JONÁS 1:15 - Dios Rimashca Shimicunami

¹⁵ Chai q'uipami Jonastaca, japishcahuan yacuman shitarcacuna. Paita shitajpimi, yacuca caiman chaiman manchanayajta cuyuricushpapish casijlla tucurca.

JONÁS 1:15 Iomraidhean Croise

2 SAMUEL 21:14

Saulpaj tullucunata, Saulpaj churi Jonatanpaj tullucunataca Benjaminpaj llajtapi caj Zelapi Saulpaj yaya Cista churashca jutcullapitaj churachirca. Jatun mandaj mandashca shinallatajmi tucuita rurarcacuna. Chashna rurajpimi, Taita Diosca paicunahuan p'iña cashcata saquishpa chai llajtapaj allicunata curca.

SALMOS 107:29

Paimi huairandij tamyatapish parachirca. Paimi caiman chaiman cuyuricuj yacutapish casijllata saquirca.

SALMOS 65:7

Mama cucha huajiacujtapish parachijmi cangui. Mama cucha yacu jatarishpa huajiacujtapish, casijllata rurajmi cangui. Llajtacuna bullanacucujtapish upallachijmi cangui.

SALMOS 89:9

Mama cucha p'iñarishpa huajiajpipish quiquinca mandai tucunguimi. Yacucuna t'imburishpa jatarijpipish, quiquinca casijlla cachun mandanguillami.

JONÁS 3:9

Taita Dios p'iñarishpa llaquichina cashpapish, manapishchari llaquichinga” nishpami mandarca.

Mateo 8:26

Chaimi Jesusca: –¿Ima nishpataj mancharinguichij? Cancunaca ashallata crijcunami canguichij– nishpa jatarishpaca, huairatapish, yacutapish casilla tucui nishpa sinchita rimajpica chashna tucurcallami.

Lucas 8:24

Chaimi yachacujcuna Jesuspajman c'uchuyashpaca: –¡Yachachij, Yachachij huañugrinchijmari!– nishpa rijchachircacuna. Pai rijcharishpaca, huairatapish, yacutapish casijlla tucuichij nishpa sinchita rimajpica, casijlla tucurcallami.