JONÁS 1:6 - Dios Rimashca Shimicunami

⁶ Chaita ricushpami, chai barcota purichijcunata mandajca paipajman rishpaca: –¿Ima nishpataj caipi dormicunguillari? Jatarishpa cambaj Diosta caparishpa mañai. Ima shinamanta ñucanchijta llaquishpa quishpichingapishchari– nirca.

JONÁS 1:6 Iomraidhean Croise

2 SAMUEL 12:22

Shina nijpimi Davidca: –Huahua manaraj huañujpica Taita Diosca ñucata llaquishpa, huahuata alliyachingapishchari nishpami ayunashpa huacacurcanilla.

ESTER 4:16

“Judiocuna cai Susa pueblopi causajcunataca tandanacuchun mandagri. Chashna tandanacushpaca quimsa punllata, quimsa tutata ama imata micushpa, ama imata ubyashpa ñucamanta Diosta mañanguichij. Ñucapish ñucapajta ruraj huarmicunahuanmi ayunagrini. Chai q'uipami jatun mandajhuan rimanaman yaicusha. Mandashcata p'aquishpa chaiman yaicugrishcamanta huañuchishpapish, huañuchingallatajchari ninmi” nichunmi cacharca.

SALMOS 107:6

Chashna llaquipi cashpamari, Mandaj Diostaca c'uyaillata mañarcacuna. Chaimi chai llaquicunamanta llujshichirca.

SALMOS 78:34

Chashna huañuchijpimi Taita Diostaca mashcarcacuna. Chaimi paitaca mana samashpalla mashcarcacuna.

ISAÍAS 3:15

Ñuca agllashcacunataca ¿ima nishpataj sarushpa ñuturcanguichij? Huajchacunataca ima nishpataj ñahuipi sarushpa chugrichircanguichij ninmi. Tucuita Mandaj Jatun Diosca.

EZEQUIEL 18:2

“Israel llajtapica cashnami yuyachij shimicunataca ninguichij: Yayacuna jayaj uvata micucujpimi, churicunapaj quirucunaca mana alli cai tucun nishcata uyashpaca, ¿imatataj yuyanguichij?

JOEL 2:11

Mandaj Diosca paipaj soldadocunatami mandanga. Paipaj soldadocunaca yallitaj achcacunami. Pai mandashcata rurajcunaca, yallitaj c'ari c'aricunami. Mandaj Dios shamuna punllaca, jatun mancharina punllamari. Chai jatun llaquicunataca ¿pitaj apai tucungari?

AMÓS 5:15

Imapish millaitaca p'iñaichij, imapish allitaca ashtahuan ruraichijlla. Juezcunapish, cashcata rurana yuyailla caichij. Cancuna chashna tucuita allita rurajpica, tucuita Mandaj Diosca Josepaj huahua huahuacuna maijan saquirishcacunallatapish llaquingapishchari.

JONÁS 3:8

Ashtahuanpish gentecunapish, animalcunapish cañamazuta churarishpa, sinchita Taita Diosta caparishpa mañanguichij. Tucuicunallataj ima laya millaita ruraj cashca cashpapish, chaita saquishpa cutirichij. Huañuchijcuna cashpapish, chaita saquinguichij.

JONÁS 3:9

Taita Dios p'iñarishpa llaquichina cashpapish, manapishchari llaquichinga” nishpami mandarca.

Hechos 21:13

Shina nijpipish Pabloca: –Cancuna chashna huacashpa ñuca shunguta llaquichishpallaca ñucataca mana ayudanguichijchu. Ñucaca mana huatashcallachu casha nini. Ashtahuanpish Mandaj Jesusmantaca, Jerusalenpi huañuna cajpipish huañushallami– nircami.

Romanos 13:11

Cunanca ima punllacuna cashcata yachashcamantaca, ñamari dormicushcamanta jatarina canchij. Ñucanchijta quishpichina punllaca, cri punllapi cashcata yalli c'uchupimari.

Efesios 5:14

Chaimanta: “Dormicuj rijchari, huañushcacunapaj chaupimanta jatari. Cristomi cantaca achijyachinga” ninmi.