JOEL 3:14 - Dios Rimashca Shimicunami

¹⁴ Rurashcata ricuchina pambapica, achcacunami tandanacushca. Mandaj Diosmi paicuna imalla rurashcata ricuchina pambapi ricuchinga. Chai punllaca ñami quichquiyamucun.

JOEL 3:14 Iomraidhean Croise

SALMOS 37:13

Jatun Diosca, millaita rurajtaca asingami. Millaita rurajpaj punlla ña chayamucushcamantami asinga.

ISAÍAS 13:4

Achcacuna urcupi bullacujmi uyarin. Achca gentecuna caparinacushcami uyarin. Llajtacuna yallitaj bullashcami uyarin. Tandanacushca llajtacuna caparinacushcami uyarin. Macanacunapaj caj soldadocunataca tucuita Mandaj Diosmi yupashpa ricucun.

ISAÍAS 22:1

Muscuipi shina ricuna pugru pamba imalla tucunata huillachishcami: Cunanca ¿ima tucushpataj tucui cancunaca huasi jahuacunaman huichiyarcanguichij?

JOEL 1:15

¡Aij, Mandaj Dios shamuna punllaca ñamari pajtamucun! Tucuita Rurai Tucuj Mandaj Dios jatunta llaquichina punllaca ñamari chayamucun.

JOEL 2:1

Sión urcupica, trompetapi tocaichigari. Ñucapajlla urcupica, caparichigari. Cai llajtapi causajcuna, tucuicuna chujchuichigari. Mandaj Dios shamuna punllaca ñamari pajtamucun, ñamari quichquiyamucun.

JOEL 2:11

Mandaj Diosca paipaj soldadocunatami mandanga. Paipaj soldadocunaca yallitaj achcacunami. Pai mandashcata rurajcunaca, yallitaj c'ari c'aricunami. Mandaj Dios shamuna punllaca, jatun mancharina punllamari. Chai jatun llaquicunataca ¿pitaj apai tucungari?

JOEL 3:12

Tucui llajtacunapi causajcuna, rijcharichigari. Josafat pugru pambaman huichiyaichigari. Chaipimi c'uchulla llajtacunapi causajcunataca, tucui paicuna imalla rurashcata ricuchingapaj tiyarisha.

JOEL 3:2

Tucui shujtaj llajtacunapi causajcunata tandachishpaca, Josafat pugru pambamanmi uriyachisha. Chaipimi ñuca agllashcacunata llaquichishpa causajcunataca llaquichisha. Paicunami ñucapajlla cachun agllashca israelcunataca, tucui llajtacunaman caita chaita cacharcacuna. Chashnami ñuca llajtataca chaupircacuna.

SOFONÍAS 1:14

Mandaj Dios jatunta llaquichina punllaca ñallamari chayamucun. Chai punllaca ñallamari pajtamucun. Mandaj Dios llaquichicui punllaca, jatun llaqui, huacai punllami canga. Chai punllapica, c'ari c'ari tucushca runacunapish capariringacunami.

Filipenses 3:2

Allcu shinacunamanta huaquichirichij. Pandata yachachij millaicunamanta huaquichirichij. Cuerpota p'itirijcunamanta huaquichirichij.

2 Pedro 3:7

Chashna cajpipish cunan tiyaj jahua pachapish, cai pachapish Dios rimajllapitajmi, ninahuan rupachinapaj ch'icanchishca tiyacun. Diosta mana rijsijcunata imalla rurashcata ricuchishpa chingachina punllapimi, chashna chingachinga.