JOEL 3:19 - Dios Rimashca Shimicunami

¹⁹ Egiptoca tucuimi chingaringa. Edomca shitashca llaquinayaj pambami saquiringa. Paicunallataj Judá llajtapi causajcunata ima juchachina illajlla cashca jahua, huañuchishpa yahuarta jichashcamantami chashna tucungacuna.

JOEL 3:19 Iomraidhean Croise

SALMOS 137:7

Mandaj Dioslla, Jerusalenta urmachicui punlla edomitacuna imata nishcata yuyariyari. Urmachichij, urmachichij, callari rumicunacama urmachichij nircacunami.

ISAÍAS 11:14

Ashtahuanpish ishquindij tucushpami, inti huashicun ladopi caj filisteocunataca llaquichinga. Inti llujshin ladopi causajcunatapish imalla charishcacunata quichungacunami. Edomcunapish, Moabcunapish paicunapajtami rurangacuna. Amonitacunapish paicunatami cazungacuna.

ISAÍAS 11:15

Mandaj Diosca, Egiptopi caj mama cucha asha llujshirishca yacutapish chaquichingami. Paipaj maquita chutashpa paipaj tucuita rurai tucuj cashcahuan p'ucushpami, Egiptopi caj yacutaca canchispi chaupirishpa ricujta ruranga. Chaitami israelcunataca, pargatecunata churashcallatataj ch'imbachinga.

JEREMÍAS 49:17

“Edom llajtaca mancharina jatun llaquita rurashcami saquiringa. Ñanta pasacujcunapish chashna shitashca saquirishcata ricushpaca mancharingacunami, chanzata rurashpa asingacunapishmi.

JEREMÍAS 51:35

Ñucata chashna llaquichishcamantaca, jatunta llaquichishcataj cachun. Ñucanchij familiacunapaj yahuarmantaca, caldeocunaca llaquita apachuntaj” ningacunami. Sión urcupi caj Jerusalenpi causajcunami chashnaca ningacuna.

LAMENTACIONES 4:21

Uz llajtapi causaj Edom runacunalla, cunanca cushicushpa asicuichijlla. Q'uipa punllaca, cancunapajpish copamanta ubyanaca chayangami. Cancunapish machashpa shungu tigranguichijmi.

ABDÍAS 1:1

Muscuipi shina Abdías ricushcata quillcashcami. Mandaj Jatun Diosca, Edom llajtapi causajcunamantaca cashnami nirca: Mandaj Dios huillashcataca uyashcanchijmi. Paica shuj huillajtamari tucui llajtacunapi causajcunaman huillanaman cacharca. Chai huillajca cashnami nirca: Edom llajtapi causajcunahuan macanacungapaj jatarichigari, jatarishunchigari.

HABACUC 2:17

Libanota llaquichishca llaquicunallatajmi cantapish japinga. Sacha animalcunami cantaca manchachinga. Canllataj runacunata huañuchishcamanta, allpata shuhuashcamanta, pueblocunapi causajcunapajta shuhuashpa apashcamantami cai llaquicunaca cantapish japinga.

ZACARÍAS 10:10

Paicunataca ñucami Egipto llajtamantaca pushamusha, Asiria llajtamantapish tandachimushami. Chaimantaca Galaad llajtamanpish, Líbano urcumanpishmi pushamusha. Achcacuna cashcamantami, chai llajtacunapish causanapajca mana pajtanga.

2 Tesalonicenses 1:6

Cancunata llaquichijcunataca, cashcata ricuchishpami Taita Diosca llaquichinga.