JONÁS 1:3 - Dios Rimashca Shimicunami

³ Shina nijpica Jonasca, Mandaj Diosmanta miticushpa Tarsis puebloman ringapajmi, barcota japingapaj Jope puebloman uriyarca. Chaiman chayashpaca, Tarsis puebloman ricuj barcopimi, paipaj pasajeta pagashpa yaicurca. Paica Mandaj Diospaj ñaupajmanta miticusha yuyashpami, Tarsis puebloman paicunahuan ricurca.

JONÁS 1:3 Iomraidhean Croise

GÉNESIS 3:8

Chai q'uipami Mandaj Taita Diostaca huairajlla punllapi huertapi puricujta uyarca. Chaimi Adanpish, paipaj huarmipish Mandaj Taita Diospi ama ricuringapaj chai huertallapitaj yuracuna chaupipi miticurcacuna.

GÉNESIS 4:16

Mandaj Diospaj ñaupajmanta Caín rishpaca, Edén llajtamanta inti llujshin ladoman caj Nod llajtapimi causagrirca.

1 REYES 19:3

Chaita uyashpami Eliasca jatarishcahuan paipaj causaita quishpichingapaj Judapi caj Beersebapi miticunaman rirca. Chaiman chayashpaca paipajta rurajtaca chaipimi saquirca.

1 REYES 19:9

Chaiman chayashpaca, shuj jutcuman yaicushpami, chai tutaca chaipi pacarirca. Chaipimi Mandaj Diosca: “¿Imatataj caipica ruracungui, Elías?” nirca.

2 CRÓNICAS 2:15

Cunanca can ñuca amitoca can cusha nishca trigotapish, cebadatapish, aceitetapish, vinotapish cambajta ruraj ñucanchijpaj cachapailla.

2 CRÓNICAS 2:16

Shinallataj ñucanchijca Líbano urcupica, can mashna mañashca caspicunata p'itishunllami. Chai caspicunataca balsacunapi churashpami, Jope pueblocama mama cuchapi huambuchishpa apamushun. Chaimantaca canllataj Jerusalenman ashtanguilla” nishpami, quillcashpa cachashca carca.

2 CRÓNICAS 9:21

Jatun mandaj Salomonca paipaj jatun barcocunahuanmi Hirampajta rurajcunataca, Tarsis llajtaman cachaj carca. Chai barcocunapimi Tarsismantaca cada quimsa huatapi shuj cutin curita, cullquita, marfilta, monocunata, pavo realcunatapish apashpa shamujcuna carca.

ESDRAS 3:7

Albañilcunaman, carpinterocunamanca cullquitami curcacuna. Líbano urcumanta cedro caspicunata mama cuchata Jopeman apamuchunca sidoniocunaman, tiriocunamanmi micunata, ubyanata, aceitetapish curcacuna. Chashna rurachunca Persia llajtata jatun mandaj Ciromi mandashca carca.

JOB 1:12

Shina nijpimi Mandaj Diosca, Satanastaca cashna nirca: –Riqui, pai imalla charishcacunaca cambaj maquipimi, ashtahuanpish paillata ama cambaj maquihuan tuparingui– nijpi Satanasca, Mandaj Diospaj ñaupajmanta llujshishpa rircallami.

JOB 2:7

Chashna nijpimi Satanasca, Mandaj Diospaj ñaupajmanta rishpaca, Jobtaca chaqui plantamantaca uma coronacama carachata churashpa chugrichirca.

SALMOS 107:23

Mama cuchapi barcopi caiman chaiman purijcunami, achca yacu jahuata c'atushpa randishpa, caiman chaiman purijcunami,

ISAÍAS 2:16

Tarsis pueblopaj tucui barcocunatapish, tucuimanta yalli achca valij sumaj barcocunatapish yanganchingapajmi shamunga.

ISAÍAS 23:1

Tiro pueblo imalla tucunata huillachishcami: Tarsis barcocuna huacaichigari. Tiro pueblotaca shuj huasillatapish mana saquishpamari chingachishca. Maiman yaicunapish mana tiyangacamami chingachishca. Quitim llajtamantami huillashca.

ISAÍAS 23:10

Tarsispi causajcuna cai pachapi tiyaj yacucuna shina callpashpa richij. Cunanca ña mana ashtahuan mandai tucunguichijchu.

ISAÍAS 23:6

Tarsis pueblopipish huillagrichij. Mama cucha uripi causajcuna caparishpa huacaichij.

ISAÍAS 60:9

Mama cucha c'uchupi caj llajtacunapish ñucapimi shunguta churangacuna. Tarsismanta barcocunaca cambaj huahuacunata carumanta apamungapajmi paicuna puntashca shamungacuna. Paicunapaj cullquindij, curindijmi apamungacuna. Canta jatunyachij, cambaj Mandaj Diosman israelcunapaj jucha illaj Diosman cungapajmi apamungacuna.

JEREMÍAS 10:9

Paicunapaj dioscunaca Tarsis pueblomanta tacashca cullquita apamushpa, Ufaz llajta curita apamushpa rurashcallami. Alli yachajman cushpami, yacuyachishpa diosta rurachincuna. Chaimantaca tucui laya churanacunata ahuanata yachaj runacuna ahuashca morado churanacunata, puca churanacunatami churachincuna. Tucui chaicunaca yachaj runacuna rurashcallami.

EZEQUIEL 2:8

Huañujlla aichayuj runalla, canca ashtahuanpish ñuca ima nishcata uyai, canpish ama chai mana cazujcuna shina caichu. Ñuca ima carashcataca, shimita pascashpa micuilla” nircami.

EZEQUIEL 27:12

Tarsis pueblomanta c'atujcunapish, randijcunapish can yallitaj charij cashcamantami, cullquihuan, fierrohuan, estañohuan, plomohuan cambaj c'atuna plazacunapi randinaman shamurcacuna.

EZEQUIEL 3:14

Diospaj Espiritumi ñucataca japishpa jatarichirca. Chaimantaca ñucaca huacashpami rircani. Ñucaca achcatami p'iñarircani. Chashna cajpipish Mandaj Diosca, paipaj maquihuanmi ñucataca sinchita charirashpa pusharca.

JONÁS 1:10

Shinallataj paica, Mandaj Diosmanta miticushpa ricushcatapishmi paicunamanca huillarca. Chaita huillajpica, chai runacunaca mana jahuallata mancharishpami: –¿Imamantataj chashnaca rurarcangui?– nircacuna.

JONÁS 4:2

Chashna p'iñarishpami, Mandaj Diostaca cashna mañarca: –Mandaj Dioslla, canca jatunta c'uyaj, llaquij, mana utca p'iñarij, alli shungu Diosmi cangui. Llaquichisha nishpa huillachishpapish, jarcarishpa saquinguillami. Ñuca llajtapi cashparajmi, canca chashna ña yacharcani. Chaimantami can mandajpica, miticushpa Tarsis puebloman ricurcani.

Lucas 9:62

Chaimi Jesusca: –Maijanpish huashaman ricushpaca, mana yapunchu. Chashnacunaca Taita Dios mandacujpica mana paipajta ruraj cai tucunchu– nirca.

Hechos 15:38

Sarunman huillashpa puricujpimi, Juan Marcosca paicuna maillata huillagrina cashcata manaraj tucuchishpa Panfilia llajtapi saquishpa tigramushca carca. Chaimi Pabloca paitaca mana pushasha nirca.

Hechos 26:19

Jatun mandaj Agripalla, jahua pachamanta ricurishpa mandashcataca cazunatajmi carcani.

Hechos 9:36

Jope pueblopipish Jesusta catij Tabita shuti shuj huarmimi causarca. (Tabita nishcaca griegopica, “Dorcas” nisha ninmi). Paica huajchacunata llaquishpa, imatapish cushpa, allicunata rurashpa causaj huarmimi carca.

Hechos 9:38

Pedro puricun Lida pueblopish, Jope pueblo c'uchullapimi carca. Chaimantami Jesusta caticujcunaca Lida pueblopi Pedro cajta yachashpaca Jopeman utca shamupai nichun ishqui runacunata cacharcacuna.

Hechos 9:42

Jope pueblopica tucuicuna chaita yachaj chayashpaca, achcacunami Mandaj Jesusta crircacuna.

Hechos 9:43

Pedroca, achca punllacunatami, Jope pueblopica carata ñutujllata ruraj Simonpaj huasipi saquirirca.

1 Corintios 9:16

Alli huillaita huillashpaca, imamanta mana jatun tucunachu cani. Ashtahuanpish huillanataj cashcamantami huillani. ¡Alli huillaita mana huillashpaca aij ñucalla!

2 Tesalonicenses 1:9

Paicunaca huiñaipaj tucuchij llaquipimi llaquita apangacuna. Mandaj Jesuspaj ñaupajmanta paipaj sumaj podermantapish canllaman shitashcami cangacuna.

JOSUÉ 19:46

Mejarcón, Racón pueblocunatami Jope pueblo ch'imbapurapi caj llajtandij japircacuna.