JOEL 3:10 - Dios Rimashca Shimicunami

¹⁰ Cancunapaj azadoncunataca, espadata ruraichigari. Cancunapaj hocescunataca, lanzacunata ruraichigari. Fuerzata mana charijcunapish: Fuerzasapamari cani nishpa caparirichigari.

JOEL 3:10 Iomraidhean Croise

2 CRÓNICAS 25:8

Chai soldadocunata cambaj soldadocunahuan tandachishpa achca soldadocunata rurashpa macanacuiman rijpica, Diosca canta p'iñajcunapaj maquipi churangami. Pai Diosllamari mishachi tucun, mana cashpaca urmachi tucunpish– nircami.

ISAÍAS 2:4

Llajtacunataca Mandaj Diosmi mandanga. Achca llajtacunatami rimashpa cazuchinga. Paicunapaj espadacunaca yapuna rejami tucunga. Paicunapaj lanzacunaca hocesmi tucunga. Caishuj llajtapi causajcunahuan, chaishuj llajtapi causajcunahuan macanacuica ña mana tiyangachu. Macanacuipaj yachachinapish, ña mana tiyangachu.

JEREMÍAS 51:11

Mandaj Diosca Babilonia llajtataca, paipaj huasita urmachishcamantamari, jatunta llaquichisha nishca. Chaimantamari Media llajtata jatun mandajcunataca, Babiloniata llaquichina yuyaita cushca. Media soldadocunalla, puntajlla caspicunata alli p'ichaichigari, escudocunatapish rigrapi aparichigari.

MIQUEAS 4:3

Shinallataj Mandaj Diosca achcacunamanmi, paicuna imalla rurashcata ricuchinga. Manchanayaj jatun tucushca llajtacunatapish, carucunapi causajcunatapish allichingami. Chai punllapica espadacunataca tacashpami, azadonta rurangacuna. Lanzacunatapish hocestami ruranga. Chai punllapica shuj llajtahuan, caishuj llajtahuan jatun macanacuipish mana tiyangachu. Macanacunata yachanapish mana tiyangachu.

ZACARÍAS 12:8

Chai punllapica, Jerusalenpi causajcunamantaca, Mandaj Diosmi shayaringa. Paicunapurapi maijanpish fuerzata mana charishca cashpapish, chai punllapica jatun mandaj David shina c'ari c'aricunami cangacuna. Paicunapaj ñaupajpica, Davidpaj huahua huahuacunaca Dios shinapish, Mandaj Diospaj ángel shinapishmi cangacuna.

Lucas 13:12

Paita Jesús ricushpa cayashpaca: –Huarmi, cambaj ungüimantaca ñami cacharichishca cangui– nishpa,

Lucas 22:36

Chaimi Jesusca: –Shinashpaca, cunanca muchilata, cullquita maijanpish charijca apachunlla. Espadata mana charijca, churanata c'atushpa shujta randichunlla.