, paicuna juchayuj cashcamanta Taita Diosman cutirircacuna. Riquichij, caipica Jonastapish yallimari huillacuni.

DEUTERONOMIO 18:22

Chai huillajca Mandaj Dios huillachijpimi huillani nishpa huillashca pai nishca shina mana pajtajpi, pai nishca shina mana tucujpica manapish Mandaj Dios huillachishcami canga. Chaica paipaj yuyaillamanta huillashcami canga. Paitaca ama manchanguichu.