JONÁS 3:10 - Dios Rimashca Shimicunami

¹⁰ Taita Diosca, Nínive pueblopi causajcunaca millai ruranacunata saquishpa cutirishcatami ricurca. Chaimantami pai p'iñarishpa llaquichisha nishca cashpapish, jarcarishpa mana llaquichirca.

JONÁS 3:10 Iomraidhean Croise

1 CRÓNICAS 21:15

Mandaj Diosca, Jerusalenpi causajcunata ñutuchingapajca angeltami cacharca. Chai ángel ñutucujta Mandaj Dios ricushpaca, yallitaj llaqui cajpimi, ñutucuj angeltaca: “Ña chailla, saqui” nirca. Mandaj Diospaj angelca, jebuseocunapura caj Ornán runapaj parba c'uchupimi carca.

ÉXODO 32:14

Chaimi Mandaj Diosca, pai agllashca israelcunata llaquichisha nishca cashpapish mana llaquichina tucurca.

PROVERBIOS 28:13

Juchacunata pacaj runaca, mana alli causai tucungachu. Ashtahuanpish tucuita huillashpa, chai juchacunata saquijca, Taita Dios llaquishcami canga.

ISAÍAS 30:18

Shina cajpipish Mandaj Diosca cancunata llaquingapaj shuyacunmi. Paica cancunata chashna llaquishpaca c'uyaj cashcatami ricuchinga. Mandaj Diosca cashcata ruraj Diosmi. Paipi shunguta churajcunaca tucuicunami cushichishca canga.

JEREMÍAS 18:7

Ñucaca, huaquinpica maijan runacunata cashpa, maijan llajtata cashpapish ña tucui chingachinata, tucuchinata yuyarishpami huillachini.

JEREMÍAS 18:8

Shina cashpapish, ñuca tucuchisha nicushca llajta runacuna millaita ruranata saquishpa cutirijpica, mana llaquichinichu. Paicunapaj cachasha nicushca llaquitaca, jarcarishpa mana cachanichu.

JEREMÍAS 36:3

Cai Judá runacunaca, ñuca ima shinalla llaquichisha nishcata uyashpallapish, llaquirishpa paicunapaj millai causaita saquishpa ñucaman cutiringacunapishchari. Cutirijpica, ñucapish paicuna imalla mana allita rurashca juchacunataca, tucuimi perdonasha” nircami.

JEREMÍAS 42:10

Cancuna cai llajtallapitaj casijlla saquirijpica, llajta cachun cutin shayachishami. Cutinca ña mana urmachishachu. Alli tarpushpa, cutinca ña mana aisashpa shitashachu. Cunan cancunata cashna llaquichishcataca, ñucallataj nanarishpa llaquirinimi ninmi.

JOEL 2:13

Ama churanataraj lliquirichijchu, ashtahuanpish cancunapaj shungupi llaquirichigari. Cancunata Mandaj Diospajman cutirichigari. Paica llaquishpa cashcata rurajmari, mana utca p'iñarij, jatunta llaquijmari, llaquichisha nishpapish, llaquishpa jarcarijmi.

AMÓS 7:3

Chashna mañajpica, Mandaj Diosca achcata llaquirishpami: –Shinashpaca mana llaquichigrinichu– nirca.

AMÓS 7:6

Chashna mañajpica, Mandaj Jatun Diosca achcata llaquirishpami: –Shinashpaca mana llaquichigrinichu– nirca.

JONÁS 4:11

Nínive pueblotacarin maitataj mana llaquishari. Chai jatun pueblopica, 120.000 runacunami causancuna. Paicunaca maijan alli maqui cashcata, maijan lluqui maqui cashcatapish mana yachashca shinami causancuna. Shinallataj achca animalcunapishmi tiyan– nircami.

JONÁS 4:2

Chashna p'iñarishpami, Mandaj Diostaca cashna mañarca: –Mandaj Dioslla, canca jatunta c'uyaj, llaquij, mana utca p'iñarij, alli shungu Diosmi cangui. Llaquichisha nishpa huillachishpapish, jarcarishpa saquinguillami. Ñuca llajtapi cashparajmi, canca chashna ña yacharcani. Chaimantami can mandajpica, miticushpa Tarsis puebloman ricurcani.

Lucas 11:32

Imalla rurashcata Taita Dios ricuchi punllapica, cunan cai punllapi causajcunataca Ninivepi causajcunami mana allitamari rurashcanguichij ningapaj shamungacuna. Ninivepi causajcunaca Jonás huillajpimi, paicuna juchayuj cashcamanta Taita Diosman cutirircacuna. Riquichij, caipica Jonastapish yallimari huillacuni.

Lucas 15:20

Chaimi paipaj yayapajman tigrarca. Pai caruta shamucujpirajmi paipaj yaya ricushpaca achcata llaquirishpa, callpashpa, rishcahuan ugllarishpa mucharca.