JONÁS 2:4 - Dios Rimashca Shimicunami

⁴ Chaimantami: Cambaj ñaupajmanta shitashca cashpapish, cambajlla sumaj huasitaca ricusharajmi nircani.

JONÁS 2:4 Iomraidhean Croise

1 REYES 8:42

cai huasipimi mañangacuna. (Paicunaca cambaj jatun shutita, cambaj maquica tucuita rurai tucuj cashcata, cambaj rigracunapish chutashca cashcata uyashcamantami chashna shamungacuna)

1 REYES 8:48

Paicunata p'iñajcuna prezu apashca llajtapi cashpami, paicunaca tucui shunguhuan, tucui almahuan quiquinman cutirishca cashpaca, paicunapaj ñaupa yayacunaman quiquin cushca llajta ladoman, quiquin agllashca pueblo ladoman, cai ñuca rurashca huasi ladoman ñahuita churashpa mañangacuna.

1 REYES 9:7

ñuca cancunaman cushca allpamantaca israelcunataca anchuchishami. Ñucapajlla cachun ch'icanchishca cai huasitapish ñuca ñaupajmanta anchuchishami. Chashna rurajpimi israelcunamantaca, tucui cai pachapi causajcunaca yuyachij shimicunata rimashpa asicungallacuna.

2 CRÓNICAS 6:38

Paicunata prezu apajcunapaj llajtapi cashpami, paicunaca tucui shunguhuan tucui almahuan canman cutirishca cashpaca, paicunapaj ñaupa yayacunaman can cushca cai llajta ladoman, can agllashca pueblo ladoman, cai ñuca rurashca cai huasi ladoman ñahuita churashpa mañangacuna.

SALMOS 31:22

Llaquihuan ñuca musparicushpaca: “Quiquinpaj ñahuimantaca anchuchishca cashcatami” yuyarcani. Ashtahuanpish ñuca quiquinta rogashpa mañashcataca uyashcanguimi. Quiquinta ñuca caparishcata uyashcanguimi.

SALMOS 42:8

Shina cajpipish punllaca, Mandaj Diosca paipaj c'uyaitami cacharca. Tutaca, paitami cantasha. Ñucaman causaita cuj Taita Diostaca mañacushallami.

SALMOS 5:7

Ashtahuanpish ñucaca can yallitaj llaquij cajpimi cambaj huasimanca yaicuni. Cambaj huasi ladoman ñahuita churashpami, tucui shunguhuan canta adorani.

SALMOS 88:6

Ucujta caj utcupimari ñucataca churahuashcangui. Yallitaj ucujta amsapimari churahuashcangui.

SALMOS 88:7

Quiquin p'iñarishcaca ñuca jahuapimari. Mama cucha yacu jataricunpimari ñucataca pambashcangui. Selah

ISAÍAS 38:17

Ñucapaj allipajmi cai llaquicunaca ñucapajman shamurca. Jutcupi ñuca ismugrinamantaca quiquin ñucata causachunraj munashcamantami quishpichircangui. Ñuca tucui juchacunataca cambaj huashamanmi shitarcangui.

ISAÍAS 49:14

Ashtahuanpish Sionca: Mandaj Diosca ñucataca saquinmi. Jatun Diosca ñucataca cungarinmi nishcami.

JEREMÍAS 15:1

Mandaj Diosca ñucataca cashnami nirca: “Moiseshuan, Samuelhuan cunantaj ñuca ñaupajpi paicunamanta shayarijpipish, cai runacunahuanca manataj alli tucushachu. Ñuca ñaupajmanta anchuchun, llujshishpa richij nigri.

JEREMÍAS 7:15

Efrainpaj huahua huahuacunataca tucuicunatami ñuca ñaupajmanta llujshichishpa cacharcani. Cancunatapish chai cancunapaj huauquicunata shinallatajmi, ñuca ñaupajmanta llujshichishpa cachasha ninmi.

LAMENTACIONES 3:54

Umacama yacupi huashicushpami: “Cunantajca huañugrinimi” yuyarcani.

EZEQUIEL 37:11

Chai q'uipami ñucataca cashna nirca: “Huañujlla aichayuj runalla, tucui cai tullucunaca israelcunami. Paicunaca cashnami nincuna: Ñucanchij tullucunaca chaquishcami, cutin causanataca mana yuyanchijchu, ñami tucui chingachishca canchij nincunami.

DANIEL 6:10

Chashna mandashcataca allimi, chashnataj cachun nishpa jatun mandaj firmashcata yachashpami Danielca, paipaj huasiman yaicushpaca, pai ima shina mañaj cashca shinallataj Jerusalén ladoman ricuna ventanata pascashpa, punllapi quimsa cutin paipaj Taita Diospaj ñaupajpi cungurishpa, mañashpa pagui nirca.

JONÁS 2:7

Ña huañugricushpami, can Mandaj Diosta yuyarircani. Ñuca mañashcaca cambajlla huasiman uyarishcatajmari.