JONÁS 1:9 - Dios Rimashca Shimicunami

⁹ Chashna tapujpimi Jonasca: –Ñucaca hebreocunapurami cani. Jahua pachapi causaj Mandaj Diosta cazushpa causajmi cani. Taita Diosca cai pachatapish, mama cuchatapish ruraj Diosmi– nirca.

JONÁS 1:9 Iomraidhean Croise

GÉNESIS 1:10

Maillapi chaquishca cajtaca “Allpatami” shutichirca, yacucuna tandanacushcataca “Mama Cuchatami” shutichirca. Taita Diosca tucuitami alli cashcata ricurca.

GÉNESIS 14:13

Macanacuimanta quishpirishpa rij shuj runami hebreo Abrammanca huillagrirca. Abramca amorreocunapura caj Mamre runapaj encina yuracuna tiyan allpapimi causacurca. Mamre runaca Escol, Aner runacunapaj huauquimi carca. Paicunaca Abramhuan shuj yuyailla tucushpa imatapish rurajcunami carca.

GÉNESIS 24:7

Ñucataca jahua pacha Mandaj Taita Diosmi ñuca yayapaj huasimanta, ñuca familiacunapuramanta pushamushpa ñucamanca: “Cai llajtataca cambaj huahua huahuacunaman cushatajmi” nirca. Ñuca churipaj shuj huarmita chai llajtamanta pushamuchunpish pai Diosllatajmi paipaj angelta canta ñaupachishpa cachanga.

GÉNESIS 39:14

chai huarmica huasipi imatapish rurajcunata cayashpaca: –Riquichij, cai hebreo runataca ñucanchijta chanzata rurachunmari apamushca. Ñuca tiyacun ucuman yaicushpa ñucahuan dormishun nijpimi, ñucaca sinchita caparircani.

2 REYES 17:25

Chai runacuna causai callarijpica cashnami tucurca: Paicuna chaipi causai callarishpaca Mandaj Diostaca mana mancharcacunachu. Chaimi Mandaj Diosca paicunata huañuchichun leoncunata cachajpi paicunata huañuchirca.

2 REYES 17:28

Samaria llajtamanta Asiriaman prezu apashca shuj curami Samaria llajtaman cutin tigrashpa Bet-elpi causashpa chai gentecunata Mandaj Diosta ima shina manchashpa causanata yachachirca.

ESDRAS 1:2

“Persia llajtata jatun mandaj Ciroca cashnami nin nichij: Jahua pacha Mandaj Diosmi tucui cai pachata mandanacunataca ñucaman cun. Judapi caj Jerusalenpipish shuj huasita shayachichunmi mandan.

ESDRAS 5:11

Chaipi paicunaca: Ñucanchijca jahua pachapaj, cai pachapaj Diospajta rurajcunami canchij. Ñaupa huatacunaman rurashca huasita urmachishcatami cutin shayachicunchij. Chaitaca israelcunata jatun mandajmi shayachishca carca.

NEHEMÍAS 1:4

Chashna nishcata uyashpaca, achcata llaquirishpa huacashpami, tauca punllacunata yallitaj llaquilla carcani. Jahua pacha Diospaj ñaupajpi ayunashpa mañashpaca,

NEHEMÍAS 2:4

Shina nijpi jatun mandajca: ¿Imatataj rurachun ningui?– nijpi, ñucaca jahua pacha Diosta mañashpami,

NEHEMÍAS 9:6

Chaipimi cashna nirca: “Quiquinllami Mandaj Dios cangui. Jahua pachatapish, quiquinmi rurashcangui. Jahua pachamanta jahuaman caj pachacunatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Cai pachatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Mama cuchatapish quiquinmi rurashcangui. Chaipi tucui imalla tiyajcunatapish quiquinmi rurashcangui. Tucui chaicunamanca quiquinmi causaita cungui. Jahua pacha angelcunapish quiquintami adorancuna.

JOB 1:9

Shina nijpimi Satanasca, Mandaj Diostaca cashna nirca: –Chai Jobca, can Diostaca mana yangamanta manchanchu.

SALMOS 136:26

Jahua pachapi causaj Taita Diosta alabaichigari. Pai llaquij canaca huiñaipajmari.

ÉXODO 1:15

Egipto llajtata jatun mandajca, hebrea huarmicunata ricuj partera Sifra, Fúa huarmicunatapish cashnami nirca:

ÉXODO 2:13

Cayandij punlla llujshishpaca, hebreocunapurallataj ishqui runacuna p'iñanacucushpaca shujca caishujta macajpimi, chai macacuj runataca: –¿Ima nishpataj quiquinpurallatatajca macacunguiyari?– nirca.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

OSEAS 3:5

Chai q'uipami israelcunaca Mandaj paicunapaj Taita Diosta, paicunata jatun mandaj Davidta mashcangacuna. Tucuri punllacunapica Mandaj Diostami manchangacuna. Pai cushcacunatami chasquingacuna.

Hechos 14:15

cashna nircacuna: –Riquichij, ¿ima nishpataj chashnaca ruracunguichij? Ñucanchijpish cancuna shinallataj runacunallami canchij. Ñucanchijca cancuna cashna llaqui causacushcata saquishpa causaj Taita Diospajman cutirichun, alli huillaita huillajcunami canchij. Paica jahua pachata, cai pachata, mama cuchata, tucui ima tiyajcunatapish ruraj Taita Diosmi.

Hechos 27:23

Ñucaca Taita Diospaj cashpa paipajta ruraj cajpimi, Taita Diosca cunan tuta paipaj angelta cacharca.

Filipenses 3:5

Ñucaca huacharishcamanta pusaj punllapi circuncisionta rurachishcami cani. Israelpuramanta Benjaminpaj aillupurami cani. Hebreo yaya mamapaj huahua cashcamanta hebreotajmi cani. Mandashcata pajtachij fariseotajmi carcani.

Apocalipsis 11:13

Chai horasllatajmi allpa chujchushpa, pamba t'imburijpi chungapi chaupishca shuj parte puebloca tucui taparirca. Chaipica 7.000 gentecunami huañurcacuna. Chaipi mana huañujcunaca, jatunta mancharishpami jahua pacha Diostaca jatunyachircacuna.

Apocalipsis 15:4

Jatun Dioslla ¿pitaj cantaca mana manchangari? ¿Pitaj Cambaj shutitaca mana jatunyachingari? Canllamari jucha illaj cangui. Cantaca ima shina rurashca shinataj ricuchij cajtami ricushcacuna. Chaimantami tucui llajtacunamanta shamushpa adorangacuna” nircami.

Apocalipsis 16:11

Chashna jatun nanaihuan cashpapish, chupu ungüihuan cashpapish cielopi caj Diostaca c'amircacunami. Paicunapaj millaita ruracushcamantapish Diospajmanca mana cutirircacunachu.