JONÁS 2:8 - Dios Rimashca Shimicunami

⁸ Rurashcalla dioscunata yanga mañajcunaca, cambaj c'uyaitami cungarincuna.

JONÁS 2:8 Iomraidhean Croise

2 REYES 17:15

Mandaj Dios chaitataj pajtachichun nishcacunatapish, paicunapaj ñaupa yayacunahuan Mandaj Dios ari ninacushcacunatapish, Dios ima shina cashca shina causashpa ricuchinata mandashcatapish saquishpami, imapish mana canacunata rurashpa yanga tucurcacuna. Paicunapaj muyundij llajtacuna rurashcatami catircacuna. Mandaj Diosca paicuna shinaca amataj ruranguichijchu nishcami carca.

SALMOS 142:4

Ñuca alli ladota alli ricuyari. Chaita ricujca pi mana tiyanchu. Miticunatapish mana charinichu. Ñuca huañunamanta cuidajpish pi mana tiyanchu.

SALMOS 31:6

Rurashcalla manapish dios cajcunapi shunguta churajcunataca p'iñanimi. Ashtahuanpish ñucaca Mandaj Diospimi shunguta churani.

SALMOS 69:14

Lodomanta llujshichihuai. Lodopi millpurichunca ama saquichu. Ñucata p'iñajcunamanta quishpichihuai. Yacu ucujmanta quishpichihuai.

JEREMÍAS 10:8

Tucui paicunaca upacunami, imata mana yachajcunami. Paicunapaj yanta caspicunaca, imata mana yachachi tucunchu.

JEREMÍAS 16:19

Mandaj Dioslla, canmari ñucata pacajpish, ñucaman fuerzata cujpish cangui. Llaquihuan cajpipish, canmari huaquichihuangui. Tucui cai pacha llajtacunapi causajcuna cambajman shamushpamari, cashna ningacuna: “Ñucanchij yayacunaca imata mana rurai tucuj, yanga dioscunallatamari charishcacuna. Chaicunaca imata mana cui tucuncunachu.

JEREMÍAS 2:13

Ñuca agllashcacunaca, ishqui jatun millaitami rurancuna: Puntaca causaita cuj yacu llujshicuj pugyu caj ñucatamari saquincuna. Chaimantaca yacu chaquijlla jutcucunatamari yacupaj rurancuna.

MIQUEAS 1:2

Tucui cai pachapi causajcunapish, caipi imalla tiyajcunapish caita alli uyahuaichij. Mandaj Jatun Diosca, paipajlla huasimanta cancunata llaquichina cashcataca ricuchishca cachun.

1 SAMUEL 12:21

Mandaj Diosmanta anchurishpa manapish ima caj yangallataca ama catinguichijchu. Chaicunaca yangalla cashcamantaca ima allitapish mana cungachu, mana quishpichi tucungachu.