JOEL 3:5 - Dios Rimashca Shimicunami

⁵ Cancunaca ñuca cullquitapish, ñuca curitapish, ima shujtaj sumaj charinacunatapish quichushpami, cancunapaj rurashcalla dioscunapaj huasicunaman aparcanguichij.

JOEL 3:5 Iomraidhean Croise

2 REYES 12:18

Chaimi Judá llajtata jatun mandaj Joasca, Mandaj Diospaj huasipi Diospajta ruranapaj churashca charinacunata llujshichirca. Chaicunataca Josafat, Joram, Ocozías paipaj ñaupa yaya jatun mandajcuna Judá llajtata mandacushpa chaipi churashcacuna, paillatajpish chaipi churashcacunami carca. Shinallataj Diospaj huasipi, mandana huasipi huaquichishca tiyacuj curitapishmi llujshichirca. Chai tucuita tandachishpa, Siria llajtata jatun mandaj Hazaelman cuchun cachajpimi, chaita japishpa Hazaelca, Jerusalenmanta anchurirca.

2 REYES 16:8

Acazca Mandaj Diospaj huasipi tiyaj cullquita, curita, mandana huasipi tiyaj achca valijcunatapish japishpami, Asiria llajtata jatun mandajman cuchun cacharca.

2 REYES 24:13

Chai q'uipaca Mandaj Diospaj huasimantapish, mandashpa tiyana huasimantapish tucui imalla tiyashca achca valijcunatami llujshichirca. Israelcunata jatun mandaj Salomón Mandaj Diospaj huasipaj curimanta tucui imalla rurachishcacunatapish tucuitami p'aquirca. Mandaj Dios nishca shinallatajmi pajtarca.

ISAÍAS 11:11

Chai punllacunapica cashnami tucunga: Mandaj Diosca mana huañushpa puchushcacunata prezu apashcacunata tigrachimungapajmi cutinllataj paipaj maquita alzanga. Paicunataca: Asiria, Egipto, Patros, Etiopía, Elam, Sinar, Hamat, mama cucha uripi caj llajtacunamantami tigrachimunga.

JEREMÍAS 23:7

Mandaj Diosca cashnapishmi nin: “Shamuj punllacunapica imapajpish ña mana: Egipto llajtamanta israelcunata llujshichimuj, causaj Mandaj Diosca ricucunmi ninguichijchu.

JEREMÍAS 50:28

Babilonia llajtamanta quishpirishpa shamujcuna huillacujtamari uyani. Ñucanchijta Mandaj Diosmari Babilonia llajtapi causajcunataca, paipaj huasita urmachishcamanta llaquichishca nishpami huillacuncuna.

JEREMÍAS 51:11

Mandaj Diosca Babilonia llajtataca, paipaj huasita urmachishcamantamari, jatunta llaquichisha nishca. Chaimantamari Media llajtata jatun mandajcunataca, Babiloniata llaquichina yuyaita cushca. Media soldadocunalla, puntajlla caspicunata alli p'ichaichigari, escudocunatapish rigrapi aparichigari.

EZEQUIEL 37:12

Paicunamanca cashna huillai: Mandaj Jatun Diosca cashnami nin: Ñuca agllashca israelcunalla, cancunataca pambashca jutcucunamanta llujshichishpami, israelcunapaj llajtaman pushamusha.

DANIEL 11:38

Taita Diosta adoranapaj randica, macanacuipi ayudaj nishca diostami adoranga. Chaica paipaj yayacuna mana rijsishca diosmi canga. Paica curita, cullquita, sumaj rumicunata, achca valij sumaj charinacunata chai diosman cushpami adoranga.

ABDÍAS 1:17

Ashtahuanpish Sión urcupica, saquirishcacunami quishpiringacuna. Chai urcuca, Diospajlla ch'icanyachishcami canga. Jacobpaj huahua huahuacunaca, paicunapaj quiquin allpacunallatatajmi japingacuna.