JOEL 2:8 - Dios Rimashca Shimicunami

⁸ Mai ladomanpish caishuj chaishuj mana quichquirinacushpami, tucuicuna quiquin ñanllata ringallacuna. Espadapi urmashpapish, manataj chugriringacunachu.

JOEL 2:8 Iomraidhean Croise

2 CRÓNICAS 23:10

Chai q'uipaca tucui chaipi cajcunaca paicunapaj maquipi espadacunata aisashcami, Diospaj huasi pungu ñaupajpica alli lado c'uchumantaca, lluqui lado c'uchucama, altar muyundijta shayarishpa jatun mandajtaca cuidacurcacuna.

2 CRÓNICAS 32:5

Ezequiasca, c'ari c'ari cana yuyaita japishpami, chai pueblo muyundij jatun pircata allichirca. Shinallataj chai jatun pirca jahuapipish torrecunatami rurachirca. Chai jatun pirca canlla ladomanpish shujtaj jatun pircatami rurachirca. Davidpaj pueblopi caj Milo nishca pamba muyundij pircatapishmi ashtahuan sinchita rurachirca. Shinallataj achca espadacunatapish, escudocunatapishmi rurachirca.

NEHEMÍAS 4:17

Chai pircata pircacuipica pasachijcunapish, aparijcunapish, shuj maquihuanca trabajacurcacunami, shuj maquihuanca espadata aisashcacunami carca.

NEHEMÍAS 4:23

Ñucapish, ñucahuan cajcunapish, ñucahuan caj q'uipa huiñaicunapish, ñucahuan caj cuidajcunapish churanacunataca dormingapajpish mana llujshichircanchijchu. Armangapajllami llujshichircanchij.

JOB 33:18

Chashnami paica pambana jutcuman rinamantapish, espadapi huañunamantapish quishpichin.

JOB 36:12

Ashtahuanpish mana uyashpaca, espadahuan huañuchishcami cangacuna. Alli yachaitaca mana yachashpami chingaringacuna.

PROVERBIOS 30:27

Langostacunapish jatun mandajta mana charishpapish, ch'ican ch'ican achcacunapura tandanacushpami shamuncuna.

CANTARES 4:13

Cambaj retoñocunaca, granada yuracunayuj huerta shinamari. Chai yurapi p'ucucuj grano shina mishquimari. Canca alheña sisacunahuan, nardocunahuan junda huerta shinamari cangui.

ISAÍAS 5:27

Paicunapurapica, pi mana shaicungacunachu. Ñitcarishpa urmajcunapish pi mana tiyangachu. Shujllapish mana dormingachu, pita mana dormi japingachu. Paicuna chumbillirishcatapish pi mana pascangachu. Paicunapaj pargate huatashcatapish pi mana p'itingachu.

JOEL 2:7

C'ari c'ari soldadocuna shinami callpangacuna. Alli macanacuj soldadocuna shinami, pirca jahuaman huichiyangacuna. Tucuicunami shuj ñanllata ringacuna, mana caita chaita puringacunachu.

JOEL 2:9

Puebloman chayashpaca, pata jahuatami callpangacuna. Huasicunaman huichiyashpaca, shuhua shinami ventanacunata yaicungacuna.