JONÁS 2:9 - Dios Rimashca Shimicunami

⁹ Ashtahuanpish cantaca ñuca shimihuan cantashpami alabasha. Animalcunatapish cushpa huañuchishami. Canman imata cusha nishcatapish cushatajmi. Mandaj Dioslla, canllami quishpichij cangui” nishpami mañarca.

JONÁS 2:9 Iomraidhean Croise

GÉNESIS 35:3

Cunanca Bet-elman huichiyashunchij. Taita Diosca ñuca llaquilla puricujpipish tucui ñanpimi ñucataca huaquichihuarca. Paita pagui ningapajmi, ñucaca chaipi shuj altarta Taita Diospaj ruragrini– nirca.

2 SAMUEL 15:7

Ña chuscu huata tucujpimi, Absalonca jatun mandajtaca: –Ñucami Mandaj Diosman cuna tucushcata cusha nini. Chaitaca Hebronpi cugringapaj cachachunmi rogani.

JOB 22:27

Canca paita mañajpica, can mañashcata uyangallami. Canpish paiman imallata cushami nishcataca cunguimi.

SALMOS 107:22

Animalcunata huañuchishpa cushpa pagui nichigari. Pai imalla rurashcacunataca jatun cushicuihuan huillaichigari.

SALMOS 27:1

Mandaj Diosca ñucata achijyachij luzmi, ñucata quishpichijmi. Pitataj manchashari. Mandaj Diosca muyundijta pircashca shinami ñuca causaita huaquichin. Pita mana manchanichu.

SALMOS 3:8

Quishpirinaca Mandaj Diosmantami shamun. Can agllashcacunamanca allicunata cuhuayari. Selah

SALMOS 50:14

Animalcunata huañuchishpa cuj shinaca Taita Diosta alabayari. Jahua pachamanta cajman cuna tucushcacunataca pajtachiyari.

SALMOS 50:23

Animalcunata cunapaj randica cantashpa alabajmi ñucataca alli ninga”. Pai purina ñanta allichijmanmi Taita Dios quishpichina cashcataca ricuchisha.

SALMOS 68:20

Dios, ñucanchij Dioslla, paimi quishpichinga. Huañuimanta quishpichinapish Mandaj Jatun Diospajmi.

SALMOS 95:2

Paipaj ñaupajpi alabanapaj jacuchigari. Sumaj cantocunahuan alabashunchigari.

ISAÍAS 45:17

Ashtahuanpish israelcunaca Mandaj Diospimi huiñaipaj quishpiringacuna. Cancunaca nunca mana pingachishca canguichijchu. Nunca mana cumurichishca canguichijchu.

JEREMÍAS 33:11

Shina cashpapish chai tucui pueblocunapimi jatun cushicuihuan cantashca uyaringa, cazarajcuna cantashcapishmi uyaringa. Tucuita Mandaj Diosta alabaichij, Mandaj Diosca allimari. Paica huiñai huiñaita c'uyacunllamari nishpami cantangacuna. Prezu apashcamanta ñuca tigrachimushcacunami tucuicuna ñucaman cuna cashcata apashca ñuca huasiman shamushpa, diosolopagui nishpa cantangacuna. Cai llajtataca callaripi cashcata shinami, sumajta allichisha” ninmi Mandaj Diosca.

OSEAS 14:2

Mandaj Diospajman cutirishpa cashna nishpa rogarichij: “Millaita ñucanchij rurashcataca tucuita anchuchi. Ñucanchij rogarishcataca c'uyaihuan chasquipai. Chaipica ñucanchij shimihuan cantashcatami quiquinmanca cushun.

Juan 4:22

Cancunaca pita adoracushcatapish mana yachanguichijchu. Ñucanchijca pita adoracushcataca yachanchijmi. Quishpichijca judiocunamantami shamun.

Hechos 4:12

Ashtahuanpish pi shujtaj Quishpichijca mana tiyanchu. Cai pachapi causajcunata quishpichichunca Taita Diosca pi shujtajtaca mana cushcachu. Jesusllami quishpichi tucun– nircami.

Romanos 12:1

Chaimanta huauquicuna, Dios llaquishcamantami cashna rogani. Cancunapaj cuerpocunataca, ima jucha illajllata, causaj sacrificiota Diosman cuichij. Chashna cashpami Dios munashca shina paita yuyarijcunataj canguichij.

DEUTERONOMIO 23:18

Mandaj Dios cancunapaj Taita Diosman imata cushatajmi nishcataca cullqui jahua huainayaj huarmi cushca cullquitapish, allcu shina runa cushca cullquitapish ama apamunguichijchu. Chaicunaca caishujpish chaishujpish Mandaj Dios millanachinami.

Hebreos 13:15

Chaimantami Taita Diosmanca Jesucristota cantashcata cuna canchij. Alabana sacrificioca, shimihuan paipaj shutita huillana nisha ninmi.

Apocalipsis 7:10

Paicunaca: “¡Jatun tiyarinapi tiyacuj ñucanchij Diospish, Ovejapish paicunallami quishpichijca!” nishpami sinchita caparircacuna.

1 SAMUEL 12:21

Mandaj Diosmanta anchurishpa manapish ima caj yangallataca ama catinguichijchu. Chaicunaca yangalla cashcamantaca ima allitapish mana cungachu, mana quishpichi tucungachu.