JONÁS 1:16 - Dios Rimashca Shimicunami

¹⁶ Chaimantami barcota purichijcunaca, Mandaj Diostaca achcata mancharcacuna. Chaimantami Mandaj Diosmanca animalcunata cushpa huañuchircacuna. Imata shujtajtapishmi paicunapaj shimihuantaj cuna tucurcacuna.

JONÁS 1:16 Iomraidhean Croise

GÉNESIS 28:20

Chaipimi Jacobca Mandaj Diosman cuna tucushpa cashna nirca: “Taita Dios ñucahuan rishpa, cunan ñuca maiman ricunpi tucuipi cuidashpa, micunatapish carashpa, churanatapish cushpa,

GÉNESIS 8:20

Chai q'uipaca Noeca, Mandaj Diospaj shuj altarta rurashpami, chuya animalcunataca alasyuj tucui chuya animalcunatapish, tucui caishuj chuya animalcunatapish Taita Diosman cushpa altar jahuapi tucuita rupachirca.

2 REYES 5:17

Chaimi Naamanca: –Shinashpaca cai llajtamanta allpata ishqui mulapi apachishpa aparingapaj cambajta rurajman cuhuai. Cambajta ruraj ñucaca cunanmantapacha shujtaj dioscunamanca mana ashtahuan sacrificiota cushpa tucui rupachishachu. Mandaj Diosllamanmi cusha.

JOB 37:24

Chai tucuita ricushpami, tucuicuna mancharingacuna. Quiquin shungullapi alli yachaj tucushcacunataca, mana c'uyanchu nircami.

SALMOS 107:22

Animalcunata huañuchishpa cushpa pagui nichigari. Pai imalla rurashcacunataca jatun cushicuihuan huillaichigari.

SALMOS 116:14

Cunanca Mandaj Diosman cushatajmi nishcacunataca cushami. Tucui paipaj cajcunapaj ñaupajpimi cusha.

SALMOS 50:14

Animalcunata huañuchishpa cuj shinaca Taita Diosta alabayari. Jahua pachamanta cajman cuna tucushcacunataca pajtachiyari.

ECLESIASTÉS 5:4

Imata ruranata Diosman ari nishpaca, ama uniyashpa pajtachingui. Paica mana pajtachij upa runacunataca mana ricunachinchu. Paipaj imata rurasha nishcataca pajtachinatajmi cangui.

ISAÍAS 26:9

Tutapish ñuca almahuanmi quiquintaca munani. Ñucapi caj espíritu ñucapi causashca camaca cada tutamantami quiquinta utca mashcasha. Cai pachapi quiquin cashcata rurashpa mandajpimi, cai pachapi causajcunaca cashcata ruranaca ima cashcata yachangacuna.

JEREMÍAS 5:22

Mandaj Diosca cashnami nin: Ñucataca manamari manchanguichijchu, manamari ñuca ñaupajpica chujchunguichijchu. Ñucamari mama cucha maicama canatapish churarcani. T'iyullatamari huiñaita yacu muyundijta tiyachun churarcani. Shina cajpipish, ñuca mandashcamantaca mana pasanchu. Jatun huairahuan yacu huajiashpa jatarishpapish, mana maitapish rinllachu. Mana chai t'iyumanta pasanchu.

DANIEL 6:26

Ñucatajmi cancunataca caita mandani: Ñuca mandacun tucui llajtacunapica tucuicuna Danielpaj Taita Diosta alli nishpa manchachuncuna, nishpami cashna nirca: Paica causaj Taita Diosmi. Huiñai huiñaita causajmi. Pai mandanaca manataj chingachishca cangachu. Pai mandanaca huiñaitami canga.

JONÁS 1:10

Shinallataj paica, Mandaj Diosmanta miticushpa ricushcatapishmi paicunamanca huillarca. Chaita huillajpica, chai runacunaca mana jahuallata mancharishpami: –¿Imamantataj chashnaca rurarcangui?– nircacuna.

JONÁS 1:14

Chaimantami chai runacunaca: “Mandaj Dioslla, cai runamantaca ama ñucanchijtapish huañuchihuaichu. Paipaj yahuarmantapish ama ñucanchijta juchachinguichu. Can Mandaj Dios imata rurasha nishcatami rurashcangui” nishpami, caparishpa mañarcacuna.

Marcos 4:31

Chaica mostaza muyuta tarpushca shinami. Mostazaca, cai pachapi tiyaj tucui muyucunamanta yalli uchijllami.

Hechos 5:11

Chashna tucushcata tucui uyajcunapajca tandanacushca crijcunapajpish, shujtajcunapajpish yallitaj manchaimi shamurca.

JUECES 13:16

Mandaj Diospaj angelca Manoataca: –Ñucaca micunata allichingacama shuyashpapish mana micushachu. Ashtahuanpish can cusha nishpaca chai aichataca Mandaj Diosman cushpa tucui rupachi– nircami. Chai runataca Mandaj Diospaj ángel cashcataca Manoaca mana yacharcachu.