JOEL 3:17 - Dios Rimashca Shimicunami

¹⁷ “Chashna rurajpimi, cancunata Mandaj Taita Diostaj cashcataca rijsinguichij. Ñucapajlla Sión urcupi causacushcatami ricunguichij, Jerusalenpish ñucapajllami tucunga. Shujtajcunaca ña mana ashtahuan chaita puringacunachu.

JOEL 3:17 Iomraidhean Croise

JOB 15:19

Cai llajtataca chai ñaupa yayacunamanmi cushca carca. Paicuna causacun llajtataca shujtajcunaca, mana pasai tucurcacunachu.

SALMOS 76:2

Paipaj carpa huasica, Salempimari. Pai causana huasica Sionpimari.

SALMOS 9:11

Sionpi causaj Mandaj Diosta cantaichij. Pai imalla rurashcataca shujtajcunamanpish huillaichij.

ÉXODO 16:12

–Israelcuna ñucata juchachishpa rimacujtami uyani. Cunanca paicunamanca: Chishicunaca aichatami micunguichij. Tutamantacunaca mana nijtami cancunaca tandata micunguichij. Chaimi cancunaca ñucataca, Mandaj Dios cancunapaj Dios cashcata yachanguichij ninmi ni– nircami.

ISAÍAS 11:9

Chai punllapica ñucapajlla urcupica, ima millaita mana rurangachu. Imata mana llaquichingachu. Mama cucha yacuhuan junda caj shinami tucui cai pachaca Mandaj Diosta rijsishcahuan junda canga.

ISAÍAS 12:6

Siónpi causajcuna, cushicuichigari, cantaichigari. Israelcunapaj jucha illaj Diosca cambaj chaupipica jatunmari” ninguichijmi.

ISAÍAS 35:8

Chaipica rumicunahuan allichishca ñanmi tiyanga. Chai ñanca: “Jucha illaj Ñan” nishcami canga. Mapacunaca chai ñantaca mana puringacunachu. Ashtahuanpish Taita Diostajmi paicunahuan canga. Maijanpish chai ñanpi puricujca imata mana jahualla yachai tucuipaj cashpapish mana pandaringachu.

ISAÍAS 4:3

Sionpi puchurishcacunapish, Jerusalenpi causaihuan saquirishcacunapish, jucha illajmi nishcacunami canga. Tucui Jerusalenpi causaiyujcunapaj shuticunata quillcashcacuna,

ISAÍAS 46:13

Cashcata rurashpa ñuca quishpichinaca ñami c'uchuyamugrin. Ñuca quishpichinaca mana uniyangachu. Sionpimi quishpirinataca churagrini. Ñuca jatun cashcataca Israelpimi churagrini.

ISAÍAS 52:1

¡Rijchariyari, rijchariyari Sión. Imatapish rurai tucuj canata churariyari! ¡Cambaj sumaj churanata churariyari, Diospajlla caj Jerusalén pueblo! Circuncisionta mana rurashca mapacunaca cambajmanca ña manataj shamungachu.

ISAÍAS 56:7

ñucaca ñucapajlla urcumanmi pushasha. Ñucata mañana huasipimi samachisha. Paicunapaj cushpa tucui rupachishcacunatapish, paicunapaj animalcunata cushcacunatapish, ñuca altar jahuapi rupachichun chasquishcami canga. Ñuca huasica tucui llajtacunamanta tandanacushpa Diosta mañana huasimi canga” ninmi.

JEREMÍAS 31:23

Tucuita Mandaj, israelcunapaj Diostajmi cashna nin: “Prezu apashcacunataca ñuca tigrachimujpi, cai Judá llajta quiquin pueblocunapi cashpaca: Cashcata ruraj causana pueblolla, Diospajlla ch'icanchishca urculla, cantaca Mandaj Dios bendiciashca cachun ningacunami.

JEREMÍAS 31:40

Shinallataj huañushca aichacunata pambana, ushpata shitana pugru pambapish, chai tucui lado pambapish cedrón shuti huaicucama, inti llujshin ladoman caj caballocuna yaicuna pungucamami ñuca, Mandaj Diospajlla ch'icanchishca pueblo tucunga. Chaimanta cai pueblopi causajcunaca, ña mana llujshichishpa cachashca cangacunachu, cutinca mana urmachishca cangachu” ninmi.

EZEQUIEL 20:40

Mandaj Jatun Diostajmi cashna nini: Israel llajtapi tiyaj ñucapajlla jatun urcupimi tucui israelcuna ñucataca servingacuna. Paicunataca chaipimi ñucapajlla cachun chasquisha. Chaipimi ñucaman imalla cuna cashcata cuchunpish, punta p'ucushca granocunata cuchunpish, ñucapajlla ch'icanchishcata cuchunpish mañasha.

EZEQUIEL 37:6

Shinallataj cancunapica angucunata churashpa, aichata jundachishpami, jahuataca carahuan tapachisha. Chai q'uipami espirituta cancunapi churasha. Chashna rurajpimi, cutin causaita charinguichij. Chaita ricushpami ñucataca, Mandaj Diostaj cashcataca yachanguichij ninmi ni” nircami.

EZEQUIEL 43:12

Cai huasita ruranata mandashcapica cashnami nin: Jatun urcu punta allpaca, tucui muyundijtami Diospajlla canga ninmi cai mandashcapica.

EZEQUIEL 44:9

Mandaj Jatun Diosca cashnapishmi nin: Israelcunapurapi causacuj shujtaj llajta runacunaca shungumantapish millai yuyaita mana anchuchishca. Paicuna charishca aicha mirga caratapish mana p'itichishca cashpaca, ñuca huasimanca manataj yaicui tucungacunachu.

EZEQUIEL 48:35

Chai pueblo muyundijta medijpica, 36 kilómetro, 700 metromi carca. Chai punllamantapachami chai puebloca: Mandaj Diosmi chaipi nishca shutihuan saquiringa nircami.

DANIEL 11:45

Pai mandashpa tiyana huasitaca mama cuchahuan, Diospajlla jucha illaj sumaj urcuhuan chaupipimi shayachinga. Ashtahuanpish pai tucurinaca chaipimi canga. Paita ayudajca pi mana tiyangachu.

DANIEL 9:16

Jatun Dios, quiquinca ima shina cashcatataj ricushpa rurajmi cangui. Cunanca quiquinpaj Jerusalén pueblotapish, quiquinpaj jucha illaj urcutapish quiquin yallitaj p'iñarishpa mana ricunachicushcataca cungaripaiyari. Ñucanchij juchacunamanta, ñucanchij yayacuna mana allita rurashcamantami Jerusalén pueblopish, quiquinpaj agllashcacunapish ñucanchij muyundijpi causaj tucuicuna c'amishca causanchij.

JOEL 2:27

Chaipimi can israelcunaca cancunahuan ñuca cashcata yachanguichij. Ñucaca cancunata Mandaj Taita Diosmi cani, pi shujtajca mana tiyanchu. Ñuca agllashcacunaca cunanmantapacha ña mana cutin pingachishca cangacunachu.

JOEL 3:21

Yahuarlla cajcunata manaraj p'ichashcataca, ñucami p'ichasha. Mandaj Dios ñucami Sión urcupi causasha” ninmi.

MIQUEAS 4:7

Chashnami patojoca, ñucapajlla saquiringa. Chingarishcacunata tandachishpami, jatun llajtata rurasha. Chai punllamantapacha Mandaj Diosmi paicunataca, Sión urcupi huiñaita mandacungalla.

NAHUM 1:15

Riqui, sumaj causaimanta alli huillaita huillajmari jahua urcucunata purishpa shamucun. Judá llajtalla, canca fiestacunata rurayari, can imallata Diosman cusha nishcata pajtachiyari. Chai millai runaca, ña mana ashtahuan cantaca llaquichingachu, paica ñami tucui chingarirca.

ZACARÍAS 8:3

Mandaj Diosca cashnapishmi nin: “Sionman tigrashpaca, Jerusalén chaupipimi causasha. Jerusalenca: Imata mana llullaj Pueblo shutimi canga. Tucuita Mandaj Diospajlla Sión urcuca: Jucha illaj Urcu shutimi canga” ninmi.

Apocalipsis 21:27

Chaimanca ima mapa, millanayajta rurajcunapish, llullacunapish manataj yaicungacunachu. Ashtahuanpish causanaman rinata ricuchij Ovejapaj libropi shutita quillcashcacunallami chaimanca yaicungacuna.