JOEL 3:3 - Dios Rimashca Shimicunami

³ Israelcunataca suerteta rurashpami, caishuj chaishuj chaupinacurcacuna. Paicunapaj churicunataca, shuj huainayaj huarmipimi c'aturcacuna. Ushushicunataca vino vasopimi c'aturcacuna, chaitami ubyarcacuna.

JOEL 3:3 Iomraidhean Croise

JOB 6:27

Cancunaca yaya mama illajtaca p'iñanguichijmi. Cancunapaj alli rijsishcapajmari, pambana jutcuta allashcanguichij.

EZEQUIEL 27:13

Javán shuti, Tubal shuti, Mesec shuti pueblocunamanta c'atujcunapish randijcunapish, can imalla charishcacunatami cambaj c'atuna plazacunapica runacunahuan, broncemanta rurashca charinacunahuan randinaman shamurcacuna.

JOEL 1:5

Machajcunalla, rijcharishpa huacaichigari. Llullu vinota rurashpa ubyajcunalla, tucuicuna caparirishpa huacaichigari. Cancuna ubyana vinotaca quichugrinmari.

AMÓS 2:6

Mandaj Diosca cashnapishmi nirca: “Israelcunaca cutin cutin millaita ruracujllapica, paicunata llaquichinataca manataj saquishachu. Paicunaca cashcata rurajtaca, cullquipimi c'aturcacuna. Shinallataj imata mana charijtaca, ishqui pargatepimi c'aturcacuna.

ABDÍAS 1:11

Cambaj huauquita p'iñajcuna, paipaj soldadocunata can ricucunpi prezu apacujpipish, Jerusalén pueblo pungucunata p'aquishpa yaicucujpipish, suerteta rurashpa imalla tiyajta chaupinacucujpipish, mana imata nishpa upalla saquircanguillami. Ashtahuanpish chai llaquichijcunapurami tucurcangui.

NAHUM 3:10

Chashna cajpipish, paitaca prezumi aparcacuna. Paipaj huahuacunatapish, ñan esquinacunapi japishpami patapi huajtarcacuna. C'aricunatapish, suerteta rurashpami aparcacuna. Jatun nishcacunatapish, cadenacunahuan huatashpami prezu aparcacuna.

Apocalipsis 18:13

Shinallataj canelapish, tucui laya mishquiman ashnacujcunapish, inciensopish, mirrapish, olibanopish, vinopish, aceitepish, trigo cutapish, trigopishmi carca. Shinallataj jatun animalcunapish, ovejacunapish, caballocunapish, carretacunapish, c'atungapaj randishpa apashca gentecunapishmi carca.