JONÁS 1:14 - Dios Rimashca Shimicunami

¹⁴ Chaimantami chai runacunaca: “Mandaj Dioslla, cai runamantaca ama ñucanchijtapish huañuchihuaichu. Paipaj yahuarmantapish ama ñucanchijta juchachinguichu. Can Mandaj Dios imata rurasha nishcatami rurashcangui” nishpami, caparishpa mañarcacuna.

JONÁS 1:14 Iomraidhean Croise

GÉNESIS 9:6

Maijanpish shuj runapaj yahuarta jichajtaca, paitapish shujtaj runami yahuarta jichanga. Runataca Taita Dios paiman rijchajta rurashcamanta pi mana yahuarta jichanallachu.

SALMOS 107:28

Llaquipi cashpami, Mandaj Diostaca c'uyaillajta mañancuna. Chaimi chai llaquicunamanta llujshichirca.

SALMOS 115:3

Ashtahuanpish ñucanchij Taita Diosca jahua pachapimari. Pai tucui imalla rurasha nishcatami rurashca.

SALMOS 135:6

Mandaj Diosca tucui pai rurasha nishcatami ruran. Jahua pachapipish, cai pachapipish, mama cuchapipish, yacu ucujman cajcunapipish pai rurasha nishcatami ruran.

ISAÍAS 26:16

Mandaj Dioslla, llaquihuan cashpami quiquinta mashcarcacuna. Quiquin llaquichijpimi yallitaj mañarcacuna.

JONÁS 1:13

Chashna nijpipish chai runacunaca barcotaca, allpaman llujshichishun yuyashpami purichishun nircacuna. Ashtahuanpish mama cucha yacuca ashtahuan ashtahuanmi cuyurirca. Chaimantami chai barcotaca, allpamanca mana llujshichi tucurcacuna.

JONÁS 1:16

Chaimantami barcota purichijcunaca, Mandaj Diostaca achcata mancharcacuna. Chaimantami Mandaj Diosmanca animalcunata cushpa huañuchircacuna. Imata shujtajtapishmi paicunapaj shimihuantaj cuna tucurcacuna.

JONÁS 1:5

Chaimantami chai barcota purichijcunaca tucuicuna yallitaj mancharishpa, paicunapaj diosta caparishpa mañarcacuna. Shinallataj chai barco mama cuchapi ama huashicuchun nishpami, tucui imalla apacushcacunatapish yacuman shitarcacuna. Ashtahuanpish Jonasca chai barcopica, imalla huaquichina ucuman uriyashpami, huañuita dormicushca carca.

JONÁS 3:8

Ashtahuanpish gentecunapish, animalcunapish cañamazuta churarishpa, sinchita Taita Diosta caparishpa mañanguichij. Tucuicunallataj ima laya millaita ruraj cashca cashpapish, chaita saquishpa cutirichij. Huañuchijcuna cashpapish, chaita saquinguichij.

Mateo 11:26

Ñuca Yayitu, canllatajmari chashna tucuchun munashcangui.

Hechos 28:4

Maquipi chashna huarcuricujta chaipi causajcuna ricushpaca: “Cai runaca huañuchijtajmi yuyachin. Yacumanta quishpirimujpipish ñucanchij diosca mana saquipajchu yuyachin” ninacurcacuna.

Efesios 1:11

Ñaupaman agllashca cashcamantami, Cristomantaca japina cashcata charircanchij. Tucui imatapish rurajca, pai munashpa yuyarishca shinallatajmi pajtachicun.

Efesios 1:9

Alli yuyarishca pi mana yachashca pai munashca shina rurasha nicushcataca ñucanchijmanmi ricuchirca. Chaitaca ñaupamanmi paillataj rurasha nishca carca.

DEUTERONOMIO 21:8

Mandaj Dioslla, can llujshichimushca cambaj israelcunataca perdonapailla. Manapish huañuipaj yahuarta jichashcataca cambaj israelcunataca ama juchachihuaichu nichun. Chaimi chai yahuarmantaca perdonashca canga.