JOEL 3:4 - Dios Rimashca Shimicunami

⁴ Tiro pueblolla, Sidón pueblolla, Filistea llajtalla, ñucaca cancunataca ¿imatataj rurashcaniyari? ¿Ñucatachu llaquichisha yuyanguichij imamí? Chashna yuyashcamantaca, ñallami cancuna japina cashcataca cugrini.

JOEL 3:4 Iomraidhean Croise

2 CRÓNICAS 21:16

Mandaj Diosca chashna huillachishca q'uipami filisteocunapipish, Etiopía llajtapi causajcunahuan caj arabecunapipish Joramta p'iñana yuyaita churarca.

ISAÍAS 14:29

Filisteapi tucui causajcuna cancunata llaquichicuj vara p'aquirishcamantaca, ama cushicuichijchu. Culebrapaj sapimanta retoñoca víbora culebrami llujshinga. Víbora culebramantacarin, alasyuj culebrami llujshinga.

ISAÍAS 34:8

Sión urcupi causajcunata llaquichishcamantaca Mandaj Diosca paicunatapish llaquichina punllapimi llaquichinga. Mandaj Diosca paicunatapish tigra llaquichina huata chayamujpimi llaquichinga.

ISAÍAS 59:18

Chashnami paita p'iñajcunataca paicuna ima shinalla rurashca shinallataj llaquichingapaj jatunta p'iñarishca canga. Chashnami paita p'iñajcunamanca paicuna japina cashca shinallataj cunga. Mama cucha c'uchupi causajcunamanpish paicuna japina cashca shinallatajmi cunga.

JEREMÍAS 47:1

Gaza pueblopi causaj filisteocunata faraón manaraj llaquichijpimi, Mandaj Diosca pai ima nishcata huillaj Jeremiastaca, filisteocunata llaquichinata cashna huillachirca:

JEREMÍAS 47:4

Filisteocunata tucuchina punlla chayamungami, paicunata ayudacuj Tiro shuti, Sidón shuti pueblocunapish tucuringami” ninmi. Mama cucha chaupipi caj Caftor llajtamanta chaupirishpa shamushca filisteocunataca, Mandaj Diosmari tucuchinga.

JEREMÍAS 51:6

Babiloniamanta llujshishpa callpaichigari. Cancunapaj causaillatapish quishpichichigari. Chai llajta runacuna millaita rurashcamantami, Mandaj Diosca llaquichigrin. Paicunata llaquichina punllamari chayamushca. Paicunaman cuna cashcatamari cugrin.

JOEL 2:10

Paicunata ricushpaca cai pachapish, jahua pachapish chujchungami, intipish, lunapish amsayangami, luzerocunapish ña mana achijyachingachu.

JOEL 2:2

Chai punllaca, manchanana amsa tutami tucunga. Chai punllaca, p'uyu llandu punllami tucunga. Tutamanta utcata urcu jahuacunapi inti shitashpa achijyachicuj shinami, c'ari c'ari achca runacuna shamunga. Paicuna shinaca pi mana tiyarcachu. Paicuna shamushca q'uipapish, q'uipa huahua huahuacuna causai huatacunapica pi mana paicuna shina tiyangachu.

Mateo 11:21

“Aij Corazinpi causajcunalla, aij Betsaidapi causajcunalla. ¡Imachari tucunguichij! Cancunapajpi rurashca shina milagrocunata Tiropi, Sidonpi rurashca cajpica, paicunarajchari mana allita ruracushcata saquishcata ricuchingapaj cañamazuta churarishpa, ushpata shitarinman carcacuna.

Mateo 11:22

Chaimantami cancunaman huillani: Imalla rurashcata Taita Dios ricuchi punllapica, cancunataca Tiropi, Sidonpi causajcunata yallimi jatunta llaquichinga.

Lucas 10:13

Aij Corazinpi causajcunalla, aij Betsaidapi causajcunalla. ¡Imachari tucunguichij! Cancunapajpi rurashca shina milagrocunata Tiropi, Sidonpi rurashca cajpica, paicunarajchari Taita Diosman cutirishcata ricuchingapaj cañamazuta churarishpa, ushpapi tiyarinman carca.

Lucas 10:14

Imalla rurashcata Taita Dios ricuchi punllapica, cancunataca Tiropi, Sidonpi causajcunata yallimi jatunta llaquichinga.

Lucas 18:7

Taita Dioscarin tutapish punllapish pai agllashcacuna caparijpica, ¿manachu imatapish mana uniyashpalla paicuna mañashcata cutichinga?

Hechos 9:4

Chaipi Saulo pambaman urmashpaca: –Saulo, Saulo, ¿ima nishpataj ñucataca p'iñashpa llaquichina yuyailla llaquichicungui?– nijta uyashpami,

DEUTERONOMIO 32:35

Chai tucuimantaca ñucami paicunatapish llaquichisha. Paicuna rurashca shinallatajmi cusha. Paicunapaj llaqui punllaca ñallami chayamugrin. Paicunaman cunataca allichishcatami charicuni.

2 Tesalonicenses 1:6

Cancunata llaquichijcunataca, cashcata ricuchishpami Taita Diosca llaquichinga.

JUECES 11:12

Jefteca amonitacunata jatun mandajmanca: Ñuca llajtapi causajcunata p'iñashpa macanacunaman shamungapajca, canca ñucahuanca ¿imatataj charingui? nichunmi huillajcunata cacharca.