JOEL 2:6 - Dios Rimashca Shimicunami

⁶ Paipaj ñaupajpica, tucuicunami manchangacuna. Ñahuicunapish, quillu quillumi tucungacuna.

JOEL 2:6 Iomraidhean Croise

SALMOS 119:83

Cushni llujshinapi capachuta huarcushca shina cashpapish, quiquin chaitataj pajtachichun nishcataca manataj cungarishcanichu.

ISAÍAS 13:8

Yallitaj manchai, yallitaj llaqui, yallitaj nanaicunami paicunataca llapinga. Huachana nanaihuan caj huarmi torcericuj shinami tucungacuna. Paicunahuan cajcunata caishuj chaishuj ñahuita ricunacushpaca tucuicunami jatunta mancharingacuna. Paicunapaj ñahuicunaca nina lunyacuj shinami cangacuna.

JEREMÍAS 30:6

Maipi shuj runa huachashcata pitapish tapushpa uyaichigari. Ñucaca tucui c'aricunatami huachana nanaihuan caj huarmi shina cintura quinrita chariricujta ricuni. Tucuicunamari quillu quillu ñahui tucushcacuna.

JEREMÍAS 8:21

Ñuca llajtapi causajcuna llaquita apacujpimari, ñucapish jatun llaquihuan cani. Llaquihuan, manchaihuan yuyai amsayashcamari cani.

LAMENTACIONES 4:8

Cunanca tutatapish yalli yanacunamari, callepi puricujta ricushpapish pi cashcata mana rijsincunachu. Paicunapaj aichaca tulluman llutarishpa, caspi shinami chaquishca.

NAHUM 2:10

Chushajlla, huañucuj, llaquinayajmari saquirishca. Shungupish huañushcamari. Cunguri mucucunapish chujchucunmari, huijsatapish nanachicunmari. Ñahuicunapish quillu quillumari tucushca.

NAHUM 2:11

Jatun leoncuna malta leoncuna causana jutcucunapish, yaya leonpish, mama leonpish, huahua leoncunapish tandalla causana jutcucunapish ¿maitagari? Paicunataca pipish manamari manchachi tucurcacunachu.