JOEL 3:7 - Dios Rimashca Shimicunami

⁷ Paicunata maiman c'atushpa cachashca cajpipish, tigrachimushami. Ashtahuanpish cancuna millaita rurashcamantaca, ñallami japina cashcata cugrini.

JOEL 3:7 Iomraidhean Croise

ESTER 7:10

Chashna mandajpimi Amantaca, Mardoqueota sipichingapaj pai shayachishca caspillapitaj sipircacuna. Chashna rurachishpami jatun mandajca, yallitaj p'iñarishcamanta alli tucurca.

ISAÍAS 11:12

Tucui llajtacuna ricunapajmi banderata shayachinga. Prezu apashca israelcunatami tandachinga. Caita chaita urata janajta rishca judiocunatami cai pacha chuscundij ladomanta tandachinga.

ISAÍAS 49:12

Riqui, caicunaca carumantami shamungacuna. Shujcunaca janaj ladomanta, chaishujcunaca inti huashicuna ladomantami shamungacuna. Shujtajcunaca Sinim llajtamantami shamungacuna.

ISAÍAS 66:6

¡Jerusalenpica, caparishcacunami uyaricun. Diospaj huasipica bullashcamari uyaricun. Mandaj Dios paita p'iñajcunata paicuna ima shinalla rurashca shinataj llaquichicushcami uyaricun!

JEREMÍAS 23:8

Ashtahuanpish ñuca tigrachimujpi, quiquin llajtapi causacushpami: Israelcunapaj huahuacunataca janaj llajtamantapish, pai maillaman shitashca tucui shujtaj llajtacunamantapish tigrachimuj, causaj Mandaj Diosca ricucunmi ninguichij” ninmi.

JEREMÍAS 30:10

Mandaj Diosca cashnapishmi nin: “Ñucata servij Jacobpaj huahuacunalla, ama manchaichijchu. Can israelcunaca ama mancharichijchu. Ñucamari cancunataca huahuacunandij prezu causacun chai caru llajtamanta llujshichisha. Jacobpaj huahuacuna, cancunaca cai llajtaman tigrashpami samaringuichij. Pi mana manchachishca, ima llaquitapish mana yuyarishpami causanguichij.

JEREMÍAS 30:16

Canta p'iñashpa tucuchijcunataca tucuicunallatatajmi tucuchingacuna. Tucui paicunami prezu ringacuna. Canta sarujcunaca sarushcallatajmi cangacuna. Tucui can charishcata quichujcunataca paicuna charishcatapish, shujtajcuna quichuchun cushami.

JEREMÍAS 31:8

Ñucami paicunataca janaj llajtamanta tigrachimusha, tucui cai pacha llajtacunamantami tandachimusha. Ñahui mana ricujcunatapish, patojocunatapish, chichu huarmicunatapish, llullu huahuayujcunatapish tucuicunatamari tandallata caiman tigrachimunga.

JEREMÍAS 32:37

Shina cajpipish ñucaca yallitaj p'iñarishpa, manataj ashtahuan charisha nishpa llujshichishpa cachashcacunataca, tucui cai pachamantami cutin tandachimusha. Chashna tandachimushpa, cutin caipi causachun churashatajmi.

EZEQUIEL 36:24

Cancunataca shujtaj llajtacunamanta tandachishpami, quiquin llajtallamantaj pushamusha.

EZEQUIEL 38:8

Achca punllacuna huashami llaquichishca cana cangui. Uni huatacunapimi espadamanta quishpichishca llajtamanca shamungui. Achca llajtacunahuan tandanacushpami, Israel llajta urcumanca shamungui. Chaipi causajcunaca llaquichishcallami causajcuna carca. Chashna cashpapish shujtaj llajtacunapi causacushcamantami, llujshichishca carcacuna. Chaimantami paicunaca imata mana manchashpa causangacuna.

JOEL 3:4

Tiro pueblolla, Sidón pueblolla, Filistea llajtalla, ñucaca cancunataca ¿imatataj rurashcaniyari? ¿Ñucatachu llaquichisha yuyanguichij imamí? Chashna yuyashcamantaca, ñallami cancuna japina cashcataca cugrini.

ZACARÍAS 9:13

Judá llajtapi causajcunataca, arcota shinami ñucapajca allichircani. Efrainpaj huahua huahuacunataca, chai arcopi churashpa shitana puntajlla caspitami rurarcani. Siónpi causajcunalla, cancunataca espadatami rurarcani. Cancunapaj churicunataca, Grecia llajtapi causajcunahuan c'ari c'ari macanacujcunatami rurarcani” ninmi.

Mateo 7:2

Ima shinami shujtajta juchachingui, chashnallatajmi juchachishca cangui. Imahuanmi shujtajta medingui, chai shinallatajmi medishca cangui.

2 Tesalonicenses 1:6

Cancunata llaquichijcunataca, cashcata ricuchishpami Taita Diosca llaquichinga.

Santiago 2:13

Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.

Apocalipsis 13:10

“Maijanpish prezu apashca cana cajca, prezu apashcami canga. Maijanpish espadahuan huañuna cajca, espadahuan huañuchishcami canga”. Chaimantami jucha illajcunaca, mana p'iñarij alli shungu, crij caticunalla.

Apocalipsis 16:6

Chai llaquita apajcunaca jucha illajcunatapish, cambaj profetacunatapish yahuarta jichashpami huañuchircacuna. Chaimantami canpish paicuna chasquina cashca shinallataj yahuarta ubyachishcangui” nircami.

Apocalipsis 19:2

Paica, imatapish ima shina cashcatataj ricuchishpa llaquichijmi. Chashna cashpami huainayashpalla causaj huarmi paipaj huainayanahuan allpa pachapi causajcunata yallitaj millaita rurachishcamantaca ña llaquichishca. Diospajta rurajcunata paipaj maquihuan huañuchishcamantami paitapish tigra llaquichirca” nircacunami.

JUECES 1:7

Adoni-bezecca cashnami nirca: “Ñaupaca ñucamari canchis chunga jatun mandajcunata paicunapaj maquicunamantapish, chaquicunamantapish mama dedocunata p'itichircani. Paicunaca ñuca micucushpa urmachishcallatami meza ucumanta japishpa micujcuna carca. Ñuca imashinami paicunata llaquichircani, chai shinallatajmari ñucatapish Diosca llaquichin” nircami. Chai q'uipaca paitaca Jerusalenman apajpimi chaipi huañurca.

1 SAMUEL 15:33

Samuelca Agagtaca: –Ima shinami canpish cambaj espadahuan mamacunataca huahuacuna illajta saquircangui. Chai shinallatajmi cambaj mamapish huarmicunapurapica huahua illajlla saquiringa– nishcahuanmi, Samuelca Gilgalpi Mandaj Diospaj ñaupajpi Agagtaca, mirga mirgapi p'itirca.