JONÁS 2:10 - Dios Rimashca Shimicunami

¹⁰ Mandaj Diosllataj cutin mandajpimi, Jonasta millpuj chalhuaca chaquishca allpaman llujshishpa, Jonasta shungu tigrarca.

JONÁS 2:10 Iomraidhean Croise

GÉNESIS 1:11

Chai q'uipaca Taita Diosca: “Allpamantaca verdijlla q'uihuapish, muyuta cuj q'uihuapish, granota p'ucuj tucui laya yuracunapish huiñachun. P'ucunatapish paicuna imata p'ucuna cashca shinallataj p'ucuchun, muyupish chaillamantataj llujshichun” nircami. Chaica chashnami saquirirca.

GÉNESIS 1:14

Chai q'uipaca Taita Diosca cashnami nirca: “Jahua pachamanta achijyachishpa punllatapish, tutatapish ch'icanchij tiyachun. Chaicunaca ima quillacuna, ima punllacuna, ima huatacuna cashcatapish ricuchijcuna cachun.

GÉNESIS 1:3

Chaitami Taita Diosca: “Achijlla tucuchun” nijpi, achijlla tucurca.

GÉNESIS 1:7

Ch'icanyachichun churashpaca Taita Diosca chaupi yacutaca cai pachapi, chaupi yacutaca ch'icanyachij huaira jahuapimi churarca. Chaica chashnami saquirirca.

GÉNESIS 1:9

Taita Diosca: “Chaquishca allpa tiyachun. Cai pachapi tiyaj yacucunaca shujllaman tandanacuchun” nircapishmi. Chashnami saquirirca.

SALMOS 105:31

Taita Dios rimajpica yallitaj achca chuspicunami shamurcacuna. Tucui chai llajtatami piliscunapish taparca.

SALMOS 105:34

Taita Dios rimajpica langostacunapish, mana yupai tucuipaj piquicunapishmi shamurcacuna.

SALMOS 22:26

Mana jatun tucushcacunaca micungacunami. Mana nijtami micungacuna. Mandaj Diosta mashcajcunaca paita alabangacunami. Paicunaca unitami causangacuna.

SALMOS 33:9

Tucui imatapish tiyachun nijpica, tucuimi rurarirca. Pai mandajpica tucuimi tiyarca.

ISAÍAS 38:20

¡Mandaj Diosmi ñucataca quishpichin! Chaimanta tucui ñucanchij causaipi Mandaj Diostaca paipaj huasipi ñucanchij tocanacunapi tocashpa cantacushunlla nishpami quillcarca.

ISAÍAS 43:11

Ñucaca Mandaj Dios ñucami cani. Pi shujtaj quishpichij mana tiyanchu” ninmi.

ISAÍAS 50:2

Ñuca shamushpaca pita mana japircanichu. Huasiyuj nijpipish pi mana uyarircachu. ¿Ñuca maquica uchijllachari cancunata mana cacharichi tucungapajca? Cancunata quishpichingapajca ¿manachari poderta chariniyari? Riqui, ñucaca rimashcallahuanmi mama cucha yacutapish chaquichini. Jatun yacucunatapish shitashca pambatami rurani. Chaipi causaj chalhuacunapish yacu illashcamanta yacunaihuan huañushpa ismunmi.

OSEAS 13:4

Ashtahuanpish ñucaca: “Egiptomanta llujshichimui pachamanta Mandaj cancunapaj Taita Diosmi cani. Manapish dioscunataca caimi dios ama” ninguichij. Shujtajtaca caimi quishpichij ama ninguichij. Ashtahuanpish ñucallata: “Quishpichijmi cangui” ninguichij.

OSEAS 14:3

Asiriocuna quishpichinatapish mana yuyanchijchu. Caballocunapi tiyarishpa mishashpa quishpirinatapish mana yuyanchijchu. Ñucanchij maquihuan rurashca dioscunatapish ña nunca: Caimi ñucanchij dios mana nishunchu. Yaya mama illaj tucushca ñucanchijca quiquinpimi llaquij cashcataca chasquinchij” nishpa mañanguichij.

JONÁS 1:17

Mandaj Diosllatajmi chai mama cuchapica, Jonasta millpuchun shuj jatun chalhuata charicurca. Chai chalhua millpujpimi, Jonasca, quimsa punllata quimsa tutata chalhuapaj huijsa ucupi carca.

JONÁS 3:1

Chai q'uipaca cutinllatajmi, Mandaj Diosca Jonastaca cashna nirca: