JONÁS 1:5 - Dios Rimashca Shimicunami

⁵ Chaimantami chai barcota purichijcunaca tucuicuna yallitaj mancharishpa, paicunapaj diosta caparishpa mañarcacuna. Shinallataj chai barco mama cuchapi ama huashicuchun nishpami, tucui imalla apacushcacunatapish yacuman shitarcacuna. Ashtahuanpish Jonasca chai barcopica, imalla huaquichina ucuman uriyashpami, huañuita dormicushca carca.

JONÁS 1:5 Iomraidhean Croise

1 REYES 18:26

Chaimi paicunaca Baalman cushca huagrata japishpa allichishpa altar jahuapi churashpa Baalpaj shutipi mañashpaca: “¡Baal ñucanchij mañashcata uyahuai!” nishpa, tutamantamanta chaupi punllacama mañarcacuna. Ashtahuanpish ima rimashca mana uyarircachu, pi imata mana cutichircachu. Paicuna rurashca altar muyundijtami caparishpa saltashpa puricurcallacuna.

JOB 2:4

Chashna nijpimi Satanasca, Mandaj Diostaca cashna nirca: –Runaca, carapuraca cambiangallatajmari. Mana huañusha nishpaca, tucui charishcahuanmi paipaj causaitaca quishpichisha ninman.

SALMOS 107:25

Pai rimashpaca jatun huairatami jatarichirca. Mama cuchataca caiman chaimanmi cuyuchirca.

SALMOS 148:8

Taita Dios mandashcata ruraj rayopish, rundupish alabaichigari. Rasupish p'uyupish, jatun huairandij tamyapish alabaichigari.

ECLESIASTÉS 3:6

Imata mashcangapajpish, imata chingachingapajpish, imata huaquichingapajpish, imata shitangapajpish punllami chayan.

ISAÍAS 45:20

¡Tandanacuichigari, shamuichigari! Llajtacunapi mana huañushpa saquirijcuna tucuicuna c'uchuyamuichij. Caspi dioscunata apashpa purijcuna, manapish dioscunata quishpichihuai nishpa rogajcunaca imata mana yachajcunami.

JEREMÍAS 2:28

Judá runacunalla, cancunaca cancunapaj cai tucui llajtapi tiyaj pueblocunapimari dioscunata rurashpa charinguichij. Cunan cancuna llaquipi cajpica ¿maitaj mana ricurinca? Paicuna quishpichi tucushpaca, quishpichinaman jatarichunri.

OSEAS 7:14

Camapi siricushpa, aij nishpa capariricushpapish ñucataca mana tucui shunguhuan mañarcacunachu. Trigota, vinota cuchun mañangapajllami tandanacurcacuna. Chashnami ñucataca p'iñachincuna.

JONÁS 1:14

Chaimantami chai runacunaca: “Mandaj Dioslla, cai runamantaca ama ñucanchijtapish huañuchihuaichu. Paipaj yahuarmantapish ama ñucanchijta juchachinguichu. Can Mandaj Dios imata rurasha nishcatami rurashcangui” nishpami, caparishpa mañarcacuna.

JONÁS 1:16

Chaimantami barcota purichijcunaca, Mandaj Diostaca achcata mancharcacuna. Chaimantami Mandaj Diosmanca animalcunata cushpa huañuchircacuna. Imata shujtajtapishmi paicunapaj shimihuantaj cuna tucurcacuna.

JONÁS 1:6

Chaita ricushpami, chai barcota purichijcunata mandajca paipajman rishpaca: –¿Ima nishpataj caipi dormicunguillari? Jatarishpa cambaj Diosta caparishpa mañai. Ima shinamanta ñucanchijta llaquishpa quishpichingapishchari– nirca.

Mateo 25:5

Novio mana utca shamujpica, dormi atijpimi tucuicuna dormircacuna.

Mateo 26:43

Cutin tigramushpapish, dormicujtami japirca. Paicunapaj ñahuicunaca yallitaj dorminaihuanmi carca.

Mateo 26:45

Chaimanta paipaj yachacujcunapajman c'uchuyashpaca: –¡Cancunaca dormicuichijlla, samaricuichijlla! Runa Aichayujta juchayujcunapaj maquipi entreganaca, ñami pajtashca.

Hechos 27:38

Ña mana nijta micushpaca, barco p'anguillayachun nishpami trigotaca mama cuchapi shitarcacuna.

JUECES 16:19

Dalilaca paipaj changapi Sansonta dormichishpa shuj runata cayashpami, Sansonpaj ajcha canchis ch'imbacunata p'itichirca. Sansonmantaca chai fuerza anchujpimi, Dalila llaquichi callarishpaca,

1 SAMUEL 24:3

Chaipica ñan c'uchullapi tiyaj ovejacunapaj corralman chayashpami, Saulca chai c'uchullapi tiyaj jutcupi mapangapaj yaicurca. Chai jutcu ucu c'uchumanca Davidpish, paihuan caj runacunapishmi tiyacurcacuna.