JONÁS 1:8 - Dios Rimashca Shimicunami

⁸ Chaimantami Jonastaca: –¿Imamantataj cai llaquicunaca shamun? ¿Maimantataj shamucungui? ¿Imatataj rurashpa causangui? ¿Mai llajtamantataj cangui? ¿Pipurataj cangui? Chaita huillai– nircacuna.

JONÁS 1:8 Iomraidhean Croise

GÉNESIS 47:3

Chaipimi faraonca Josepaj huauquicunataca: –¿Imata rurajcunataj canguichij?– nijpi paicunaca faraonmanca: –Cambajta ruraj ñucanchijca, ñucanchij ñaupa yayacuna shinallataj ovejacunata michijcunami canchij– nircacuna.

Santiago 5:16

Chaimanta cancunapaj juchacunataca caishuj chaishuj huillanacuichij. Tucuicuna alliyachishcacuna cangapajca, caishujmanta chaishujmanta Diosta mañaichij. Cashcata ruraj tucui shunguhuan Diosta mañashcaca, imatapish rurai tucunmi.

JOSUÉ 7:19

Chaipimi Josueca Acán runataca: –Ñuca huahualla, israelcunata Mandaj Diostaca sumajmari cangui, allimari cangui nishpa, can imallata mana allita rurashcataca ama pacashpa huillai– nirca.

1 SAMUEL 14:43

Chaimi Saulca Jonatantaca: –¿Imatataj rurarcangui? huillai– nijpi Jonatanca: –Mana pacashpami huillana cani. Ñuca apamucushca caspi puntahuanmi sacha chuspi huachashca asha mishquita japishpa micurcani. ¿Chaimantatajchari huañushari?– nirca.

1 SAMUEL 30:13

Chaimi Davidca: –¿Pipajta rurajtaj cangui? ¿Maimantataj cangui?– nijpi egipcio mosoca: –Ñucaca amalecita shuj runapajta rurajmi cani. Ñuca ungushca cajpimi ñuca amoca caipi shitarirca. Ñami quimsa punlla tucun.