JOEL 3:15 - Dios Rimashca Shimicunami

¹⁵ Chai punllapica intipish, lunapish amsayangami, luzerocunapish ña mana achijyachingachu.

JOEL 3:15 Iomraidhean Croise

ECLESIASTÉS 12:2

Chaimantami cunan intipish, lunapish, luzerocunapish manaraj amsayajpi tamyashca q'uipapish p'uyu achijlla cajpiraj, Diosta yuyarina cangui.

ISAÍAS 13:10

Chashna llaqui cajpica jahua pacha uchilla luzerocunapish, uchilla luzerocunamanta achijyachicuj jatun luzerocunapish mana achijyachingachu. Intipish pacarijpi llujshicushca manaraj unipimi amsayanga. Lunapish lamyachina illajllami canga.

EZEQUIEL 32:7

Canta chingachishpaca, jahua pachatapishmi tapasha. Jahua pachapi tiyaj luzerocunatapish amsayachishami, intitapish p'uyuhuanmi tapachisha, lunapish ña mana ashtahuan achijyachingachu.

JOEL 2:10

Paicunata ricushpaca cai pachapish, jahua pachapish chujchungami, intipish, lunapish amsayangami, luzerocunapish ña mana achijyachingachu.

JOEL 2:31

Mandaj Dios agllashca jatun mancharina punlla manaraj chayamujpica, intica amsayanga, lunapish yahuarmi tucunga.

Mateo 24:29

Chai jatun llaqui punllacuna ña tucurijpica, intica amsayangami, lunapish mana achijyachingachu. Luzerocunapish jahua pachamanta urmangacunami, jahua pachapi jatun mana cuyuripajcunapish cuyuringami.

Marcos 13:24

Chai jatun llaqui punllacuna ña tucurijpica intica amsayangami, lunapish mana achijyachingachu.

Apocalipsis 8:12

Quimsapaj q'uipa ángel trompetapi tocajpica, quimsapi chaupishca shuj parte inti, quimsapi chaupishca shuj parte luna, quimsapi chaupishca shuj parte luzerocunatapishmi p'aquirca. Chaimantami tucui chaicunaca quimsapi chaupishca shuj parteca achijyachij illaj saquirirca. Chaimantami quimsapi chaupishca shuj parte punllapish, tutapish achijyachij illaj carca.