JONÁS 2:2 - Dios Rimashca Shimicunami

² cashna nishpa mañarca: “Ñucaca llaquihuan cashpami, Mandaj Diostaca mañarcani. Paica uyahuarcami. Huañushca shina cashpa canta caparijpica, uyahuarcanguimi.

JONÁS 2:2 Iomraidhean Croise

2 CRÓNICAS 33:12

Shina cashpapish llaquita apacushpaca, Manasesca paipaj ñaupa yayacunapaj Diospaj ñaupajpica tucui shunguhuanmi llaquirirca. Chashna llaquirishpami Mandaj Diostaca mañarca.

SALMOS 116:3

Huañuica ñucataca huatashpami charicurca. Ña huañushca pambashca cashca shina tucushpami llaquihuan huañucurcani. Llaqui, nanaimi ñucataca japirca.

SALMOS 120:1

Ñuca llaquipi cashpaca, Mandaj Diostami mañarcani. Paica ñuca mañashcata uyahuarcami.

SALMOS 16:10

Ñuca almataca Seolpica mana saquinguichu. Cambajlla caj ñuca aicha ismuchunpish mana saquinguichu.

SALMOS 22:24

Llaquihuan huañucujpipish yangata shina mana saquircachu, mana shitarcachu. Paipaj ñahuitapish mana shujman churarcachu. Ashtahuanpish paita caparijpica uyarcami.

SALMOS 34:6

Cai huajcha runaca caparircami, Mandaj Diosca uyarcami. Tucui paipaj llaquicunamantami quishpichirca.

SALMOS 4:1

Ñucapaj cashcata ruraj ñuca Dioslla, ñuca mañashcata uyahuayari. Canmari llaquihuan ñuca cajpica, samachihuarcangui. Ñucata llaquihuayari, ñuca mañashcata uyahuayari.

SALMOS 61:2

Cai pacha tucurimantami quiquintaca caparisha. Ñuca shungu shaicurijpimi caparisha. Ñucata yalli ashtahuan jatun rumiman pushahuayari.

SALMOS 65:2

Quiquinca mañashcata uyanguimi. Tucuicunami quiquinpajmanca shamungacuna.

SALMOS 86:13

Quiquin llaquij cashcaca ñucapajca yallitaj jatunmari. Seol ucujman rinamantamari ñuca almataca quishpichircangui.

ISAÍAS 14:9

Seol ucupi tiyacujcunapish cantaca mancharircacunami. Huañushcacunapish rijcharircacunami. Can chayajpi alli nishpa chasquinaman llujshingapajmi rijcharircacuna. Cai pachapaj jatun caj cashcacunatapish paicunapaj tiyacushcamanta jatarichircami. Tucui llajtacunata jatun mandajcunatapish paicunapaj tiyacushcamanta jatarichircami.

LAMENTACIONES 3:55

Mandaj Dioslla, chai jutcu ucupi prezu cashpaca, cantamari cayarcani.

EZEQUIEL 26:20

Shinallataj pambana jutcuman uriyajcunahuanmi cantapish uriyachisha. Ñaupa huatacunamanta pambashcacunahuanmi pambashca cangui. Shitashca pambacunata ñaupa punllacunapi pambashca shinami cantapish allpa ucupi pambasha. Chashna rurashpa chingachijpimi, canpica pipish ña mana cutin causangacuna. Chashnata ricushpami, cai pachapi causajcunaca ñucataca, tucuita rurai tucuj cashcata yachangacuna.

EZEQUIEL 31:14

Yacu c'uchupi huiñaj yuracunalla, cancunapish ama chai yura shina yallitaj jatun cashcata yuyanguichijchu, ramacunata mishashpa huiñanatapish ama yuyanguichijchu, cancunalla jatun cashcatapish ama yuyanguichijchu. Cancunapish tucuicunallatajmi huañuna canguichij. Cancunapish huañujlla aichayuj runacuna huañujpi pambana allpa ucu jatun jutcullapitajmi pambarina canguichij.

Mateo 12:40

Jonas, shuj jatun chalhuapaj huijsa ucupi quimsa punllata, quimsa tutata cashca shinallatajmi. Runa Aichayujpish, allpa ucupi quimsa punllata, quimsa tutata canga.

Lucas 11:10

Maijanpish mañajca, chasquinmi. Mashcajpish, japinmi. Huasiyuj nijpish, pascajpica yaicunmi.

Lucas 22:44

Jesusca llaquihuan huañucushpami ashtahuan Taita Diosta mañacurca. Chaimantami paipaj jumbica, yahuar shina pambaman achca shuturca.

Hechos 2:27

Ñuca almataca Hadespi mana saquinguichu. Jucha illaj cambaj runataca ismuchun mana saquinguichu.

Hebreos 5:7

Cristoca cai pachapi causacushpaca jatunta caparishpa, huacashpa, rogashpami huañuimanta cacharichij Diosta mañarca. Chashna manchaihuan cazuj cajpimi pai mañashcataca Diosca uyarca.

1 SAMUEL 1:16

Cambajta ruraj ñucataca millai huarmi cashcataca ama yuyaichu. Ashtahuanpish tucui shungu ruparishpa achca llaquilla cashpami, caicama mañacurcanilla– nirca.

1 SAMUEL 30:6

Davidhuan cajcunaca paicunapaj churicunamanta, ushushicunamantaca almacama yallitaj llaquirishca cashpami, Davidtaca rumicunahuan shitashun nircacuna. Davidca yallitaj llaquilla cashpapish paita Mandaj Diospi shunguta churashpa sinchiyarca.